ಜಿಯೋ ವಿಸ್ತಾರ!

ಮುಖೇಶ್ ಅಂಬಾನಿ ತನ್ನ ಜಿಯೋ ಗ್ರಾಹಕರಿಗೆ ಸಂತಸದ ಸುದ್ದಿಯನ್ನು ನೀಡಿದ್ದು, ಇದೀಗ ಇನ್ನೂ 12 ರಿಂದ 18 ತಿಂಗಳ ಕಾಲ ಜಿಯೋ ಉಚಿತ ಕೊಡುಗೆಗಳನ್ನು ವಿಸ್ತರಿಸುವ ಸಾಧ್ಯತೆ ಕುರಿತು ಸೂಚನೆ ನೀಡಿದ್ದಾರೆ.

ಜಿಯೋ ಧನ್ ಧನಾ ಧನ್ ಆಫರ್

ಈಗಾಗಲೇ ಜಿಯೋ ಈಗ ತನ್ನ 72 ಮಿಲಿಯನ್ ಗ್ರಾಹಕರಿಗೆ ‘ಜಿಯೋ ಧನ್ ಧನಾ ಧನ್' ಎಂಬ ಆಫರ್ ನ್ನು ಘೋಷಣೆ ಮಾಡಿದೆ. ಈ ಯೋಜನೆ ಅನ್ ಲಿಮಿಟೆಡ್ ಯೋಜನೆಯೊಂದಿಗೆ ವಿಶೇಷ ಸೇವೆಗಳನ್ನು ನೀಡುತ್ತಿದೆ. ಅಲ್ಲದೇ ಜಿಯೋ ಚಂದಾದಾರರು ಯಾವುದೇ ಅಡೆತಡೆಗಳಿಲ್ಲದೆ ಡಿಜಿಟಲ್ ಲೈಫ್ ನ್ನು ಉತ್ತೇಜಿಸುವ ಗುರಿ ಹೊಂದಿದೆ. 309 ರೂ.ಗಳ ಈ ಪ್ಲಾನ್ ಮೂಲಕ ಮೂರು ತಿಂಗಳು ಉಚಿತ ಸೇವೆಗಳನ್ನು ಒದಗಿಸುತ್ತಿದ್ದು, ಇದು ಅನಿಯಮಿತ ಎಸ್ಎಂಎಸ್, ಕರೆ, ಡೇಟಾ ಒಳಗೊಂಡಿದೆ. ಪ್ರತಿ ದಿನಕ್ಕೆ 4G ವೇಗದ 1GB ಡೇಟಾ ಸಿಗುತ್ತಿದೆ. ಒಂದು ಬಾರಿ 309 ರೂ. ರೀಚಾರ್ಜ್ ಮಾಡಿದರೆ ಮೂರು ತಿಂಗಳವರೆಗೆ ಅವಧಿ ಇರಲಿದೆ. ಮತ್ತೆ ಜಿಯೋ ಧಮಾಕಾ... 'ಧನ್ ಧನಾ ಧನ್' ಭರ್ಜರಿ ಆಫರ್!!

ಟೆಲಿಕಾಂ ಕಂಪನಿಗಳ ಹರಸಾಹಸ!

ಜಿಯೋ ಉಚಿತ ಕೊಡುಗೆಗಳಿಗೆ ಪೈಪೋಟಿ ನೀಡುವ ನಿಟ್ಟಿನಲ್ಲಿ ಏರ್ಟೆಲ್, ವೊಡಾಫೋನ್, ಬಿಎಸ್ಎನ್ಎಲ್, ಐಡಿಯಾ ಕಂಪನಿಗಳು ಈಗಾಗಲೇ ಆಫರ್ ಗಳ ಮೇಲೆ ಆಫರ್ ಘೋಷಿಸುತ್ತಿವೆ. ತಮ್ಮ ಗ್ರಾಹಕರನ್ನು ಉಳಿಸಲು ಈ ಕಂಪನಿಗಳು ಹರಸಾಹಸ ಪಡುವಂತಾಗಿದೆ.

ಟೆಲಿಕಾಂ ಕಂಪನಿಗಳು ಕಾರಣ!

ಏರ್ಟೆಲ್, ವೊಡಾಫೋನ್, ಬಿಎಸ್ಎನ್ಎಲ್, ಐಡಿಯಾ ಪ್ರಮುಖ ಕಂಪನಿಗಳು ಜಿಯೋ ವಿರುದ್ಧವಾಗಿ ಆಫರ್ಸ್ ಗಳನ್ನು ಘೊಷಿಸುತ್ತಿರುವುದು ಇದಕ್ಕೆಲ್ಲಾ ಕಾರಣವೆನ್ನಲಾಗಿದೆ! ಯಾರೇ ಏನೇ ಆಫರ್ಸ್ ಗಳನ್ನು ಘೋಷಣೆ ಮಾಡಿದರೂ ಅಂಬಾನಿ ಮಾತ್ರ ಸುಮ್ಮನೆ ಕೂತಿಲ್ಲ. ಹೀಗಾಗಿ ಜಿಯೋ ಟೆಲಿಕಾಂ ಕಂಪನಿಗಳನ್ನು ಧೂಳೀಪಟ ಮಾಡಲು ಸಜ್ಜಾಗಿರುವಂತೆ ಭಾಸವಾಗುತ್ತದೆ. ಮತ್ತೆ ಮತ್ತೆ ಉಚಿತ ಕೊಡುಗೆಗಳನ್ನು ವಿಸ್ತರಿಸುತ್ತಾ ಹೋಗಲು ಜಿಯೋ ದಾಪುಗಾಲು ಇಟ್ಟಿದೆ.

ತಜ್ಞರು ಏನಂತಾರೆ?

ಅಮೆರಿಕ ಬ್ಯಾಂಕ್ ಮೋರ್ಗಾನ್ ಸ್ಟಾನ್ಲಿ ಹೇಳಿದ್ದೇನು?

ಅನಿಯಮಿತ ಆಫರ್ಸ್ ಗಳ ಕಾರಣದಿಂದಾಗಿ ಟೆಲಿಕಾಂ ಕಂಪನಿಗಳು ಒಬ್ಬ ಗ್ರಾಹಕನಿಂದ ತಿಂಗಳಿಗೆ ಕೆವಲ ರೂ. 300 ರವರೆಗೆ ಮಾತ್ರ ಆದಾಯ ಗಳಿಸುತ್ತಿವೆ. ಜಿಯೋದಿಂದಾಗಿ ಗ್ರಾಹಕರಿಂದ ವಸೂಲಿಯಾಗದ ತಿಂಗಳ ಆಧಾಯದ ಪ್ರಮಾಣ ಕೂಡ ಗಣನೀಯವಾಗಿ ಕುಸಿದಿದೆ. ಹೀಗೆ ದೀರ್ಘಕಾಲದವರೆಗೆ ಮುಂದುವರೆದರೆ ಟೆಲಿಕಾಂ ಕಂಪನಿಗಳ ಅಸ್ತಿತ್ವಕ್ಕೆ ಕುತ್ತು ಬರಲಿದೆ ಎಂದು ಅಮೆರಿಕ ಬ್ಯಾಂಕ್ ಮೋರ್ಗಾನ್ ಸ್ಟಾನ್ಲಿ ಅಭಿಪ್ರಾಯ ಪಟ್ಟಿದೆ. (Rread more: ರಿಲಯನ್ಸ್ ಜಿಯೋ)