ಆರ್ಬಿಐನಿಂದ 1 ಲಕ್ಷ ಕೋಟಿಗಿಂತ ಹೆಚ್ಚು ಮೊತ್ತ ಕೇಂದ್ರಕ್ಕೆ ವರ್ಗಾವಣೆ ಸಾದ್ಯತೆ!
ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಅಗತ್ಯಕ್ಕಿಂತ ಸಾಕಷ್ಟು ಹೆಚ್ಚು ಮೀಸಲು ನಿಧಿ ಹೊಂದಿರುವುದರಿಂದ ಕೇಂದ್ರ ಸರ್ಕಾರಕ್ಕೆ ರೂ. 1 ಲಕ್ಷ ಕೋಟಿಗಿಂತ ಹೆಚ್ಚು ಮೊತ್ತ ವರ್ಗಾಯಿಸಬಹುದಾಗಿದೆ ಎಂದು ವರದಿ ಹೇಳಿದೆ.
ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಅಗತ್ಯಕ್ಕಿಂತ ಸಾಕಷ್ಟು ಹೆಚ್ಚು ಮೀಸಲು ನಿಧಿ ಹೊಂದಿರುವುದರಿಂದ ಕೇಂದ್ರ ಸರ್ಕಾರಕ್ಕೆ ರೂ. 1 ಲಕ್ಷ ಕೋಟಿಗಿಂತ ಹೆಚ್ಚು ಮೊತ್ತ ವರ್ಗಾಯಿಸಬಹುದಾಗಿದೆ ಎಂದು ವರದಿ ಹೇಳಿದೆ.
ಆರ್ಬಿಐ ಮಂಡಳಿ ಕಳೆದ ಸೋಮವಾರ ನಡೆದ ಸಭೆಯಲ್ಲಿ ಸಮಿತಿಯನ್ನು ರೂಪಿಸಲು ನಿರ್ಧರಿಸಿದ್ದು, ಈ ವಾರದ ನಂತರ ಪ್ರಕಟಗೊಳ್ಳಲಿದೆ. ಅಂದರೆ ಆರ್ಬಿಐನ ಮೀಸಲು ನಿಧಿಯ ಹೊಸ ನಿಯಮ ರೂಪಿಸಲು ತಜ್ಞರ ಸಮಿತಿ ಅಸ್ತಿತ್ವಕ್ಕೆ ಬರಲಿದೆ. ಈ ಸಮಿತಿ ಸಾಕಷ್ಟು ಹೆಚ್ಚು ಮೀಸಲು ನಿಧಿಯನ್ನು ಗುರುತಿಸಿದ ನಂತರ ಈ ಮೊತ್ತ ವರ್ಗಾವಣೆ ಮಾಡುವ ಸಾದ್ಯತೆ ಇದೆ ಎಂದು ಬ್ಯಾಂಕ್ ಆಫ್ ಅಮೆರಿಕ ಮೆರಿಲ್ ಲಿಂಚ್ ಅಭಿಪ್ರಾಯಿಸಿದೆ.
ಹೆಚ್ಚುವರಿ ಮೀಸಲು ನಿಧಿಯ ಮೊತ್ತ ತುರ್ತು ನಿಧಿಗೆ ಸೀಮಿತವಿದ್ದರೆ ವರ್ಗಾವಣೆ ಮೊತ್ತ ರೂ. 1 ಲಕ್ಷ ಕೋಟಿ ಇರಲಿದೆ. ಈ ಪ್ರಮಾಣ ಹೆಚ್ಚಿದ್ದರೆ ರೂ. 3 ಲಕ್ಷ ಕೋಟಿವರೆಗೆ ಏರಿಕೆಯಾಗಲಿದೆ. ಪ್ರಸ್ತುತ ಆರ್ಬಿಐ ಬಳಿ ಶೇ. ೭ರಷ್ಟು ತುರ್ತು ಮೀಸಲು ಪ್ರಮಾಣವಿದ್ದು, ಆರ್ಬಿಐ ಬಳಿಯಿರುವ ಹೆಚ್ಚುವರಿ ಮೀಸಲು ನಿಧಿ ವರ್ಗಾಯಿಸಲು ಕಾಯಿದೆಯ ನಿರ್ಬಂಧವಿರುವುದಿಲ್ಲ.