ಕಳೆದ 17 ತಿಂಗಳುಗಳಲ್ಲಿ ಸಂಘಟಿತ ವಲಯದಲ್ಲಿ ಒಟ್ಟಾರೆ 76.48 ಲಕ್ಷ ಉದ್ಯೋಗಗಳು ಸೃಷ್ಟಿಯಾಗಿವೆ ಎಂದು ಇಪಿಎಫ್ಒ ದಾಖಲೆ ತಿಳಿಸಿದೆ.

2017ರ ಸೆಪ್ಟೆಂಬರ್‌ನಿಂದ ಇಲ್ಲಿಯವರೆಗಿನ ವೇತನದಾರರ ಮಾಹಿತಿ ಪ್ರಕಾರ ಈ ಅಂಕಿ- ಅಂಶಗಳನ್ನು ಕಲೆ ಹಾಕಲಾಗಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ 2018ರ ಜನವರಿಯಲ್ಲಿ ಇಪಿಎಫ್‌ಒ ಚಂದಾದಾರರ ಪ್ರಮಾಣ ಶೇ. 131ರಷ್ಟು ಏರಿಕೆಯಾಗಿದೆ. ಸೆಪ್ಟಂಬರ್ ನಲ್ಲಿ 2,75,609 ನಿವ್ವಳ ಉದ್ಯೋಗಾವಕಾಶಗಳು ಸೃಷ್ಟಿಯಾಗಿವೆ. 2017ರ ಸಾಲಿನ ಸೆಪ್ಟೆಂಬರ್‌ನಿಂದ 2019ರ ಜನವರಿ ತಿಂಗಳವರೆಗೆ ಸುಮಾರು 76.48 ಲಕ್ಷ ಹೊಸ ಇಪಿಎಫ್‌ಓ ಚಂದಾದಾರರು ಸೇರ್ಪಡೆ ಆಗಿದ್ದಾರೆ.

2019ರ ಜನವರಿ ತಿಂಗಳಲ್ಲಿ ಇಪಿಎಫ್‌ಓ ಚಂದಾದಾರ ನಿವ್ವಳ ಸಂಖ್ಯೆ 8.96,516. 2018ರ ಡಿಸೆಂಬರ್‌ನಲ್ಲಿ ಈ 7.03 ಲಕ್ಷದಷ್ಟಿತ್ತು ಇಪಿಎಫ್‌ಓ ತಿಳಿಸಿದೆ.

2019 ಜನವರಿಯಲ್ಲಿ 22-25 ವಯೋಮಾನದ 2.44 ಲಕ್ಷ ಯುವಕರು, 18-21 ವಯೋಮಾನದ 2.24 ಲಕ್ಷ ಯುವಕರು ಉದ್ಯೋಗಗಳಿಗೆ ಸೇರ್ಪಡೆಯಾಗಿದ್ದಾರೆ ಎಂದು ಇಪಿಎಫ್‌ಓ ಮಾಹಿತಿ ನೀಡಿದೆ.