World's Expensive Fungi: ಹಿಮಾಲಯದಲ್ಲಿದೆ ವಿಶ್ವದ ದುಬಾರಿ ಗಿಡಮೂಲಿಕೆ, ಬೆಲೆ ಕೇಳಿದ್ರೆ ಬೆರಗಾಗ್ತೀರಿ!

ಭಾರತವು ತನ್ನ ವೈವಿಧ್ಯತೆ ಮತ್ತು ಸಂಸ್ಕೃತಿಗೆ ಹೆಸರುವಾಸಿಯಾದ ದೇಶವಾಗಿದೆ. ಅನೇಕ ಪ್ರದೇಶಗಳಲ್ಲಿ, ಜನರು ಗಿಡಮೂಲಿಕೆಗಳ ಮೂಲಕ ರೋಗಗಳಿಗೆ ಚಿಕಿತ್ಸೆ ನೀಡುವ ತಮ್ಮದೇ ಆದ ವಿಧಾನವನ್ನು ಹೊಂದಿದ್ದಾರೆ. ವಿಶ್ವದಲ್ಲೇ ಎಲ್ಲರ ಗಮನ ಸೆಳೆಯುತ್ತಿರುವ ಆಯುರ್ವೇದ ಭಾರತದಿಂದಲೇ ಅಭಿವೃದ್ಧಿಗೊಂಡಿದೆ.

ವಿವಿಧ ಪ್ರದೇಶಗಳಲ್ಲಿ ಕಂಡುಬರುವ ಅನೇಕ ಗಿಡಮೂಲಿಕೆಗಳು ಮತ್ತು ಔಷಧಿಗಳಿವೆ. ಅತೀ ಗಂಭೀರವಾದ ಕಾಯಿಲೆಗಳಿಗೆ ಚಿಕಿತ್ಸೆ ನೀಡಲು ಕೂಡಾ ಸಾಧ್ಯವಾಗುತ್ತದೆ. ಇಡೀ ಪ್ರಪಂಚದ ಗಮನವನ್ನು ಸೆಳೆದ ಅಂತಹ ಒಂದು ಗಿಡಮೂಲಿಕೆ ಹಿಮಾಲಯದಲ್ಲಿದೆ. ಈ ಮೂಲಿಕೆ ಬಗ್ಗೆ ಇಲ್ಲಿದೆ ವಿವರ ಮುಂದೆ ಓದಿ...

ವಿಶ್ವದ ಅತೀ ದುಬಾರಿ ಗಿಡಮೂಲಿಕೆ

ಹೌದು, ವಿಶ್ವದಲ್ಲೇ ಅತೀ ದುಬಾರಿಯಾದ ಗಿಡಮೂಲಿಕೆಯು ಹಿಮಾಲಯದಲ್ಲಿದೆ. ಚಿನ್ನಕ್ಕಿಂತಲೂ ಅತೀ ದುಬಾರಿಯಾದ ಈ ಗಿಡಮೂಲಿಕೆಯನ್ನು ವರ್ಮ್ವುಡ್ ಅಥವಾ ಕೀಡಾ ಜಡಿ ಎಂದೂ ಕರೆಯಲಾಗುತ್ತದೆ. ಇದು ಶಿಲೀಂಧ್ರವಾಗಿದೆ ಮತ್ತು ಇದು ಅಸಂಖ್ಯಾತ ಪ್ರಯೋಜನವನ್ನು ಹೊಂದಿದೆ. ಇದರಿಂದಾಗಿ ವಿಶ್ವದ ಅತ್ಯಂತ ದುಬಾರಿ ಶಿಲೀಂಧ್ರಗಳಲ್ಲಿ ಒಂದಾಗಿದೆ.

ವರದಿಗಳ ಪ್ರಕಾರ, ಈ ಅಮೂಲ್ಯವಾದ ಗಿಡಮೂಲಿಕೆಯು ಟಿಬೆಟ್, ಭೂತಾನ್, ಭಾರತ, ಚೀನಾ ಮತ್ತು ನೇಪಾಳದ ಎತ್ತರದ ಹಿಮಾಲಯ ಪ್ರದೇಶಗಳಲ್ಲಿ ಕಂಡುಬರುತ್ತದೆ. ಸ್ಥಳೀಯರು ಕೀಡಾ ಜಡಿ ಎಂದು ಕರೆಯುವ ಅನೇಕ ಸ್ಥಳಗಳಲ್ಲಿ ಲಭ್ಯವಿದೆ. ಉತ್ತರಾಖಂಡದ ಚಮೋಲಿ ಮತ್ತು ಪಿಥೋರಗಢ್‌ನ ಧಾರ್ಚುಲಾ ಮತ್ತು ಮುನ್ಸಿಯಾರಿಯಂತಹ 3,500 ಮೀಟರ್ ಎತ್ತರದ ಸ್ಥಳಗಳಲ್ಲಿ ನೈಸರ್ಗಿಕವಾಗಿ ಕಂಡುಬರುತ್ತದೆ.

ಯಾವೆಲ್ಲ ಚಿಕಿತ್ಸೆಗೆ ಬಳಕೆ?

ತಾಪಮಾನವು -10 ಡಿಗ್ರಿ ಸೆಲ್ಸಿಯಸ್‌ಗೆ ಇಳಿಯುವ ಸ್ಥಳಗಳಲ್ಲಿ ಪ್ರಸಿದ್ಧ ಮೂಲಿಕೆ ನೈಸರ್ಗಿಕವಾಗಿ ಬೆಳೆಯುತ್ತದೆ ಎಂದು ವರದಿಯಾಗಿದೆ. ಈ ಮೂಲಿಕೆಗಳ ಒಂದು ಪ್ರಮುಖ ಅಂಶವೆಂದರೆ ಇದನ್ನು ಕ್ಯಾನ್ಸರ್ ಮತ್ತು ದುರ್ಬಲತೆಯಂತಹ ವಿವಿಧ ಕಾಯಿಲೆಗಳಿಗೆ ಚಿಕಿತ್ಸೆ ನೀಡಲು ಬಳಸಬಹುದಾಗಿದೆ.

ತಜ್ಞರ ಪ್ರಕಾರ, ಮೂಲಿಕೆಯು ಕಾರ್ಡಿಸೆಪ್ಸ್ ಪರಾವಲಂಬಿಗಳನ್ನು ಹೊಂದಿದ್ದು ಅದು ಮರಿಹುಳುಗಳನ್ನು ಕೊಂದು ಅವುಗಳ ಮೇಲೆ ಬೆಳೆಯುತ್ತದೆ. ಮೇಲ್ನೋಟಕ್ಕೆ, ಇದು ಕೀಟದಂತೆ ಕಾಣುತ್ತದೆ, ಆದ್ದರಿಂದ ಇದನ್ನು ಕೀಡಾ ಜಡಿ ಎಂದು ಕರೆಯಲಾಗುತ್ತದೆ. ವರದಿಯ ಪ್ರಕಾರ, ಮೂಲಿಕೆಯು ಎಷ್ಟು ಜನಪ್ರಿಯವಾಗಿದೆ ಎಂದರೆ ಅದು 20 ಲಕ್ಷ ರೂಪಾಯಿಗೂ ಅಧಿಕ ಬೆಲೆಗೆ ಮಾರಾಟವಾಗುತ್ತದೆ.

ಇದನ್ನು ತಯಾರಿಸಲು ಸುಮಾರು 180 ದಿನಗಳನ್ನು ತೆಗೆದುಕೊಳ್ಳುವುದರಿಂದ ಅದನ್ನು ತಯಾರಿಸುವ ಪ್ರಕ್ರಿಯೆಯು ತುಂಬಾ ಕಷ್ಟಕರವಾಗಿದೆ. ಇದಲ್ಲದೆ, ಇದರ ಪ್ರಯೋಜನಗಳು ಅತೀ ಅಧಿಕವಾಗಿದೆ. ಇದು ಪ್ರಪಂಚದಾದ್ಯಂತದ ಅನೇಕ ದೇಶಗಳಲ್ಲಿ, ವಿಶೇಷವಾಗಿ ಚೀನಾದಲ್ಲಿ ಭಾರಿ ಬೇಡಿಕೆಯಲ್ಲಿದೆ. ಚೀನಾದ ಸ್ಥಳೀಯ ಜನರು ದೇಶದಲ್ಲಿ ಹಲವಾರು ವರ್ಷಗಳಿಂದ ಇದನ್ನು ಬಳಸುತ್ತಿದ್ದಾರೆ.

ಕಾರ್ಡಿಸೆಪ್ಸ್ ಪರಾವಲಂಬಿಗಳು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವಲ್ಲಿ ಮತ್ತು ಕ್ಯಾನ್ಸರ್ ಕೋಶಗಳ ಹರಡುವಿಕೆಯನ್ನು ತಡೆಯುವಲ್ಲಿ ಬಹಳ ಪರಿಣಾಮಕಾರಿ ಎಂದು ಕಂಡುಬಂದಿದೆ. ಶ್ವಾಸಕೋಶ ಅಥವಾ ಚರ್ಮದ ಕ್ಯಾನ್ಸರ್ ಚಿಕಿತ್ಸೆಯಲ್ಲಿ ಇದು ವಿಶೇಷವಾಗಿ ಬಳಕೆ ಮಾಡಲಾಗುತ್ತದೆ.

ಇದಲ್ಲದೆ, ಇದು ಮೂತ್ರಪಿಂಡ ಮತ್ತು ಯಕೃತ್ತಿನ ಸಮಸ್ಯೆಗಳನ್ನು ಸಹ ನಿವಾರಿಸುತ್ತದೆ. 1 ವರ್ಷದವರೆಗೆ ಪ್ರತಿದಿನ 3-6 ಗ್ರಾಂ ಗಿಡಮೂಲಿಕೆಗಳನ್ನು ಸೇವಿಸಿದರೆ, ಅತಿಸಾರ ಮತ್ತು ಮಲಬದ್ಧತೆಯಂತಹ ಸಮಸ್ಯೆಗಳನ್ನು ಶಾಶ್ವತವಾಗಿ ತೆಗೆದುಹಾಕಬಹುದು. ಆದ್ದರಿಂದಾಗಿ ಈ ಗಿಡಮೂಲಿಕೆಗೆ ಬೇಡಿಕೆ ಅಧಿಕವಾಗಿದೆ.