ಟಿಎಫ್‌ಆರ್ ಅಂದರೇನು? ಕುಸಿದ ಕರ್ನಾಟಕದ ಟಿಎಫ್‌ಆರ್‌, ಇದರಿಂದ ನಮಗಾಗುತ್ತಿರುವ ನಷ್ಟದ ಬಗ್ಗೆ ಗೊತ್ತಾ?

ಇತ್ತೀಚಿಗೆ ಕರ್ನಾಟಕದಾದ್ಯಂತ ಸದ್ದು ಮಾಡುತ್ತಿರುವ ವಿಷಯವೆಂದರೆ ಅದು ತೆರಿಗೆ ಹಂಚಿಕೆಯಲ್ಲಿ ನಮ್ಮ ರಾಜ್ಯಕ್ಕೆ ಆಗುತ್ತಿರುವ ಮೋಸದ ವಿಷಯ, ಇದರ ಬಗ್ಗೆ ಈಗಾಗಲೇ ನಮ್ಮ ರಾಜ್ಯ ಸರ್ಕಾರ ದೆಹಲಿಗೆ ಹೋಗಿ ಪ್ರತಿಭಟನೆ ಕೂಡ ಮಾಡಿ ಬಂದರು, ಆದರೆ ಯಾವುದೇ ರೀತಿಯ ಉಪಯೋಗ ಆಗಲಿಲ್ಲ.

ಏಕೆಂದರೆ ತೆರಿಗೆ ಹಂಚಿಕೆಯನ್ನು ನಮ್ಮ ದೇಶದ ನೀತಿ ಆಯೋಗವು ಕೆಲವು ಪ್ರಮುಖ ಮಾನದಂಡಗಳನ್ನು ಅನುಸರಿಸಿ ಅವುಗಳ ಆಧಾರದ ಮೇಲೆ ಆಯಾ ರಾಜ್ಯಗಳಿಗೆ ತೆರಿಗೆಯನ್ನು ಹಂಚಿಕೆ ಮಾಡುತ್ತದೆ. ಆ ಕೆಲವು ಮಾನದಂಡಗಳಲ್ಲಿ ಒಂದು ಪ್ರಮುಖ ಮಾನದಂಡವೆಂದರೆ ಅದು ರಾಜ್ಯದ ಜನಸಂಖ್ಯೆ.

ಇದೇ ಆಧಾರದ ಮೇಲೆ ದೇಶದಲ್ಲಿ ಜನಸಂಖ್ಯೆಯಲ್ಲಿ ಮೊದಲೆರಡು ಸ್ಥಾನ ಪಡೆದುಕೊಂಡಿರುವ ಉತ್ತರ ಪ್ರದೇಶ ಮತ್ತು ಬಿಹಾರ್ ಅತಿ ಹೆಚ್ಚು ಪಾಲನ್ನು ಪಡೆಯುತ್ತಿವೆ, ನಮ್ಮ ಕರ್ನಾಟಕ ರಾಜ್ಯವು ಜನಸಂಖ್ಯೆಯಲ್ಲಿ ಒಂಬತ್ತನೇ ಸ್ಥಾನದಲ್ಲಿದ್ದು, ಜನಸಂಖ್ಯಾ ನಿಯಂತ್ರಣವನ್ನು ಕಟ್ಟು ನಿಟ್ಟಾಗಿ ಪಾಲಿಸಿದ್ದೇ ಇಂದು ನಮಗೆ ಮುಳುವಾಗಿ ಪರಿಣಮಿಸಿದೆ ಎಂದೇ ಹೇಳಬಹುದು.

ಇತ್ತೀಚೆಗೆ ನಮ್ಮ ರಾಜ್ಯದ TFR 2030 ಕ್ಕೆ ಕೇವಲ 1.5 ಗೆ ಕುಸಿಯಬಹುದು ಎಂಬ ಆತಂಕಕಾರಿ ವರದಿ ಬಂದಿದೆ. ಹೀಗೆ ಮುಂದುವರೆದರೆ ಕರ್ನಾಟಕದ ಜನಸಂಖ್ಯೆ ಇತರೆ ರಾಜ್ಯಗಳ ರೀತಿ ಬೆಳವಣಿಗೆ ಆಗದೆ ನಾವು ಇನ್ನಷ್ಟು ನಷ್ಟವನ್ನು ಅನುಭವಿಸಬಹುದು. ಹಾಗಾದರೆ TFR ಎಂದರೇನು ಎಂದು ತಿಳಿದುಕೊಳ್ಳೋಣ ಬನ್ನಿ...

ಟಿಎಫ್‌ಆರ್ ಎಂದರೇನು?

ಟೋಟಲ್ ಫರ್ಟಿಲಿಟಿ ರೇಟ್ (TFR) ಎಂಬುದು ದೈನಂದಿನ ಸುದ್ದಿಗಳಲ್ಲಿ ಸಾಮಾನ್ಯವಾಗಿ ಕಂಡುಬರುವ ಪದವಾಗಿದೆ. ಅದರ ಮಾಪನವು ಅದರ ಜನಸಂಖ್ಯೆಯ ನಿಯಂತ್ರಣ ಕ್ರಮಗಳಲ್ಲಿ ದೇಶವು ಹೇಗೆ ಸಾಗುತ್ತಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಮತ್ತು ಜನಸಂಖ್ಯೆಯ ಉತ್ತಮ ಪ್ರವೃತ್ತಿಯ ಪ್ರಕ್ಷೇಪಣಕ್ಕೆ ಮುಖ್ಯವಾಗಿದೆ. ಈ ಲೇಖನದಲ್ಲಿ, ದೇಶದ ಒಟ್ಟು ಫಲವತ್ತತೆ ದರ (TFR) ನಿಖರವಾಗಿ ಏನೆಂದು ನೀವು ಓದಬಹುದು ಮತ್ತು ಅರ್ಥಮಾಡಿಕೊಳ್ಳಬಹುದು.

ಒಟ್ಟು ಫಲವತ್ತತೆ ದರದ ಅರ್ಥ

ಒಟ್ಟು ಫಲವತ್ತತೆ ದರವು ಮಹಿಳೆಯು ತನ್ನ ಜೀವಿತಾವಧಿಯಲ್ಲಿ ಹೊಂದುವ ಮಕ್ಕಳ ಸರಾಸರಿ ಸಂಖ್ಯೆಯಾಗಿದೆ. ಇದನ್ನು ಪ್ರತಿ ಮಹಿಳೆಗೆ ಮಕ್ಕಳ ಪರಿಭಾಷೆಯಲ್ಲಿ ಅಳೆಯಲಾಗುತ್ತದೆ. ಐದು ವರ್ಷಗಳ ಮಧ್ಯಂತರಗಳಲ್ಲಿ ಎಲ್ಲಾ ವಯಸ್ಸಿನ-ನಿರ್ದಿಷ್ಟ ಫಲವತ್ತತೆ ದರಗಳನ್ನು ಸೇರಿಸುವ ಮೂಲಕ ಇದನ್ನು ಲೆಕ್ಕಹಾಕಲಾಗುತ್ತದೆ.

ಕೆಳಗಿನ-ಬದಲಿ ಫಲವತ್ತತೆಯನ್ನು ಫಲವತ್ತತೆ ಮತ್ತು ಮರಣ ದರಗಳ ಸಂಯೋಜನೆ ಎಂದು ವ್ಯಾಖ್ಯಾನಿಸಲಾಗಿದೆ, ಇದು ಋಣಾತ್ಮಕ ಜನಸಂಖ್ಯೆಯ ಬೆಳವಣಿಗೆಯ ದರದಲ್ಲಿ ಮತ್ತು ಪರಿಣಾಮವಾಗಿ, ಕುಗ್ಗುತ್ತಿರುವ ಜನಸಂಖ್ಯೆಗೆ ಕಾರಣವಾಗುತ್ತದೆ.

ಟಿಎಫ್‌ಆರ್ ಅನ್ನು ಅತ್ಯಂತ ಉಪಯುಕ್ತ ಫಲವತ್ತತೆ ಸೂಚಕಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಟಿಎಫ್‌ಆರ್‌ ಅನ್ನು ಸಾಮಾನ್ಯವಾಗಿ ಪ್ರತಿ ಮಹಿಳೆಗೆ ಸರಾಸರಿ ಮಕ್ಕಳ ಸಂಖ್ಯೆ ಎಂದು ವಿವರಿಸಲಾಗುತ್ತದೆ, ಇದು ಫಲವತ್ತತೆಯ ಒಂದು ಅರ್ಥಗರ್ಭಿತ ಅಳತೆಯಾಗಿದೆ.

ಟಿಎಫ್‌ಆರ್‌ ಕುಸಿತದಿಂದ ಕರ್ನಾಟಕ ಎದುರಿಸಬೇಕಾದ ಪರಿಣಾಮಗಳು

ಕರ್ನಾಟಕದಲ್ಲಿ ಜನಸಂಖ್ಯಾ ನಿಯಂತ್ರಣ ನೀತಿಯನ್ನು ಜಾರಿಗೆ ತರಲು ಯೋಚಿಸುವುದು "ವಿಪತ್ತು" ಎಂದು ಹೇಳಿರುವ ಪಾಪ್ಯುಲೇಶನ್ ಫೌಂಡೇಶನ್ ಆಫ್ ಇಂಡಿಯಾದ ಕಾರ್ಯನಿರ್ವಾಹಕ ನಿರ್ದೇಶಕಿ ಪೂನಂ ಮುತ್ರೇಜಾ, ಯಾವುದೇ ರಾಜ್ಯಕ್ಕೆ ಇಂತಹ ನೀತಿ ಅಗತ್ಯವಿಲ್ಲ ಎಂದು ಹೇಳಿದರು ಮತ್ತು ಕರ್ನಾಟಕವು ಅಂತಹ 'ದಬ್ಬಾಳಿಕೆಯ' ನೀತಿಯನ್ನು ಜಾರಿಗೊಳಿಸಿದರೆ.

ನಂತರ ಸರ್ಕಾರವು ಶೀಘ್ರದಲ್ಲೇ ಜನರಿಗೆ ಪ್ರೋತ್ಸಾಹಕಗಳನ್ನು ನೀಡಲು ಪ್ರಾರಂಭಿಸಬೇಕಾಗುತ್ತದೆ, ವಿಶೇಷವಾಗಿ ಕರ್ನಾಟಕದ ಒಟ್ಟು ಫಲವತ್ತತೆ ದರ (TFR) 1999 ರಲ್ಲಿ 2.5 ರಿಂದ 2023 ರಲ್ಲಿ 1.5 ಕ್ಕೆ ಇಳಿಕೆಯಾಗುತ್ತಿದೆ, ಆದರೆ ದೇಶದ ನಿಗದಿತ TFR 2.1 ಆಗಿದೆ. ನಮ್ಮ ರಾಜ್ಯದ TFR ನಿಗದಿತ TFR ಗಿಂತ ಸಾಕಷ್ಟು ಕುಸಿತಗೊಂಡಿದೆ.ಹೀಗೆ ಮುಂದುವರೆದರೆ ಕರ್ನಾಟಕಕ್ಕೇ ಆಗುವ ಪ್ರತಿಕೂಲ ಪರಿಣಾಮಗಳನ್ನು ನೋಡೋಣ ಬನ್ನಿ...

ಕರ್ನಾಟಕಕ್ಕೆ ಆಗುವ ನಷ್ಟ

ಜಪಾನ್‌ನಲ್ಲಿ, ಜನಸಂಖ್ಯೆಯ ಶೇಕಡಾ 38 ರಷ್ಟು ಜನರು 60 ವರ್ಷಕ್ಕಿಂತ ಮೇಲ್ಪಟ್ಟವರಾಗಿದ್ದು, ಭವಿಷ್ಯದಲ್ಲಿ ಕರ್ನಾಟಕದಲ್ಲಿ ಕೂಡ ಹೆಚ್ಚಿನ ವಯಸ್ಸಾದ ಜನಸಂಖ್ಯೆಯನ್ನು ನೋಡಿಕೊಳ್ಳುವ ಇದೇ ರೀತಿಯ ಸವಾಲನ್ನು ನಿರೀಕ್ಷಿಸಬಹುದು.

ಜನಸಂಖ್ಯೆ ಆಧಾರದಲ್ಲಿ ಬರುವ ಹಲವಾರು ಉಪಯೋಗಗಳನ್ನು ರಾಜ್ಯ ಕಳೆದುಕೊಳ್ಳಬಹುದು ಅವೆಂದರೆ ತೆರಿಗೆ ಹಂಚಿಕೆ, ಭವಿಷ್ಯದಲ್ಲಿ ಲೋಕಸಭಾ ಸದಸ್ಯರ ಸಂಖ್ಯೆ ಕೂಡ ಕಡಿಮೆಯಾಗಬಹುದು ಇದರಿಂದ ಕೇಂದ್ರದಲ್ಲಿ ಕರ್ನಾಟಕದ ಪ್ರಾಮುಖ್ಯತೆ ಕಡಿಮೆಯಾಗಬಹುದು.

2030 ರ ವೇಳೆಗೆ ಕರ್ನಾಟಕದಲ್ಲಿ ಸಾವಿನ ಸಂಖ್ಯೆ 12 ಲಕ್ಷ ಆದರೆ ಜನನ ಸಂಖ್ಯೆ ಕೇವಲ 10.2 ಲಕ್ಷ ಆಗಬಹುದೆಂದು ಒಂದು ವರದಿ ಹೇಳಿದೆ ಇದರಿಂದ ನಮ್ಮ ಜನಸಂಖ್ಯೆಯು ಗಣನೀಯವಾಗಿ ಕಡಿಮೆ ಆಗಬಹುದೆಂದು ತಜ್ಞರು ಹೇಳುತ್ತಿದ್ದಾರೆ.

ಸ್ಥಿರವಾದ ಜನಸಂಖ್ಯೆಯನ್ನು ಕಾಪಾಡಿಕೊಳ್ಳಲು, ಸಂತಾನೋತ್ಪತ್ತಿ ದರವು ಕನಿಷ್ಠ 2.1 ಆಗಿರಬೇಕು. ಜೀವನಶೈಲಿ ಮತ್ತು ವೃತ್ತಿ ಆಯ್ಕೆಗಳಿಂದ ಆರು ದಂಪತಿಗಳಲ್ಲಿ ಒಬ್ಬರು ಫಲವತ್ತತೆಯ ಸಮಸ್ಯೆಗಳನ್ನು ಎದುರಿಸುತ್ತಾರೆ ಎಂದು ತಜ್ಞರು ಹೇಳುತ್ತಿದ್ದಾರೆ.