ಎಲ್ಲಿ ಕಚೇರಿ?

ಬೆಂಗಳೂರಿನ ಹಳೇ ವಿಮಾನ ನಿಲ್ದಾಣ ರಸ್ತೆ ಹತ್ತಿರದ ಎಂಬೆಸಿ ಗಾಲ್ಫ್​​​​ ಲಿಂಕ್ಸ್​ ಕಾಂಪ್ಲೆಕ್ಸ್ ನಲ್ಲಿ 2.2 ಲಕ್ಷ ಚದರ ಅಡಿಯಷ್ಟು ಜಾಗದಲ್ಲಿ ಕಚೇರಿಯನ್ನು ಸ್ಥಾಪಿಸಲು ಫೇಸ್​ಬುಕ್ ಸಂಸ್ಥೆ ಯೋಜನೆ ರೂಪಿಸಿದೆ.

2,200 ಮಂದಿಗೆ ಉದ್ಯೋಗ

ಬೆಂಗಳೂರಿನಲ್ಲಿ ಕಚೇರಿ ಆರಂಭವಾದರೆ ಸುಮಾರು 2,200 ಜನರಿಗೆ ಉದ್ಯೋಗ ಲಭಿಸುವ ಸಾಧ್ಯತೆ ಇದೆ. ಫೇಸ್​ಬುಕ್​ ಸಂಸ್ಥೆ ಈ ಕಚೇರಿಯ ಬಾಡಿಗೆಗಾಗಿ ವರ್ಷಕ್ಕೆ ರೂ. 34 ಕೋಟಿ ಮೀಸಲಿಟ್ಟಿದೆ ಎಂದು ಹೇಳಲಾಗಿದೆ.

ಬೆಂಗಳೂರಿನಲ್ಲಿ ದಿಗ್ಗಜ ಕಂಪನಿಗಳು

ಹೌದು. ಈಗಾಗಲೇ ಆಪಲ್, ಮೈಕ್ರೋಸಾಫ್ಟ್​​ ಅಮೇಜಾನ್ ಹಾಗೂ ಗೂಗಲ್ ನಂತಹ ಜಾಗತಿಕ ಕಂಪೆನಿಗಳು ಬೆಂಗಳೂರಿನಲ್ಲಿವೆ. ಈ ಸಾಲಿಗೆ ಫೇಸ್​ಬುಕ್​​ ಕೂಡ ಸೇರ್ಪಡೆ ಆಗಲಿದೆ. ಫೇಸ್​ಬುಕ್ ಸಂಸ್ಥೆ 2010 ರಲ್ಲಿ ಹೈದರಾಬಾದ್​ ನಗರದಲ್ಲಿ ತನ್ನ ಮೊದಲ ಕಛೇರಿ ಆರಂಭಿಸಿತ್ತು. 2017 ರಲ್ಲಿ ಮುಂಬೈನಲ್ಲಿ ಹಾಗೂ ದೆಹಲಿಯಲ್ಲಿ ಕಚೇರಿ ತೆರೆದಿತ್ತು.