ಎಟಿಎಂ ಯಂತ್ರಗಳ ಸುರಕ್ಷತೆ ಹೆಚ್ಚಿಸಲು ಎಟಿಎಂಗಳನ್ನು ಗೋಡೆ, ಪಿಲ್ಲರ್ ಅಥವಾ ನೆಲಕ್ಕೆ ಭದ್ರವಾಗಿ ಅಳವಡಿಸುವಂತೆ ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಎಲ್ಲಾ ಬ್ಯಾಂಕುಗಳಿಗೆ ಆದೇಶ ಹೊರಡಿಸಿದೆ.

ಎಟಿಎಂ ಕೇಂದ್ರಗಳ ನಿರ್ವಹಣಾ ವೆಚ್ಚ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಹಲವು ಬ್ಯಾಂಕುಗಳು ಎಟಿಎಂ ಕೇಂದ್ರಗಳನ್ನು ಬಂದ್ ಮಾಡುತ್ತಿವೆ. ಇದರ ಹಿನ್ನೆಲೆಯಲ್ಲಿ ಎಟಿಎಂಗಳ ಸುರಕ್ಷತೆಗೆ ಆರ್ಬಿಐ ಸೂಚಿಸಿದೆ.
ಎಟಿಎಂ ಯಂತ್ರಗಳನ್ನು ಗೋಡೆ, ಪಿಲ್ಲರ್ ಅಥವಾ ನೆಲಕ್ಕೆ ಅಳವಡಿಸುವಂತೆ ಬ್ಯಾಂಕುಗಳಿಗೆ ಸೂಚಿಸಿದ್ದು, ಇದಕ್ಕೆ ಸೆಪ್ಟಂಬರ್ 30 ರೊಳಗೆ ಕಾಲಾವಕಾಶ ನೀಡಲಾಗಿದೆ. ಗೊಡೆ, ನೆಲ ಅಥವಾ ಪಿಲ್ಲರ್ ಎಟಿಎಂ ಭದ್ರವಾಗಿ ಜೋಡಿಸಿದರೆ ಎಟಿಎಂ ವಂಚನೆಗಳು ಕಷ್ಟ ಎಂಬುದು ತಜ್ಞರ ಅಭಿಪ್ರಾಯವಾಗಿದೆ.
ಜೊತೆಗೆ ಹೆಚ್ಚಿನ ಸಂಖ್ಯೆಯಲ್ಲಿ ಸಿಸಿ ಟಿವಿ ಕ್ಯಾಮೆರಾಹಾಗು ಭದ್ರತಾ ಸಿಬ್ಬಂದಿಯನ್ನು ನಿಯೋಜಿಸುವಂತೆ ಸೂಚನೆ ನೀಡಲಾಗಿದೆ. ಆದರೆ ಬಿಗಿ ಭದ್ರತೆ ಹೊಂದಿರುವ ವಿಮಾನ ನಿಲ್ದಾಣಗಳಲ್ಲಿ ಇದಕ್ಕೆ ವಿನಾಯಿತಿ ನೀಡಲಾಗಿದೆ.