ಭಾರತೀಯ ರೈಲ್ವೆಯಿಂದ 100 ದಿನದ ಯೋಜನೆ, ಏನಿದರ ವಿಶೇಷತೆ ತಿಳಿಯಿರಿ

ಬೆಂಗಳೂರು, ಏಪ್ರಿಲ್‌ 4: ಮುಂಬರುವ ಹೊಸ ಸರ್ಕಾರಕ್ಕಾಗಿ ಭಾರತೀಯ ರೈಲ್ವೇ ದೊಡ್ಡ 100 ದಿನಗಳ ಯೋಜನೆಯನ್ನು ಸಿದ್ಧಪಡಿಸಿದೆ. ಭಾರತೀಯ ರೈಲ್ವೇಯು ವಂದೇ ಭಾರತ್ ಸ್ಲೀಪರ್‌ ಕೋಚ್‌ನ ಯೋಜನೆಗಳನ್ನು ಅಂತಿಮಗೊಳಿಸುತ್ತಿದೆ.

ಇದರಲ್ಲಿ ಪ್ರಮುಖ ಕಾಶ್ಮೀರ ರೈಲ್ವೆ ಯೋಜನೆಯನ್ನು ಪೂರ್ಣಗೊಳಿಸುತ್ತದೆ. ಈ ಮಾರ್ಗ ಭಾರತದ ಉಳಿದ ಭಾಗಗಳೊಂದಿಗೆ ಜಮ್ಮು ಮತ್ತು ಕಾಶ್ಮೀರವನ್ನು ಸಂಪರ್ಕಿಸುತ್ತದೆ. ಬುಲೆಟ್ ರೈಲು ಯೋಜನೆಗಾಗಿ ರೋಲಿಂಗ್ ಸ್ಟಾಕ್ ಸಂಗ್ರಹಣೆಯನ್ನು ಮಾಡುತ್ತದೆ. ಹೊಸ ಸರ್ಕಾರದ ಅಧಿಕಾರಾವಧಿಯ ಮೊದಲ 100 ದಿನಗಳಲ್ಲಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ಸ್ಲೀಪರ್ ವೇರಿಯಂಟ್ ವಂದೇ ಭಾರತ್ ರೈಲುಗಳು ಮತ್ತು ಸಂಪೂರ್ಣ ಪ್ರಮುಖ ರೈಲ್ವೆ ಯೋಜನೆಗಳನ್ನು ಪರಿಚಯಿಸಲು ಭಾರತೀಯ ರೈಲ್ವೆ ಯೋಜಿಸಿದೆ ಎಂದು ಅಧಿಕಾರಿಗಳು ಇಟಿಗೆ ತಿಳಿಸಿದ್ದಾರೆ.

ಈ 100 ದಿನಗಳ ಯೋಜನೆಯು ಆಗಸ್ಟ್ 2026 ರೊಳಗೆ ಬುಲೆಟ್ ರೈಲಿನ ಪ್ರಾಯೋಗಿಕ ಚಾಲನೆಗಾಗಿ ನಿಗದಿತ ಪ್ರಕ್ರಿಯೆಯ ಅಂತಿಮಗೊಳಿಸುವಿಕೆಯನ್ನು ಒಳಗೊಂಡಿದೆ. ಚೆನ್ನೈನ ಇಂಟಿಗ್ರಲ್ ಕೋಚ್ ಫ್ಯಾಕ್ಟರಿಯು ವಂದೇ ಭಾರತ್ ಎಕ್ಸ್‌ಪ್ರೆಸ್‌ನ ಸ್ಲೀಪರ್ ರೂಪಾಂತರಗಳನ್ನು ದೂರದ ರಾತ್ರಿಯ ಪ್ರಯಾಣಕ್ಕಾಗಿ ಸಿದ್ಧಪಡಿಸುತ್ತಿದೆ. ಈ ಹೊಸ ರೈಲುಗಳು ವಿಸ್ತೃತ ಟ್ರಿಪ್‌ಗಳಲ್ಲಿ ಪ್ರಯಾಣಿಕರಿಗೆ ಹೆಚ್ಚಿನ ಸೌಕರ್ಯವನ್ನು ನೀಡುತ್ತವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಒಂದು ವಂದೇ ಭಾರತ್ ಸ್ಲೀಪರ್ ರೈಲು ಪ್ರಸ್ತುತ ಬೆಂಗಳೂರಿನ ಬೆಮೆಲ್‌ನಲ್ಲಿ ತಯಾರಾಗುತ್ತಿದೆ. ಈ ವರ್ಷದ ಆರಂಭದಲ್ಲಿ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಅದರ ಕೋಚ್ ವಿಭಾಗವನ್ನು ಪರಿಶೀಲಿಸಿದ್ದರು. ಹೊಸ ರೈಲುಗಳ ಉತ್ಪಾದನೆಗೆ ಸರ್ಕಾರವು ಬಜೆಟ್ ಅನ್ನು 1 ಲಕ್ಷ ಕೋಟಿ ರೂ.ಗೆ ಹೆಚ್ಚಿಸಿದೆ. ಹೆಚ್ಚುವರಿಯಾಗಿ ಸಾರ್ವಜನಿಕ ಖಾಸಗಿ ಸಹಭಾಗಿತ್ವದಲ್ಲಿ 200 ಸ್ಲೀಪರ್ ವಂದೇ ಭಾರತ್ ರೈಲುಗಳ ತಯಾರಿಸುವ ಕೆಲಸ ಪ್ರಗತಿಯಲ್ಲಿದೆ.

ಕಾಶ್ಮೀರವನ್ನು ದೇಶದ ಇತರ ಭಾಗಗಳಿಗೆ ಸಂಪರ್ಕಿಸುವ ಗುರಿಯನ್ನು ಹೊಂದಿರುವ ಉಧಮ್‌ಪುರ-ಶ್ರೀನಗರ-ಬಾರಾಮುಲಾ ರೈಲು ಸಂಪರ್ಕವು ಮತ್ತೊಂದು ಪ್ರಮುಖ ಯೋಜನೆ ಭಾಗವಾಗಿದೆ. 37,012 ಕೋಟಿ ರೂ.ಗಳ ಈ ಯೋಜನೆ ಪೂರ್ಣಗೊಂಡರೆ ಜಮ್ಮುವಿನಿಂದ ಶ್ರೀನಗರಕ್ಕೆ ರೈಲು ಪ್ರಯಾಣಕ್ಕೆ ಅನುಕೂಲವಾಗಲಿದೆ. ಗಮನಾರ್ಹವಾಗಿ ಚೆನಾಬ್ ನದಿಯ ಮೇಲೆ ವಿಶ್ವದ ಅತಿ ಎತ್ತರದ ರೈಲ್ವೆ ಸೇತುವೆ ಪೂರ್ಣಗೊಂಡಿದೆ. ಚೆನಾಬ್ ರೈಲು ಸೇತುವೆಗೆ ಸಂಪರ್ಕಿಸಲು ಕೆಲವು ಸುರಂಗಗಳ ಕೆಲಸ ಬಾಕಿ ಉಳಿದಿದೆ.

ಭಾರತದ ಮೊದಲ ಬುಲೆಟ್ ಟ್ರೈನ್ ಆಗಿರುವ ಅಹಮದಾಬಾದ್-ಮುಂಬೈ ಹೈಸ್ಪೀಡ್ ರೈಲಿನ ಖರೀದಿ ಯೋಜನೆಯು ಹೊಸ ಸರ್ಕಾರದ ಅವಧಿಯ ಆರಂಭಿಕ 100 ದಿನಗಳಲ್ಲಿ ಅಂತಿಮಗೊಳ್ಳಲಿದೆ. ಹೈಸ್ಪೀಡ್ ರೈಲು ಯೋಜನೆಯು ಜಪಾನ್ ಇಂಟರ್ನ್ಯಾಷನಲ್ ಕೋಆಪರೇಷನ್ ಏಜೆನ್ಸಿಯಿಂದ ರೂ 40,625 ಕೋಟಿ ಸಾಲವನ್ನು ಹೊಂದಿದೆ.