ಕಳೆದ ತಿಂಗಳು ಕೊಡಲಾಗಿರುವ ಸುವರ್ಣ ಗೋಲ್ಡ್ ಬಾಂಡ್ (SGB) ಅಕ್ಟೋಬರ್ 19, 2016ರಿಂದ ಷೇರು ವಿನಿಮಯ ಕೇಂದ್ರಗಳಲ್ಲಿ ವ್ಯಾಪಾರ ಮಾಡಲು ಅರ್ಹವಾಗಿರುತ್ತವೆ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್ ಸೋಮವಾರ ಹೇಳಿದೆ.

ಈ ಯೋಜನೆಯನ್ನು ಸರ್ಕಾರ ಅಗಸ್ಟ್ 29ರಂದು ಘೋಷಣೆ ಮಾಡಿತ್ತು. ಚಿನ್ನದ ಬಾಂಡ್ ಹೂಡಿಕೆಯ 5ನೇ ಕಂತಿನ ಯೋಜನೆಯ ಚಂದಾದಾರರಾಗಲು ಸೆಪ್ಟಂಬರ್ 1 ರಿಂದ 9 ದಿನಗಳವರೆಗೆ ಮುಕ್ತವಾಗಿಡಲಾಗಿತ್ತು. ನಮ್ಮ ಬಳಿಯಲ್ಲಿ ದೈಹಿಕವಾಗಿ ಚಿನ್ನ ಇಟ್ಟುಕೊಳ್ಳುವ ಬದಲಾಗಿ ಬಾಂಡ್ ಗಳ ರೂಪದಲ್ಲಿ ಚಿನ್ನ ಖರೀದಿ ಪ್ರವೃತ್ತಿ ಪ್ರೋತ್ಸಾಹಿಸಲು ಸರ್ಕಾರ ಈ ಬಾಂಡ್ ಯೋಜನೆ ಕಾರ್ಯರೂಪಕ್ಕೆ ತರುತ್ತಿದೆ.

ಬಾಂಡ್ ಗಳಿಗೆ ವಾರ್ಷಿಕ ಶೆ.2.75 ಬಡ್ಡಿದರ ನಿಗದಿಪಡಿಸಲಾಗಿದ್ದು, ಬಾಂಡ್ ಗಳ ಮೇಲಿನ ಬಡ್ಡಿದರವು ತೆರಿಗೆಗೆ ಒಳಪಡಲಿದೆ.

ಬಾಂಡ್ಸ್ ಮಾರಲ್ಪಡುವ ಕೇಂದ್ರಗಳು
* ಸ್ಟಾಕ್ ಎಕ್ಷಚೇಂಜ್ - ಎನ್ ಎಸ್ ಇ, ಬಿ ಎಸ್ ಇ

* ಬ್ಯಾಂಕುಗಳು

* ಅಂಚೆ ಕಚೇರಿಗಳು

* ಸ್ಟಾಕ್ ಹೋಲ್ಡಿಂಗ್ ಕಾಪೋರೇಷನ್ ಅಫ್ ಇಂಡಿಯ ಲಿಮಿಟೆಡ್