ಜಾಗತಿಕ ಬ್ಯಾಂಕಿಂಗ್ ಹಾಗೂ ಮಾರ್ಕೆಟ್ಸ್ ವ್ಯವಹಾರದಲ್ಲಿ ಡಜನ್ ಗಟ್ಟಲೆ ಸಿಬ್ಬಂದಿಯನ್ನು ಕಡಿತಗೊಳಿಸಲು ಎಚ್ ಎಸ್ ಬಿಸಿ ತಯಾರಿ ನಡೆಸಿದೆ. ಈ ವಿಚಾರದ ಬಗ್ಗೆ ಮಾಹಿತಿ ಇರುವ ಮೂಲವೊಂದು ಮಾಧ್ಯಮ ಸಂಸ್ಥೆಗೆ ತಿಳಿಸಿದೆ. ವೆಚ್ಚ ಕಡಿತಕ್ಕೆ ಮುಂದಾಗಿರುವ ಕ್ರಮ ಇದಾಗಿದ್ದು, ಲಾಭಾಂಶವನ್ನು ಕಾಪಾಡಿಕೊಳ್ಳುವ ಕಾರಣಕ್ಕೆ ಹೀಗೆ ಮಾಡುತ್ತಿದೆ ಎಂಬುದು ತಿಳಿದು ಬಂದಿರುವ ಮಾಹಿತಿ.

ಜಾಗತಿಕ ಬ್ಯಾಂಕಿಂಗ್ ಹಾಗೂ ಮಾರ್ಕೆಟ್ಸ್ ವ್ಯವಹಾರದಲ್ಲಿ ಈ ನಿರ್ಧಾರವು ಮುಖ್ಯವಾಗಿ ಮಾರಾಟ ಹಾಗೂ ಸಲಹಾ ಸಿಬ್ಬಂದಿ ಮೇಲೆ ಪರಿಣಾಮ ಬೀರಲಿದೆ. ಯಾವ ಸಿಬ್ಬಂದಿಯನ್ನು ತೆಗೆಯಲಾಗುವುದು ಎಂಬ ಬಗ್ಗೆ ಈ ವಾರದಲ್ಲೇ ತಿಳಿಸಲಾಗುತ್ತದೆ. ಎಚ್ ಎಸ್ ಬಿಸಿಯ ವಕ್ತಾರರು ಈ ಸುದ್ದಿಗೆ ಯಾವುದೇ ಪ್ರತಿಕ್ರಿಯೆ ನೀಡಲು ನಿರಾಕರಿಸಿದ್ದಾರೆ.

ಬ್ಯಾಂಕ್ ನ ಹಿರಿಯ ನಿರ್ವಹಣಾ ತಂಡವು 2019ರ ಸಾಲಿಗೆ ಬಜೆಟ್ ಪ್ಲಾನಿಂಗ್ ಮಾಡಿದ ನಂತರ ಈ ಸಿಬ್ಬಂದಿ ಕಡಿತದ ಪ್ರಸ್ತಾವನೆ ಬಂದಿದೆ. ರಾಯಲ್ ಬ್ಯಾಂಕ್ ಆಫ್ ಸ್ಕಾಟ್ಲೆಂಡ್ ನ ಮಾಜಿ ಅಧಿಕಾರಿ ಎವನ್ ಸ್ಟೀವನ್ಸನ್ ಅವರನ್ನು ಎಚ್ ಎಸ್ ಬಿಸಿಯ ಮುಖ್ಯ ಆರ್ಥಿಕ ಅಧಿಕಾರಿಯಾಗಿ ಈಚೆಗೆ ನೇಮಕ ಮಾಡಲಾಗಿದೆ.