ಡಿಸೆಂಬರ್ 21

ಡಿಸೆಂಬರ್ 21 ರಂದು ಕೆಜಿಎಫ್ ಬಿಡುಗಡೆಯಾಗಿದೆ. ಭಾರೀ ನಿರೀಕ್ಷೆಗಳೊಂದಿಗೆ ಸಿನಿಮಾ ಪ್ರಿಯರನ್ನು ತುದಿಗಾಲಲ್ಲಿ ನಿಲ್ಲುವಂತೆ ಮಾಡಿದ್ದ ಕೆಜಿಎಫ್ ಅಭಿಮಾನಿಗಳಿಗೆ ನಿರಾಶೆ ಮಾಡಲಿಲ್ಲ.
ಕೆಜಿಎಫ್ ಮೊದಲ ದಿನ ಕಲೆಕ್ಷನ್ ರೂ. 23 ಕೋಟಿ.  ದಕ್ಷಿಣ ಭಾರತದ ಟಾಪ್ 20 ಶ್ರೀಮಂತ ನಟರು, ನಂಬರ್ 1 ಯಾರು ಗೊತ್ತೆ?

ಡಿಸೆಂಬರ್ 22

ಎರಡನೇ ದಿನವಾದ ಶನಿವಾರ ಕೆಜಿಎಫ್ ಗಳಿಸಿದ್ದು ಬರೋಬ್ಬರಿ ರೂ. 17 ಕೋಟಿ. ಮೊದಲ ದಿನಕ್ಕೆ ಹೋಲಿಸಿದರೆ ಕಲೆಕ್ಷನ್ ಕಡಿಮೆಯಾಗಿದೆ.

ಡಿಸೆಂಬರ್ 23

ಮೂರನೇ ದಿನವಾದ ಭಾನುವಾರ ಕೆಜಿಎಫ್ ಗಳಿಸಿದ್ದು ಬರೋಬ್ಬರಿ ರೂ. 18 ಕೋಟಿ. ಅಂದರೆ ಮೂರು ದಿನಕ್ಕೆ ಒಟ್ಟು ರೂ. 58 ಕೋಟಿ.

ಡಿಸೆಂಬರ್ 24

ಕೆಜಿಎಫ್ ನಾಲ್ಕನೇ ದಿನವಾದ ಸೋಮವಾರ ರೂ. 19 ಕೋಟಿ ಗಳಿಸಿದೆ. ದಿನದಿಂದ ದಿನಕ್ಕೆ ಗಳಿಕೆಯ ಗ್ರಾಪ್ ಏರುತ್ತಲೇ ಸಾಗಿದೆ.

ಡಿಸೆಂಬರ್ 25

ಕೇಜಿಎಫ್ ಐದನೇ ದಿನ ನೂರರ ಗಡಿ ದಾಟಿ ಹೊಸ ಮೈಲುಗಲ್ಲನ್ನು ಸ್ಥಾಪಿಸಿತು. ಐದನೇ ದಿನಕ್ಕೆ ರೂ. 100 ಕೋಟಿ ಗಡಿ ದಾಟಿದೆ ಎಂದು ಬಾಕ್ಸ್ ಆಫೀಸ್ ತಜ್ಞರು ಲೆಕ್ಕಾಚಾರ ಮಾಡಿದ್ದಾರೆ.

ಹಿಂದಿ ವರ್ಷನ್ ಗಳಿಕೆ ಎಷ್ಟು?

ಬಾಲಿವುಡ್ ಸಿನಿಮಾ ವಿಶ್ಲೇಷಕ ತರಣ್ ಆದರ್ಶ್ ಕೆಜಿಎಫ್ ಬಾಕ್ಸ್ ಆಫಿಸ್ ಗಳಿಕೆನ್ನು ಟ್ವೀಟ್ ಮಾಡಿದ್ದಾರೆ.
ಹಿಂದಿ ಅವತರಣಿಕೆಯ ಕೆಜಿಎಫ್ ಐದನೇ ದಿನಕ್ಕೆ ಒಟ್ಟು ರೂ. 16.45 ಕೋಟಿ ಗಳಿಸಿದೆ ಎಂದಿದ್ದಾರೆ.
ತರಣ್ ಆದರ್ಶ ನೀಡಿದ ಮಾಹಿತಿಯಂತೆ ಕೆಜಿಎಫ್ ಮೊದಲ ದಿನ ಅಂದ್ರೆ ಶುಕ್ರವಾರ ರೂ. 2.10 ಕೋಟಿ, ಶನಿವಾರ ರೂ. 3 ಕೋಟಿ, ಭಾನುವಾರ ರೂ. 4.10 ಕೋಟಿ, ಸೋಮವಾರ ರೂ. 2.90 ಕೋಟಿ ಹಾಗೂ ಮಂಗಳವಾರ ರೂ. 4.35 ಕೋಟಿ ಗಳಿಕೆ ಮಾಡಿದೆ. ಅಂದರೆ ಐದು ದಿನಗಳಿಗೆ ಒಟ್ಟು ರೂ. 16.45 ಕೋಟಿ ಬಾಚಿಕೊಂಡಿದೆ.

100 ಕೋಟಿ ಕ್ಲಬ್

ಕನ್ನಡದ ಹೆಮ್ಮೆ ಕೆಜಿಎಫ್ ಸಿನಿಮಾ ನೂರು ಕೋಟಿ ಗಳಿಸಿ ಜಗತ್ತಿನಾದ್ಯಂತ ಕನ್ನಡದ ಖ್ಯಾತಿಯನ್ನು ಪಸರಿಸಿದೆ. ಡಿಸೆಂಬರ್ ೨೧ರಿಂದ ಇಲ್ಲಿಯವರೆಗೆ ದಿನದಿಂದ ದಿನಕ್ಕೆ ಕಲೆಕ್ಷನ್ ಏರುತ್ತಲೆ ಹೋಗುತ್ತಿದ್ದು, ಕೆಜಿಎಫ್ ನೂರು ಕೋಟಿ ಕ್ಲಬ್ ಗೆ ಸೆರಿದೆ. ಕನ್ನಡದ ಮೊದಲ 100 ಕೋಟಿ ಕ್ಲಬ್ ಸೇರಿರುವ ಸಿನಿಮಾವಾಗಿದೆ. ಕನ್ನಡದ ಇಲ್ಲಿಯವರೆಗಿನ ಎಲ್ಲಾ ದಾಖಲೆಗಳನ್ನು ಧೂಳೀಪಟ ಮಾಡಿದೆ.

ಚಿತ್ರಕ್ಕೆ ಎಲ್ಲರಿಂದ ಮೆಚ್ಚುಗೆ

ಜಗತ್ತಿನಾದ್ಯಂತ ಕೆಜಿಎಫ್ ಚಿತ್ರ ವಿಕ್ಷಿಸಿದ ಎಲ್ಲಾ ಭಾಷೆಯ ಜನರು ಭರಪೂರ ಮೆಚ್ಚುಗೆಗಳನ್ನು ಸೂಚಿಸಿದ್ದಾರೆ. ಗಣ್ಯ ವ್ಯಕ್ತಿಗಳು, ಬೇರೆ ರಂಗದ ನಟ/ನಟಿಯರು ಅಭಿನಂದನೆ ಸಲ್ಲಿಸಿದ್ದಾರೆ. ವಿಕ್ಷಕರ ಪಾಸಿಟಿವ್ ವಿಮರ್ಶೆಯ ಜೊತೆಗೆ ಬಾಕ್ಸ್​ ಆಫೀಸ್​ ಕಲೆಕ್ಷನ್​ನಲ್ಲೂ ಏರಿಕೆ ಆಗುತ್ತಿದೆ.