ಟ್ರಾಯ್ ಮಹತ್ವದ ಹೆಜ್ಜೆ

ಇದರ ಮಧ್ಯೆ ಮತ್ತೊಂದು ಪ್ರಮುಖ ಕಾರ್ಯಕ್ಕೆ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ಮಹತ್ವದ ಕಾರ್ಯಕ್ಕೆ ಮುಂದಾಗಿದ್ದು, ಸಿಮ್ ಪೋರ್ಟ್ ಸೇವೆಗಳಂತೆ ಡಿಟಿಎಚ್ ಸೇವೆಗಳನ್ನು ತಮಗೆ ಬೇಕಾದ ಸಂಸ್ಥೆಯಿಂದ ಪಡೆಯುವ ಸೌಲಭ್ಯವನ್ನು ನೀಡಲು ನಿರ್ಧರಿಸಿದೆ.

ಡಿಟಿಎಚ್ ಪೋರ್ಟೆಬಿಲಿಟಿ ಸೇವೆ

ಗ್ರಾಹಕರಿಗೆ ಡಿಟಿಎಚ್ ಸೇವೆಯನ್ನು ಪೋರ್ಟೆಬಿಲಿಟಿ ಮುಖಾಂತರ ಬದಲಿಸಿಕೊಳ್ಳುವ ಅವಕಾಶ ಕಲ್ಪಿಸಲು ಟ್ರಾಯ್ ಮುಂದಾಗಿದೆ. ಈಗ ಪ್ರತಿ ಆಪರೇಟರ್ ಗಳ ಸೆಟ್ ಟಾಪ್ ಬಾಕ್ಸ್ ತಂತ್ರಜ್ಞಾನ ವಿಭಿನ್ನವಾಗಿದ್ದು, ಒಂದೇ ತೆರನಾಗಿಲ್ಲ. ಹೀಗಾಗಿ ಸರ್ಕಾರಿ ಹಾಗೂ ಖಾಸಗಿ ಏಜೆನ್ಸಿಗಳು ಹೊಸ ತಂತ್ರಜ್ಞಾನದ ಸೆಟ್ ಟಾಪ್ ಬಾಕ್ಸ್ ಅಭಿವೃದ್ಧಿಪಡಿಸುತ್ತಿದ್ದಾರೆ.

ಸೆಟ್​ಟಾಪ್ ಬಾಕ್ಸ್ ಸಮಸ್ಯೆ ಏನು?

ಪ್ರಸ್ತುತ ಮೊಬೈಲ್ ಸಿಮ್ ರೀತಿಯಲ್ಲಿ ಸೆಟ್​ಟಾಪ್ ಬಾಕ್ಸ್ ಪೋರ್ಟೆಬಿಲಿಟಿ ಅಸಾಧ್ಯ. ಏಕೆಂದರೆ ಈಗಿರುವ ಸೆಟ್ ಟಾಪ್ ಬಾಕ್ಸ್​ಗಳು ಎಲ್ಲ ಆಪರೇಟರ್​ಗಳಿಗೂ ಸಹಕರಿಸುವ ರೀತಿಯ ತಂತ್ರಜ್ಞಾನ ಹೊಂದಿಲ್ಲ. ಹೀಗಾಗಿ ಪೋರ್ಟೆಬಿಲಿಟಿ ಪೂರಕ ಸಂಶೋಧನೆ ಹಾಗೂ ತಂತ್ರಜ್ಞಾನ ಅಭಿವೃದ್ಧಿ ನಡೆಯುತ್ತಿದ್ದು, ಎಲ್ಲ ಆಪರೇಟರ್​ಗಳ ಸೇವೆಗೂ ಸಹಕರಿಸುವ ಸೆಟ್ ಟಾಪ್ ಬಾಕ್ಸ್​ನ್ನು ನಿರ್ವಿುಸಲಾಗುವುದು.

ಟ್ರಾಯ್ ಹೊಸ ನಿಯಮ

ಕೇಬಲ್ ಟಿವಿ ಹಾಗೂ ಡಿಟಿಎಚ್ ಹೊಸ ನೀತಿ ಫೆಬ್ರವರಿ 1 ರಿಂದ ಜಾರಿಯಾಗಲಿದ್ದು, ಕೇಬಲ್ ಟಿವಿ ಮತ್ತು ಡಿಟಿಹೆಚ್ ದರದ ಮಾಹಿತಿಗಳನ್ನು ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ವೆಬ್ಸೈಟ್ ನಲ್ಲಿ ಪ್ರಕಟಿಸಲಾಗಿದೆ. ಇದರಿಂದಾಗಿ ಗ್ರಾಹಕರು ತಮಗೆ ಬೇಕಾದ ಚಾನೆಲ್ ಗಳಿಗೆ ಮಾತ್ರ ಹಣ ಪಾವತಿಸಿದರೆ ಸಾಕು. ಈ ಹಿಂದೆ ಚಾನೆಲ್ ಗಳನ್ನು ಬಳಸದಿದ್ದರು ಹಣ ಪಾವತಿಸಬೇಕಾಗುತ್ತಿತ್ತು.