ಆಧಾರ್ ಜತೆ ಪ್ಯಾನ್ ಲಿಂಕ್ ಮಾಡಿಲ್ಲವೆ? ಚಿಂತೆ ಬೇಡ, ಕೊನೆ ದಿನಾಂಕ ಇಲ್ಲಿದೆ...

ಜುಲೈ 1ರ ಒಳಗಾಗಿ ಆಧಾರ್ ನೊಂದಿಗೆ ಶಾಶ್ವತ ಖಾತೆ ಸಂಖ್ಯೆಗಳನ್ನು(ಪ್ಯಾನ್)ಲಿಂಕ್ ಮಾಡದಿದ್ದರೆ ರದ್ದುಪಡಿಸಲಾಗುವುದಿಲ್ಲ ಎಂದು ಆದಾಯ ತೆರಿಗೆ ಇಲಾಖೆ ತಿಳಿಸಿದೆ.

ತೆರಿಗೆ ಇಲಾಖೆಯ ಈ ಅಧಿಸೂಚನೆಯಿಂದ ಆಧಾರ್ ಜತೆ ಪ್ಯಾನ್ ಲಿಂಕ್(aadhar link with pan card) ಮಾಡದೆ ಇದ್ದವರಲ್ಲಿ ಉಂಟಾಗಿದ್ದ ದುಗುಡ ಕಡಿಮೆಯಾಗಲಿದೆ.
ಜೂನ್ 30 ರ ನಂತರ ಪ್ಯಾನ್ ಅಮಾನ್ಯವಾಗುವುದಿಲ್ಲ. ಹೀಗಾಗಿ ಗ್ರಾಹಕರು ಚಿಂತಿಸುವ ಅಗತ್ಯವಿಲ್ಲ ಎಂದು ಕೇಂದ್ರ ತೆರಿಗೆ ಮಂಡಳಿ ಅಧ್ಯಕ್ಷ ಸಿ.ಎಸ್.ಬಿ.ಡಿ.ಟಿ. ಸುಶೀಲ್ ಚಂದ್ರ ಹೇಳಿದ್ದಾರೆ. ಪ್ಯಾನ್ ಕಾರ್ಡ್ ಪಡೆಯುವ ಮುನ್ನ ಈ ಅಂಶಗಳನ್ನು ನೆನಪಿನಲ್ಲಿಡಿ!

ಆಧಾರ್ ನೊಂದಿಗೆ ಲಿಂಕ್ ಮಾಡದೆ ಇರುವ ಪ್ಯಾನ್ ಯಾವ ದಿನಾಂಕದ ನಂತರ ಮಾನ್ಯವಾಗಿರುವುದಿಲ್ಲ ಎಂಬುದನ್ನು ಮಂಡಳಿ ತಿಳಿಸುತ್ತದೆ ಅವರು ಹೇಳಿದರು.

ಪ್ಯಾನ್ ಕಾರ್ಡ್‌ನೊಂದಿಗೆ ಆಧಾರ್ ಲಿಂಕ್ ಮಾಡೋದು ಹೇಗೆ?