ಸೋಮವಾರದ ಮಾರುಕಟ್ಟೆ ತಲ್ಲಣಗಳಿಂದ ಹೊರತಾಗಿರಲಿಲ್ಲ. ದಿನದ ಅಂತ್ಯಕ್ಕೆ ಸೆನ್ಸೆಕ್ಸ್ 109 ಅಂಕ ನಷ್ಟ ಮಾಡಿಕೊಂಡರೆ, ನಿಫ್ಟಿ 31 ಅಂಕ ಕಳೆದುಕೊಂಡಿತು. ಹಾಗಾದರೆ ಯಾವ ಯಾವ ಷೇರುಗಳು ಏರಿಕೆ ಮತ್ತು ಇಳಿಕೆ ಸಾಧಿಸಿದವು ಎಂಬುದರ ಮೇಲೆ ಒಂದು ನೋಟ ಇಲ್ಲಿದೆ.

ಜಿಲೈಟ್ ಇಂಡಿಯಾ
ಕಂಪನಿ ತನ್ನ ವರದಿಯಲ್ಲಿನ 72.83 ಕೋಟಿ ಲಾಭ ಸಾಧಿಸಿದ ಕಾರಣ ಜಿಲೈಟ್ ಷೇರುಗಳು ಶೇ.1.43 ಏರಿಕೆ ಸಾಧಿಸಿದವು. ಇದು ‌‌ಷೇರು ಮಾರುಕಟ್ಟೆಯಲ್ಲಿ ಸೋಮವಾರ ಸಕಾರಾತ್ಮಕ ಬದಲಾವಣೆಯನ್ನು ಉಂಟುಮಾಡಿತು.

ಭಾರ್ತಿ ಇನ್ಪ್ರಾಟೆಲ್
ಭಾರ್ತಿ ಇನ್ಪ್ರಾಟೆಲ್ ನ ಸುಮಾರು 600 ಕೋಟಿ ರು,. ಮೌಲ್ಯದ ಸಷೇರುಗಳು ಮಾರಾಟವಾಗಿದ್ದು ದಾಖಲೆ. 339 ರು ಗೆ ಷೇರು ಸೋಮವಾರ ಅಂತ್ಯವಾಯಿತು. ಶೇ. 2.54 ಏರಿಕೆ ಸಾಧಿಸಿದ್ದು ವಿಶೇಷ.

ಗೋದ್ರೇಜ್ ಕನ್ಸೂಮರ್
ಗೋದ್ರೇಜ್ ಕನ್ಸೂಮರ್ನ ಷೇರುಗಳು ಶೇ. 5 ಏರಿಕೆ ಕಂಡವು. 1335 ರು. ಗೆ ದಿನದ ವ್ಯವಹಾರವನ್ನು ಅಂತ್ಯಮಾಡಿತು. ಒಂದು ಸಂದರ್ಭದಲ್ಲಿ 1360 ರು. ವರೆಗೂ ಮಾರಾಟವಾಗಿ ದಾಖಲೆ ನಿರ್ಮಾಣ ಮಾಡಿತ್ತು.

ಕಳೆದ ವಾರ ತೀವ್ರ ಇಳಿಕೆಯ ಹಾದಿಯಲ್ಲಿ ಸಾಗಿದ್ದ ಮಾರುಕಟ್ಟೆ ಶುಕ್ರವಾರದಿಂದ ಚೇತರಿಕೆ ಹಾದಿಗೆ ಮರಳಿದೆ. ಕೇಂದ್ರ ಹಣಕಾಸು ಸಚಿವ ಅರುಣ್ ಜೇಟ್ಲಿ ಮತ್ತು ರಿಸರ್ವ್ ಬ್ಯಾಂಕ್ ಗವರ್ನರ್ ರಘುರಾಂ ರಾಜನ್ ಹೂಡಿಕೆದಾರರಿಗೆ ಅಭಯ ನೀಡಿದ್ದರು. ರುಪಾಯಿ ಸಹ ಸ್ಥಿರತೆ ಸಾಧಿಸಿಕೊಳ್ಳುತ್ತಿದ್ದು ಚೀನಾದ ಅರ್ಥ ವ್ಯವಸ್ಥೆಯಲ್ಲಿನ ಬದಲಾವಣೆ ಪರಿಣಾಮ ಕಡಿಮೆಯಾಗುತ್ತಿದೆ ಎಂದು ವಿಶ್ಲೇಷಣೆ ಮಾಡಲಾಗಿದೆ.