ಉದ್ಯೋಗ ಹುಡುಕುತ್ತಿರುವವರಿಗೆ ಇಲ್ಲೊಂದು ಸಿಹಿಸುದ್ದಿ ಇದೆ. ದೇಶದ ಪ್ರಮುಖ ಸಾಪ್ಟವೇರ್ ಸಂಸ್ಥೆ ಎಚ್‌ಸಿಎಲ್ ಟೆಕ್ನಾಲಜೀಸ್ ಪ್ರಸ್ತುತ ಸಾಲಿನಲ್ಲಿ ಸುಮಾರು 30,000 ಉದ್ಯೋಗಿಗಳನ್ನು ನೇಮಕಾತಿ ಮಾಡಿಕೊಳ್ಳಲು ನಿರ್ಧರಿಸಿದೆ.

ಮಾಹಿತಿ ತಂತ್ರಜ್ಞಾನ ಮತ್ತು ಹೊರಗುತ್ತಿಗೆ ಸೇವೆಗಳಲ್ಲಿ ಮುಂಚೂಣಿಯಲ್ಲಿರುವ ಕಂಪನಿ ತನ್ನ ವಹಿವಾಟು ವಿಸ್ತರಣೆಗೆ ಮುಂದಾಗಿರುವುದರಿಂದ ಉದ್ಯೋಗಾವಕಾಶಗಳು ಹೆಚ್ಚಾಗಲಿವೆ.

2018-19ರ ಸಾಲಿನಲ್ಲಿ, ಕಂಪನಿಗೆ ಅಗತ್ಯವಿರುವ ಎಲ್ಲ ವೃತ್ತಿ ಕೌಶಲ್ಯಗಳನ್ನು ಹೊಂದಿರುವ ಎಂಜಿನಿಯರ್‌ಗಳನ್ನು ನೇಮಕ ಮಾಡಿಕೊಳ್ಳಲು ನಿರ್ಧರಿಸಿದ್ದು, ಅನುಭವವಿರುವ ಹಾಗು ಹೊಸಬರನ್ನೂ ನೇಮಕ ಮಾಡಿಕೊಳ್ಳಲಾಗುವುದು ಎಂದು ಎಚ್‌ಸಿಎಲ್ ತಿಳಿಸಿದೆ. ಈಗಾಗಲೇ ಎಚ್‌ಸಿಎಲ್‌ ಟೆಕ್ನಾಲಜೀಸ್‌ ಸಂಸ್ಥೆಯಲ್ಲಿ 127875 ಉದ್ಯೋಗಿಗಳಿದ್ದು, ಜುಲೈ-ಸೆಪ್ಟೆಂಬರ್‌ನಲ್ಲಿ 3,754 ಮಂದಿ ಸೇರ್ಪಡೆಯಾಗಿದ್ದರು.
ಎಚ್‌ಸಿಎಲ್‌ ಸಂಸ್ಥೆ ಡಿಜಿಟಲ್‌& ಅನಾಲಿಟಿಕ್ಸ್‌, ಕ್ಲೌಡ್‌, ಐಒಟಿ, ಸೈಬರ್‌ಸೆಕ್ಯುರಿಟಿ ಮತ್ತು ಇತರ ಸೇವೆಗಳ ವಿಭಾಗಗಳಲ್ಲಿ ಗ್ರಾಹಕರನ್ನು ಹೊಂದಿದೆ.