ಸಾಲದ ಅವಧಿ ವಿಸ್ತಾರ

ಕೇಂದ್ರವು ಪ್ರಧಾನ ಮಂತ್ರಿ ಆವಾಸ ಯೋಜನೆ (ನಗರ) ಅಡಿಯಲ್ಲಿ ಕ್ರೆಡಿಟ್ ಲಿಂಕ್ ಸಬ್ಸಿಡಿ ಸ್ಕೀಮ್ (CLSS) ಮೂಲಕ ಮಧ್ಯಮ ಆದಾಯ ಗುಂಪು (ಎಂಐಜಿ) ಗಳಿಗೆ ನೀಡುವ ಮನೆ ಸಾಲದ ಅವಧಿ ಮಾರ್ಚ್ 2020 ರ ವರೆಗೆ ವಿಸ್ತರಿಸಿದೆ ಎಂದು ಕೇಂದ್ರ ಗೃಹ ಮತ್ತು ನಗರ ವ್ಯವಹಾರಗಳ ಸಚಿವ ಹೃದೀಪ್ ಸಿಂಗ್ ಪುರಿ ಸೋಮವಾರ ತಿಳಿಸಿದ್ದಾರೆ.

ಸಬ್ಸಿಡಿ ಮೊತ್ತ ಎಷ್ಟು?

ಕ್ರೆಡಿಟ್ ಲಿಂಕ್ ಸಬ್ಸಿಡಿ ಸ್ಕೀಮ್ (CLSS) ಮೂಲಕ ಕೇಂದ್ರ ಸರ್ಕಾರ ರೂ. 2.67 ಲಕ್ಷದವರೆಗೆ ಸಬ್ಸಿಡಿಯನ್ನು ಒದಗಿಸುತ್ತದೆ. ಇದಕ್ಕಾಗಿ ಒಂದು ವರ್ಷದವರೆಗೆ (ಮಾರ್ಚ್, 31 2020) ಅವಧಿಯನ್ನು ವಿಸ್ತರಿಸಲಾಗಿದೆ ಎಂದಿದ್ದಾರೆ.

ಅರ್ಹತೆ ಮಾನದಂಡ

ಮದ್ಯಮ ಆದಾಯ ಗುಂಪಿನ (MIG) ಫಲಾನುಭವಿಗಳು ವಾರ್ಷಿಕವಾಗಿ ರೂ. 6 ಲಕ್ಷದಿಂದ ರೂ. 18 ಲಕ್ಷ ಆದಾಯ ಹೊಂದಿದವರಿಗೆ CLSS ಅಡಿಯಲ್ಲಿ ಅವಕಾಶ ಕಲ್ಪಿಸಲಾಗಿದೆ. ಮೊದಲ ಬಾರಿಗೆ ಮನೆ ಖರೀದಿಸುತ್ತಿದ್ದಲ್ಲಿ ಬಡ್ಡಿ ಸಬ್ಸಿಡಿಗೆ ಅರ್ಜಿ ಸಲ್ಲಿಸಲು ಕೇಂದ್ರ ಸರ್ಕಾರ ಅವಕಾಶ ಕಲ್ಪಿಸಿದೆ.
ವಾರ್ಷಿಕ ಆದಾಯ ರೂ. 12 ಲಕ್ಷದಿಂದ 18 ಲಕ್ಷ ವರೆಗೆ ಇದ್ದಲ್ಲಿ ಬಡ್ಡಿ ಸಬ್ಸಿಡಿ ಶೇ. 3 ರಷ್ಟಾಗುತ್ತದೆ.

ಫಲಾನುಭವಿಗಳು

ಈ ವರ್ಷ ಡಿಸೆಂಬರ್ 30 ರವರೆಗೆ ಸುಮಾರು 3,39,713 ಫಲಾನುಭವಿಗಳು PMAY (Urban), ಪಿಎಎಂಐ (ಅರ್ಬನ್) ಅಡಿಯಲ್ಲಿ ಸಿಎಲ್ಎಸ್ಎಸ್ ಪಡೆದುಕೊಂಡಿದ್ದಾರೆ ಎಂದು ಸಚಿವರು ತಿಳಿಸಿದ್ದಾರೆ.

ಸರ್ಕಾರದ ಆಶಯ

CLSS ಸಾಲ ಆಧಾರಿತ ಸಬ್ಸಿಡಿ ಯೋಜನೆ ಅನ್ವಯ ಮಧ್ಯಮ ಆದಾಯ ಹೊಂದಿರುವ ವರ್ಗದವರು ಉತ್ತಮವಾಗಿ ಮರು ಪಾವತಿ ಮಾಡುತ್ತಿದ್ದಾರೆ. ಈ ವಲಯವು ಉತ್ತಮವಾದ ಬೆಳವಣಿಗೆ ಹೊಂದುತ್ತಿರುವ ಕಾರಣ ಮೊದಲ ಬಾರಿಗೆ ಮನೆ ಖರೀದಿಸುವವರಿಗೆ ಬಡ್ಡಿ ಸಬ್ಸಿಡಿಗೆ ಅವಕಾಶ ಕಲ್ಪಿಸಲಾಗಿದೆ.