ಏರಿಕೆ ಎಷ್ಟು?

ಪ್ರಸ್ತುತ ಇರುವ ರೂ. 1000 ಮೊತ್ತದ ಪಿಂಚಣಿಯನ್ನು ರೂ. 2000ಗಳಿಗೆ ಏರಿಕೆ ಮಾಡಲು ಸರ್ಕಾರ ಚಿಂತನೆ ನಡೆಸಿದೆ. ಪಿಂಚಣಿ ಏರಿಕೆ ಅನುಷ್ಟಾನಕ್ಕೆ ಬಂದರೆ ವಾರ್ಷಿಕವಾಗಿ 3 ಸಾವಿರ ಕೋಟಿ ಸರ್ಕಾರಕ್ಕೆ ಹೊರೆಯಾಗಲಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಪಿಂಚಣಿ ಏರಿಕೆಗೆ ಕಾರಣ

ಪ್ರಸ್ತುತ ಉದ್ಯೋಗಿಗಳ ಪಿಂಚಣಿ ಯೋಜನೆ (ಇಪಿಎಸ್) -95 ಯೋಜನೆಗಳಡಿಯಲ್ಲಿ 60 ಲಕ್ಷ ಪಿಂಚಣಿದಾರರಿದ್ದಾರೆ. ಇದರಲ್ಲಿ 40 ಲಕ್ಷ ಜನರಿಗೆ ರೂ. 1,500 ರೂಪಾಯಿಗಿಂತ ಕಡಿಮೆ ಪಿಂಚಣಿ ಸಿಗುತ್ತಿದ್ದು, ಪ್ರತಿನಿತ್ಯದ ಅಗತ್ಯಗಳಿಗೆ ಈ ಮೊತ್ತ ಸಾಕಾಗುವುದಿಲ್ಲ. ಹಾಗಾಗಿ ಕನಿಷ್ಠ ಪಿಂಚಣಿಯನ್ನು ಏರಿಕೆ ಮಾಡಬೇಕು ಎಂಬ ಒತ್ತಾಯದ ಮೇರೆಗೆ ಈ ನಿರ್ಧಾರಕ್ಕೆ ಬರಲಾಗಿದೆ.

ಗರಿಷ್ಟ ಪಿಂಚಣಿ

ಸರಿಸುಮಾರು 60 ಲಕ್ಷ ಪಿಂಚಣಿದಾರರಲ್ಲಿ ಸುಮಾರು 40 ಲಕ್ಷ ಪಿಂಚಣಿದಾರರು ತಿಂಗಳಿಗೆ ರೂ. 1,500 ಕ್ಕಿಂತಲೂ ಕಡಿಮೆ ಮೊತ್ತ ಪಡೆಯುತ್ತಿದ್ದಾರೆ ಮತ್ತು ಇತರರು ತಿಂಗಳಿಗೆ ಗರಿಷ್ಠ ರೂ. 2,000 - 2,500 ಹಣ ಪಡೆಯುತ್ತಿದ್ದಾರೆ. ಇಪಿಎಸ್ -95 ಎಂಬುದು ಇಪಿಎಫ್ಓ ಸಂಸ್ಥೆ ನಡೆಸುತ್ತಿರುವ ಸಾಮಾಜಿಕ ಭದ್ರತಾ ಯೋಜನೆಗಳಲ್ಲಿ ಒಂದಾಗಿದೆ. ಇಪಿಎಸ್ -95 ರ ಅನ್ವಯ ನಿವೃತ್ತ ಉದ್ಯೋಗಿಗಳಿಗೆ ಪಿಂಚಣಿ ನೀಡಲಾಗುತ್ತದೆ.