ನೋಟಿನ ಮೌಲ್ಯ ರದ್ದು

ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಇದಕ್ಕೆ ಸಂಬಂಧಿಸಿದಂತೆ 2017ರಲ್ಲಿಯೇ ನಿಯಮವೊಂದನ್ನು ಜಾರಿಗೆ ತಂದಿದೆ. ನಿಯಮದ ಪ್ರಕಾರ, ನೋಟಿನ ಮೇಲೆ ಯಾವುದೇ ರಾಜಕೀಯ ಪಕ್ಷ ಅಥವಾ ವ್ಯಕ್ತಿಯ ಕುರಿತಾದ ಸ್ಲೋಗನ್ ಇರಬಾರದು. ಪ್ರಚಾರ ದೃಷ್ಟಿಯ ಅಥವಾ ಇನ್ನಿತರ ಸ್ಲೋಗನ್ ಇದ್ದರೆ ಯಾವುದೇ ಬ್ಯಾಂಕ್ ನೋಟುಗಳನ್ನು ಸ್ವೀಕರಿಸುವುದಿಲ್ಲ. ಆರ್ಬಿಐ ಕೂಡ ಇದನ್ನು ಸ್ವೀಕರಿಸುವುದಿಲ್ಲ. ನೋಟಿನ ಮೌಲ್ಯ ಎಷ್ಟೇ ಇದ್ದರೂ ಅದು ರದ್ದಾಗುತ್ತದೆ.

ಬಣ್ಣ ಬಳಿದ, ಹರಕು ನೋಟು

2017ರ ಸಾಲಿನಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಬಣ್ಣ ಬಳಿದ, ಹರಕು ನೋಟುಗಳನ್ನು ಸ್ವೀಕರಿಸಲಾಗುವುದಿಲ್ಲವೆಂದು ಸುದ್ದಿ ಹರಡಿತ್ತು. ಇದಕ್ಕೆ ಸ್ಪಷ್ಟನೆ ನೀಡಿದ್ದ ಆರ್ಬಿಐ ಬಣ್ಣ ತಾಗಿದ ನೋಟುಗಳನ್ನು ಎಲ್ಲ ಬ್ಯಾಂಕುಗಳು ಸ್ವೀಕರಿಸುತ್ತದೆ. ಆದರೆ ಉದ್ದೇಶಪೂರ್ವಕವಾಗಿ ನೋಟನ್ನು ಹಾಳು ಮಾಡಬೇಡಿ ಎಂದು ಸೂಚನೆ ನೀಡಿತ್ತು.

ನೋಟು ವಿನಿಮಯ ಕಾನೂನು ತಿದ್ದುಪಡಿ
ನೋಟು ನಿಷೇಧದ ನಂತರದಲ್ಲಿ ಚಲಾವಣೆಗೆ ಬಂದಿರುವ ರೂ. 200, ರೂ. 2000 ಮುಖಬೆಲೆಯ ನೋಟುಗಳನ್ನು ಬದಲಾಯಿಸಿಕೊಡಲು ಈ ಕಾನೂನಿನಲ್ಲಿ ಅವಕಾಶ ಇರಲಿಲ್ಲ. ಇದರಿಂದಾಗಿ ಸಾರ್ವಜನಿಕರು ಕಷ್ಟ ಅನುಭವಿಸುವಂತಾಗಿತ್ತು. ಆದರೆ ಜನಸಮಾನ್ಯರ ಸಮಸ್ಯೆ ಅರಿತ ಆರ್ಬಿಐ ಹಾಗು ಹಣಕಾಸು ಸಚಿವಾಲಯ ಕಾಯಿದೆ ತಿದ್ದುಪಡಿಗೆ ೨೦೧೮ರ ಆಗಸ್ಟ್ ನಲ್ಲಿ ಒಪ್ಪಿಗೆ ಸೂಚಿಸಿವೆ. ಹೀಗಾಗಿ ನೋಟುಗಳನ್ನು ಬ್ಯಾಂಕ್ ಗಳಲ್ಲಿ ವಿನಿಮಯ ಮಾಡಿಕೊಳ್ಳಲು ಸಾಧ್ಯವಾಗಲಿದೆ.