ಬ್ಲಿಂಕಿಟ್‌ ಗೆ 300 ಕೋ. ರೂ., ಮನರಂಜನಾ ವಿಭಾಗದಲ್ಲಿ 100 ಕೋ. ರೂ. ಹೂಡಿಕೆ ಮಾಡಿದ ಝೊಮ್ಯಾಟೊ

ಬೆಂಗಳೂರು, ಜೂನ್‌ 13: ಆನ್‌ಲೈನ್ ಆಹಾರ ವಿತರಣಾ ವೇದಿಕೆಯಾದ ಝೊಮ್ಯಾಟೊ ತನ್ನ ತ್ವರಿತ ದಿನಸಿ ಡೆಲಿವರಿ ಸೇವಾ ಆ್ಯಪ್ ಬ್ಲಿಂಕಿಟ್‌ನಲ್ಲಿ 300 ಕೋಟಿ ರೂ ಹೂಡಿಕೆ ಮಾಡಿದೆ. ಬ್ಲಿಂಕಿಟ್ ವಿಭಾಗವು ತನ್ನ ಪ್ರಮುಖ ಆಹಾರ ವಿತರಣಾ ಝೊಮ್ಯಾಟೊ ವ್ಯವಹಾರವನ್ನು ಮೀರಿಸುವ ಸಾಧ್ಯತೆಯನ್ನು ಮನಗಂಡಿರುವ ಹಿನ್ನಲೆ ಈ ನಿರ್ಧಾರ ಮಾಡಲಾಗಿದೆ ಎಂದು ಸಂಸ್ಥೆ ಹೇಳಿದೆ.

TheKredible ಮೂಲಕ ಪ್ರವೇಶಿಸಿದ ಕಂಪನಿಗಳ ರಿಜಿಸ್ಟ್ರಾರ್‌ಗೆ ಸಲ್ಲಿಸಿದ ಫೈಲಿಂಗ್‌ಗಳ ಪ್ರಕಾರ ಕಂಪನಿಯ ಮಂಡಳಿಯು ಬ್ಲಿಂಕಿಟ್ ಕಾಮರ್ಸ್‌ನಲ್ಲಿ 300 ಕೋಟಿ ರೂ ಹೂಡಿಕೆ ಮಾಡಲು ಅನುಮೋದಿಸಿದೆ ಎಂದು ವರದಿಯಾಗಿದೆ. Zomato ಇದಲ್ಲದೇ ತನ್ನ "ಝೊಮ್ಯಾಟೊ ಎಂಟರ್‌ಟೈನ್‌ಮೆಂಟ್‌"ನಲ್ಲಿ 100 ಕೋಟಿ ರೂಪಾಯಿ ಹೂಡಿಕೆ ಮಾಡಲಿದೆ. ಝೊಮ್ಯಾಟೊ ಎಂಟರ್‌ಟೈನ್‌ಮೆಂಟ್‌ ಸಂಗೀತ ಕಚೇರಿಗಳು, ಪಾರ್ಟಿಗಳು , ಕನ್ಸರ್ಟ್ ಮತ್ತು ಇತರ ಸೆಲೆಬ್ರೇಷನ್ ಗಳ ನಿರ್ವಹಣೆ ಮತ್ತು ಇದರ ಟಿಕೆಟ್ ಮಾರಾಟ ಮಾಡಲಿದೆ.

2022ರ ಆಗಸ್ಟ್ ನಲ್ಲಿ ಬ್ಲಿಂಕಿಟ್‌ 4,447 ಕೋಟಿ ರೂ.(ಸುಮಾರು 570 ಮಿಲಿಯನ್ ಡಾಲರ್‌) ಗೆ ಸ್ವಾಧೀನಪಡಿಸಿಕೊಂಡಿತ್ತು. ಇದಲ್ಲದೇ ಬ್ಲಿಂಕಿಟ್ ಗೆ ಈವರೆಗೆ 2,300 ಕೋಟಿ ರೂ. ಹೂಡಿಕೆ ಮಾಡಿದೆ. ಈ ನಡುವೆ, ಜನವರಿ-ಮಾರ್ಚ್ ತ್ರೈಮಾಸಿಕ ಆರ್ಥಿಕವರ್ಷದಲ್ಲಿ 24 ರಲ್ಲಿ ಆನ್‌ಲೈನ್ ಆಹಾರ ವಿತರಣಾ ವೇದಿಕೆಯು ಹೊಂದಿಸಲಾದ EBITDA(ಬಡ್ಡಿ, ತೆರಿಗೆಗಳು, ಸವಕಳಿ ಮತ್ತು ಭೋಗ್ಯದ ಮೊದಲು ಗಳಿಕೆ)ಯಲ್ಲಿ 194 ಕೋಟಿ ರೂ. ಗಳನ್ನು ಗಳಿಸಿದ್ದರಿಂದ ಬ್ಲಿಂಕಿಟ್ ಮಾರ್ಚ್‌ನಲ್ಲಿ ಹೊಂದಾಣಿಕೆಯ ಇಬಿಐಟಿಡಿಎ ಧನಾತ್ಮಕವಾಗಿದೆ ಎಂದು ಝೊಮ್ಯಾಟೊ ಹೇಳಿದೆ.

ಕಳೆದ ವರ್ಷದ ಇದೇ ತ್ರೈಮಾಸಿಕಕ್ಕೆ ಹೋಲಿಸಿದರೆ ಏಕೀಕೃತ ಹೊಂದಾಣಿಕೆಯ EBITDA 369 ಕೋಟಿಗಳಷ್ಟು ಸುಧಾರಿಸಿದೆ. ಹೊಂದಾಣಿಕೆಯ ಆದಾಯವು 3,873 ಕೋಟಿ ರೂ.ಗಳಾಗಿದ್ದು, ತ್ರೈಮಾಸಿಕದಲ್ಲಿ 61 ಶೇಕಡಾ ಬೆಳವಣಿಗೆ (ವರ್ಷದಿಂದ ವರ್ಷಕ್ಕೆ) ಆಗಿದೆ, ಆಹಾರದ ಒಟ್ಟು ಆರ್ಡರ್ ವಿತರಣೆ (GOV) 28 ಶೇಕಡಾ (ವರ್ಷದ ಮೇಲೆ) ಬೆಳವಣಿಗೆಯಾಗಿದೆ ಎಂದು ಕಂಪನಿಯು ಹೇಳಿಕೆಯಲ್ಲಿ ತಿಳಿಸಿದೆ.