ಹ್ಯಾಪಿ ಯುಗಾದಿ.. ಸಿಹಿಸುದ್ದಿ: ಮನೆ, ವಾಹನ ಸಾಲ ಅಗ್ಗ

ಇಎಂಐ ಪಾವತಿ ಹಾಗು ಬಡ್ಡಿದರ ಇಳಿಕೆ

ತಿಂಗಳಿಗೆ ಗೃಹ, ವಾಹನ ಸಾಲಗಳ ಮೇಲಿನ ಇಎಂಐ ರೂ. 300-400 ವರೆಗೆ ಕಡಿಮೆಯಾಗಲಿದೆ ಎಂದು ಆರ್ಥಿಕ ತಜ್ಞರು ಅಭಿಪ್ರಾಯಿಸಿದ್ದಾರೆ.
ರೆಪೋ ದರ ಶೇ.0.25 ರಷ್ಟು ಕಡಿತ ಮಾಡಿರುವುದರಿಂದ ಶೇ. 6.25 ರಿಂದ ಶೇ. 6 ಕ್ಕೆ ತಲುಪಿದೆ. ಇದರ ಲಾಭ ಗ್ರಾಹಕರಿಗೆ ಸಿಗಲಿದ್ದು, ಬ್ಯಾಂಕುಗಳು ಗ್ರಾಹಕರ ಮೇಲಿನ ಸಾಲದ ಬಡ್ಡಿದರ ಇಳಿಕೆ ಮಾಡಬೇಕಿದೆ. ಸಾಲಗಾರರಿಗೆ, ಸಾಲ ಪಡೆಯುವವರಿಗೆ ಈ ಅಂಶಗಳು ಗೊತ್ತಿರಲಿ

ವಾಣಿಜ್ಯ ಬ್ಯಾಂಕುಗಳಿಗೆ ಲಾಭ

ಆರ್ಬಿಐ ಹಣಕಾಸು ಯೋಜನಾ ಸಮಿತಿ ಸಭೆಯಲ್ಲಿ ರೆಪೋ ದರ ಇಳಿಕೆ ತೀರ್ಮಾನ ಕೈಗೊಳ್ಳಲಾರುವುರಿಂದ ರೆಪೋ ದರ ಇಳಿಕೆಯಾಗಿದೆ. ಇದರಿಂದಾಗಿ ಆರ್ಬಿಐ ವಾಣಿಜ್ಯ ಬ್ಯಾಂಕುಗಳಿಗೆ ನೀಡುವ ಸಾಲದ ಮೇಲಿನ ಬಡ್ಡಿ ದರ ಕೂಡ ಕಡಿಮೆಯಾಗಲಿದ್ದು, ಅದೇ ರಿತಿ ಕಡಿತಗೊಂಡ ಬಡ್ಡಿ ದರವನ್ನು ವಾಣಿಜ್ಯ ಬ್ಯಾಂಕುಗಳು ಗ್ರಾಹಕರಿಗೆ ವರ್ಗಾಯಿಸಬೇಕಿದೆ ಎಂದು ಹೇಳಲಾಗಿದೆ.

ದರ ಕಡಿತದ ಪರಿಣಾಮ

ಆರ್ಬಿಐ ರೆಪೊ ದರದಲ್ಲಿನ ಕಡಿತ ಗ್ರಾಹಕರಿಗೆ ವರ್ಗಾವಣೆ ಮಾಡಲಿವೆ. ಇದು ಉದಾಹರಣೆಗೆ ಮನೆ ಸಾಲದ ಇಎಂಐ ಮೇಲೆ ಹೇಗೆ ಪರಿಣಾಮ ಬೀರಬಹುದೆಂದು ನೋಡೋಣ..

20 ವರ್ಷಗಳ ಅವಧಿಗೆ ಪಡೆಯುವ ಗೃಹ ಸಾಲದ ಮೊತ್ತ ರೂ. 30 ಲಕ್ಷ ಉದಾಹರಣೆ ನೀಡಲಾಗಿದೆ. ರೂ. 30 ಲಕ್ಷ ಸಾಲಕ್ಕೆ ಬಡ್ಡಿದರವನ್ನು ಎಸ್ಬಿಐ ವೆಬ್ಸೈಟ್ ನಿಂದ ಪಡೆಯಲಾಗಿದ್ದು, ಸಂಬಳ ಪಡೆಯುವ ವರ್ಗಕ್ಕೆ ಅನ್ವಯವಾಗುತ್ತದೆ.