ರಾಜ್ಯ ಸರ್ಕಾರ ರೂ. 3,596 ಕೋಟಿ ಬಂಡವಾಳ ಹೂಡಿಕೆಯ ನಾಲ್ಕು ಪ್ರಮುಖ ಯೋಜನೆಗಳಿಗೆ ಚಾಲನೆ ನೀಡಲಿದೆ ಎಂದು ಬೃಹತ್ ಕೈಗಾರಿಕಾ ಸಚಿವ ಆರ್. ವಿ. ದೇಶಪಾಂಡೆ ಹೇಳಿದ್ದಾರೆ.

ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ಸುಮಾರು 3,842 ಜನರಿಗೆ ಉದ್ಯೋಗ ಒದಗಿಸುವ ಯೋಜನೆಗಳಿಗೆ ಅನಮೋದನೆ ನೀಡಲಾಗಿದೆ ಎಂದು ತಿಳಿಸಿದ್ದಾರೆ.

ಮೈಸೂರು ಜಿಲ್ಲೆಯ ನಂಜನಗೂಡಿನಲ್ಲಿ ಟಿವಿಎಸ್ ಕಂಪನಿಯ ವಿಸ್ತರಣಾ ಘಟಕದಿಂದ ರೂ. 1110 ಕೋಟಿ, ಮಂಗಳೂರಿನ ಬಳಿ ಎಂಆರ್ ಪಿಎಲ್ ರೂ. 964 ಕೋಟಿ ವೆಚ್ಚದ ಘಟಕ ಸ್ಥಾಪನೆ, ಶಿವಮೊಗ್ಗದಲ್ಲಿ ಶಾಹಿ ಎಕ್ಸ್ಪೋರ್ಟ್ ಘಟಕ ರೂ. 710 ಕೋಟಿ, ಹಾಗು ಬೆಂಗಳೂರಿನಲ್ಲಿ ಪೀಠೋಪಕರಣ ಘಟಕ ಸ್ಥಾಪನೆಗಾಗಿ ರೂ. 810 ಕೋಟಿ ಹೂಡಿಕೆಗೆ ಐಕೆಇಎ ಮುಂದಾಗಿವೆ. ನಾಲ್ಕು ಕಂಪನಿಗಳಿಂದ 3,842 ಉದ್ಯೋಗ ಸೃಷ್ಠಿಯಾಗಲಿದೆ ಎಂದು ದೇಶಪಾಂಡೆ ಹೇಳಿದರು.