ಇಂಡಿಗೋ ವಿಮಾನಯಾನ ಸಂಸ್ಥೆ ಹಾಲಿಡೇ ಆಫರ್ ನೀಡುತ್ತಿದೆ. ನಿಗದಿತ ಅವಧಿಯಲ್ಲಿ ಸುಮಾರು 10 ಲಕ್ಷ ಸೀಟುಗಳನ್ನು ಕಾಯ್ದಿರುವ ಅವಕಾಶ ಪ್ರಯಾಣಿಕರಿಗೆ ಸಿಗಲಿದ್ದು, 999 ರು ನಿಂದ ಟಿಕೆಟ್ ದರ ಶುರುವಾಗಲಿದೆ.

ಈ ವಿಶೇಷ ಕೊಡುಗೆ ದೇಶದ ಎಲ್ಲಾ ತಾಣಗಳಿಗೂ ಹಾಗೂ ವಿದೇಶಿ ಪ್ರಯಾಣಕ್ಕೂ ಅನ್ವಯವಾಗಲಿದೆ.ದೇಶಿ ಪ್ರಯಾಣದ ಟಿಕೆಟ್ ದರ 999ರುನಿಂದ ಶುರುವಾದರೆ, ಅಂತಾರಾಷ್ಟ್ರೀಯ ಟಿಕೆಟ್ ದರ 3,499 ರು ನಿಂದ ಆರಂಭವಾಗಲಿದೆ.

ಈ ಸೌಲಭ್ಯವನ್ನು ಪಡೆಯಬೇಕಾದರೆ ಪ್ರಯಾಣಿಕರು ಮೇ 14ರಿಂದ ಮೇ16, 2019ರೊಳಗೆ ಟಿಕೆಟ್ ಬುಕ್ ಮಾಡಬೇಕು. ಮೇ 16ರಂದು ರಾತ್ರಿ 11.59ಕ್ಕೆ ಬುಕ್ಕಿಂಘ್ ಮುಕ್ತಾಯವಾಗಲಿದೆ. ಸೆಪ್ಟೆಂಬರ್ 28, 2019ರೊಳಗೆ ಪ್ರಯಾಣ ಮಾಡಬೇಕಾಗುತ್ತದೆ.

ಈ ರಿಯಾಯಿತಿ ದರಗಳು ಇಂಡಿಗೋ ಗ್ರೂಪ್ ಬುಕ್ಕಿಂಗ್, ಏರ್ ಪೋರ್ಟ್ ಚಾರ್ಚ್ ಹಾಗೂ ಸರ್ಕಾರಿ ತೆರಿಗೆಗೆ ಅನ್ವಯವಾಗುವುದಿಲ್ಲ. ಪ್ರಯಾಣದ ಅವಧಿ ಮೇ 29,2019ರಿಂದ ಸೆಪ್ಟೆಂಬರ್ 28, 2019ರ ತನಕ ಮಾತ್ರ ಎಂದು ಸಂಸ್ಥೆ ಹೇಳಿದೆ.