ಎಂಒಡಿ

ಎಸ್ಬಿಐ ಮಲ್ಟಿ ಆಪ್ಶನ್ ಠೇವಣಿ (ಎಂಒಡಿ) ಹೆಸರಿನ ಒಂದು ಎಫ್ಡಿ ಶುರು ಮಾಡಿದೆ. ಇದರ ವಿಶೇಷತೆಯೆಂದರೆ ಎಫ್ಡಿ ಹಣವನ್ನು ಎಟಿಎಂ ಮೂಲಕ ಪಡೆಯಲು ಅವಕಾಶ ಕಲ್ಪಿಸಲಾಗಿದೆ. ಎಂಒಡಿ ಮಾಡುವ ಗ್ರಾಹಕರಿಗೆ ಲಿಂಕ್ ಸೇವಿಂಗ್ ಅಕೌಂಟ್ ನಲ್ಲಿ ಕನಿಷ್ಟ ಬ್ಯಾಲೆನ್ಸ್ ಇಟ್ಟುಕೊಳ್ಳುವುದು ಅನಿವಾರ್ಯ.
ಎಸ್ಬಿಐ ಮಲ್ಟಿ ಆಪ್ಶನ್ ಠೇವಣಿ (ಎಂಒಡಿ) ಒಂದು ವಿಧದ ಟರ್ಮ್ ಡಿಪಾಸಿಟ್ ಆಗಿದ್ದು, ಗ್ರಾಹಕರ ಉಳಿತಾಯ ಖಾತೆ ಜೊತೆ ಸಂಪರ್ಕ ಹೊಂದಿರುತ್ತದೆ.

ಬಡ್ಡಿ ದರ

ಎಸ್ಬಿಐನ ಸಾಮಾನ್ಯ ಎಫ್ಡಿಯಲ್ಲಿ ಸಿಗುವ ಬಡ್ಡಿ ದರವೇ ನಿಮಗೆ ಎಂಒಡಿಯಲ್ಲೂ ಸಿಗುತ್ತದೆ.
ನೀವು ಎಂಒಡಿಯಿಂದ ಹಣ ಡ್ರಾ ಮಾಡಿದ ನಂತರ ಖಾತೆಯಲ್ಲಿ ಉಳಿಯುವ ಹಣಕ್ಕೆ ಬಡ್ಡಿ ಸಿಗುತ್ತ ಹೋಗುತ್ತದೆ. ನೀವು ಹಣ ಪಡೆಯಲು ಬಯಸಿದ್ದು, ಉಳಿತಾಯ ಖಾತೆಯಲ್ಲಿ ಹಣವಿಲ್ಲದೆ ಹೋದರೆ ಎಂಒಡಿಯಲ್ಲಿರುವ ಹಣವನ್ನು ನೀವು ವಿತ್ ಡ್ರಾ ಮಾಡಬಹುದು.

ಕನಿಷ್ಟ ಠೇವಣಿ ಮಿತಿ

ಎಸ್ಬಿಐ ಮಲ್ಟಿ ಆಪ್ಶನ್ ಠೇವಣಿ (ಎಂಒಡಿ) ಕನಿಷ್ಟ ಠೇವಣಿ ಮಿತಿ ರೂ. 10,000 ಆಗಿರುತ್ತದೆ. ಒಂದು ವರ್ಷದಿಂದ ಐದು ವರ್ಷದವರೆಗೆ ಹಣವನ್ನು ಇಡಬಹುದು. ಇದಕ್ಕಾಗಿ ಗ್ರಾಹಕರಿಗೆ ತೆರಿಗೆ ವಿಧಿಸಲಾಗುತ್ತದೆ.