Isha Ambani wedding: ಒಂದು ಆಮಂತ್ರಣ ಪತ್ರಕ್ಕೆ 3 ಲಕ್ಷ ರೂಪಾಯಿ, ಇಶಾ ಅಂಬಾನಿ ಅದ್ದೂರಿ ವಿವಾಹದ ಬಗ್ಗೆ ತಿಳಿಯಿರಿ

ದೇಶದ ಅತೀ ಶ್ರೀಮಂತ ವ್ಯಕ್ತಿಗಳಲ್ಲಿ ಒಬ್ಬರಾದ ಮುಕೇಶ್ ಅಂಬಾನಿಯ ಕುಟುಂಬದ ಪ್ರತಿಯೊಬ್ಬ ವ್ಯಕ್ತಿಯ ವಿವಾಹವು ಕೂಡಾ ಅತೀ ಅದ್ದೂರಿಯಾಗಿ ನಡೆದಿದೆ. ಎಷ್ಟು ಅದ್ದೂರಿಯಾಗಿ ನಡೆಸಲಾಗಿದೆ ಎಂದರೆ ಸಣ್ಣ ಸಣ್ಣ ವಸ್ತುಗಳಿಗೂ ಕೂಡಾ ಲಕ್ಷಾಂತರ ರೂಪಾಯಿಯನ್ನು ಖರ್ಚು ಮಾಡಲಾಗಿದೆ. ಅದರಲ್ಲೂ ಮುಖ್ಯವಾಗಿ ಇಶಾ ಅಂಬಾನಿ ವಿವಾಹವನ್ನು ಮುಕೇಶ್ ಅಂಬಾನಿ ಅದ್ದೂರಿಯಾಗಿ ನಡೆಸಿದ್ದಾರೆ.

ಇನ್ನು ನಾವು ಅತೀ ಅದ್ದೂರಿ ವಿವಾಹಗಳ ಬಗ್ಗೆ ಮಾತನಾಡುವಾಗ ಇಶಾ ಅಂಬಾನಿ ಮತ್ತು ಆನಂದ್ ಪರಿಮಳ್ ವಿವಾಹದ ಬಗ್ಗೆ ಮಾತನಾಡದಿದ್ದರೆ ಹೇಗೆ ಹೇಳಿ?. ಹೌದು ಇಶಾ ಅಂಬಾನಿ ಮತ್ತು ಆನಂದ್ ಪರಿಮಳ್ ವಿವಾಹಕ್ಕೆ ಅತೀ ದುಬಾರಿಯಾದ ವಸ್ತುಗಳನ್ನು ಬಳಕೆ ಮಾಡಲಾಗಿದೆ. ಭಾರತದಲ್ಲಿ ಅತೀ ಶ್ರೀಮಂತ ವಿವಾಹಗಳಲ್ಲಿ ಮುಕೇಶ್ ಅಂಬಾನಿಯ ಪುತ್ರಿ ಹಾಗೂ ಆಕೆಯ ಬಾಲ್ಯ ಸ್ನೇಹಿತ ಆನಂದ್ ಪರಿಮಳ್‌ರನ್ನು ವಿವಾಹವಾಗಿದ್ದಾರೆ. ಅದು ಅತೀ ಅದ್ದೂರಿ ವಿವಾಹವಾಗಿದೆ.

ಒಂದು ಆಮಂತ್ರಣ ಪತ್ರಕ್ಕೆ 3 ಲಕ್ಷ ರೂಪಾಯಿ

ದೇಶದ ಅತೀ ಶ್ರೀಮಂತ ವ್ಯಕ್ತಿಗಳಲ್ಲಿ ಒಬ್ಬರಾದ ಮುಕೇಶ್ ಅಂಬಾನಿಯ ಪುತ್ರಿ ಇಶಾ ಅಂಬಾನಿ ವಿವಾಹಕ್ಕೆ ಅತೀ ದುಬಾರಿಯಾದ ಆಮಂತ್ರಣ ಪತ್ರವನ್ನು ಮುದ್ರಣ ಮಾಡಿಸಿದ್ದಾರೆ. ಡೋಲ್ಸ್ ಮತ್ತು ಗಬ್ಬಾನಾ ಬಾಕ್ಸ್‌ಗಳಲ್ಲಿನ ಆಮಂತ್ರಣ ಪತ್ರಗಳಿಂದ ಹಿಡಿದು ಬೆಯೋನ್ಸ್ ಅಭಿನಯದವರೆಗೆ ಇದ್ದ ಇಶಾ ಅಂಬಾನಿಯ ವಿವಾಹವು ಭಾರತದ ಮೊದಲ ವಿಭಿನ್ನ ವಿವಾಹವಾಗಿದೆ. ವರದಿಯ ಪ್ರಕಾರ ಇಡೀ ಮದುವೆಗೆ 7 ಬಿಲಿಯನ್ ರೂಪಾಯಿ ಖರ್ಚು ಮಾಡಲಾಗಿದೆ.

ಅನೇಕ ಅನನ್ಯ ಮತ್ತು ಅತ್ಯಂತ ದುಬಾರಿ ವಸ್ತುಗಳ ಪೈಕಿ ಆಮಂತ್ರಣ ಕಾರ್ಡ್ ಕೂಡಾ ಒಂದಾಗಿದೆ. ವರದಿಗಳ ಪ್ರಕಾರ, ಪ್ರತಿ ಒಂದು ಪ್ರತಿ ಆಮಂತ್ರಣ ಪತ್ರಕ್ಕೆ 3 ಲಕ್ಷ ರೂಪಾಯಿ ಆಗಿದೆ. ಆಮಂತ್ರಣ ಪತ್ರವು ಗುಲಾಬಿ ಮತ್ತು ಚಿನ್ನದ ಲೇಸ್ ಮತ್ತು ಆಭರಣವಾಗಿ ಧರಿಸಬಹುದಾದ ಡಿಟ್ಯಾಚೇಬಲ್ ಚೈನ್‌ಗಳಿಂದ ಅಲಂಕರಿಸಲ್ಪಟ್ಟ ಡೋಲ್ಸ್ ಮತ್ತು ಗಬ್ಬಾನಾ ಬಾಕ್ಸ್‌ನಲ್ಲಿ ಇತ್ತು.

ಇಡೀ ಆಚರಣೆಯು ಉದಯಪುರ, ಇಟಲಿಯ ಲೇಕ್ ಕೊಮೊ ಮತ್ತು ನಂತರ ಮುಂಬೈನ ಅಂಬಾನಿ ಮನೆಯಲ್ಲಿ ನಡೆದಿದೆ. ಇಶಾ ಅಂಬಾನಿಯವರ ವಿವಾಹಕ್ಕೆ ಹಲವಾರು ಮಂದಿ ಸೆಲೆಬ್ರೆಟಿಗಳು ಹಾಜರಾಗಿದ್ದರು. ಸಮಾರಂಭದಲ್ಲಿ ಶಾರುಖ್ ಖಾನ್‌, ಅಮಿತಾಬ್ ಬಚ್ಚನ್ ಮತ್ತು ಇತರ ಬಾಲಿವುಡ್ ಸೆಲೆಬ್ರಿಟಿಗಳು ಇದ್ದರು. ಅಂತರಾಷ್ಟ್ರೀಯ ಪಾಪ್ ಸ್ಟಾರ್ ಬೆಯೋನ್ಸ್ ಹಾಜರಾಗಿದ್ದರು.

ಇಶಾ ಅಂಬಾನಿ ಅತಿ ದುಬಾರಿ ಮದುವೆಗೆ ಅಮೇರಿಕನ್ ಗಾಯಕಿ ಬೆಯೋನ್ಸ್ 45 ನಿಮಿಷಗಳ ಸುದೀರ್ಘ ಪ್ರದರ್ಶನವನ್ನು ನೀಡಿದ್ದಾರೆ. ಹಲವಾರು ಭೂಷಣಗಳಲ್ಲಿ ಒಟ್ಟಾಗಿ 45 ನಿಮಿಷಗಳ ಪ್ರದರ್ಶನಕ್ಕಾಗಿ ಗಾಯಕ 15 ಮಿಲಿಯನ್ ಡಾಲರ್‌ಗಳನ್ನು ಪಡೆದುಕೊಂಡಿದ್ದಾರೆ ಎಂದು ವರದಿಯು ಹೇಳಿದೆ. ದಂಪತಿಗಳು 2018 ರಲ್ಲಿ ವಿವಾಹವಾಗಿದ್ದಾರೆ. ವಿವಾಹದ ನಂತರ 450 ಕೋಟಿ ರೂಪಾಯಿ ಮೌಲ್ಯದ ಐಷಾರಾಮಿ ಸಮುದ್ರಾಭಿಮುಖ ಭವನಕ್ಕೆ ತೆರಳಿದ್ದಾರೆ.

ಮುಕೇಶ್ ಅಂಬಾನಿಯ ಪುತ್ರಿ ಇಶಾ ಅಂಬಾನಿಯು ತನ್ನ ವಿವಾಹದಲ್ಲಿ ರೋಯಲ್‌ ಲುಕ್ ಹೊಂದಿದ್ದರು, ಹಾಗೆಯೆ ಅತೀ ದುಬಾರಿ ಲೆಹೆಂಗಾವನ್ನು ಧರಿಸಿದ್ದರು. 2018ರಲ್ಲಿ ಇಶಾ ಅಂಬಾನಿ, ಅನಂತ್ ಪರಿಮಳ್‌ರನ್ನು ವಿವಾಹವಾಗಿದ್ದಾರೆ. ಈ ವಿವಾಹವನ್ನು ಸುಮಾರು 700 ಕೋಟಿ ರೂಪಾಯಿಗೂ ಅಧಿಕ ವೆಚ್ಚದಲ್ಲಿ ಅದ್ದೂರಿಯಾಗಿ ನಡೆಸಲಾಗಿದೆ. ವಿವಾಹವನ್ನು ಒಂದು ಹಬ್ಬವಾಗಿಯೇ ಆಚರಿಸಲಾಗಿದೆ.

ನಿಶಾ ಅಂಬಾನಿ ಕೂಡಾ ತನ್ನ ಬಾಲ್ಯದ ಸ್ನೇಹಿತನನ್ನು ವಿವಾಹವಾಗಿದ್ದಾರೆ. ಅನಂತ್ ಪರಿಮಳ್ ಜೊತೆ ವಿವಾಹದ ಸಂದರ್ಭದಲ್ಲಿ ಇಶಾ ಅಂಬಾನಿ ಅಬು ಜಾನಿ ಸಂದೀಪ್ ಕೋಸ್ಲಾ ಡಿಸೈನ್ ಮಾಡಿದ ಬೆಸ್‌ಪೋಕ್ ಲೆಹೆಂಗಾವನ್ನು ಧರಿಸಿದ್ದಾರೆ. ಈ ಲೆಹೆಂಗಾ ಸುಮಾರು 90 ಕೋಟಿ ರೂಪಾಯಿ ಮೌಲ್ಯವಾಗಿದೆ.