ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ), ವೈಯಕ್ತಿಕ ಸಾಲಗಾರರು ಸಮಯಕ್ಕೆ ಮೊದಲೇ ಸಾಲ ಮರುಪಾವತಿ ಮಾಡಿದರೆ ಬ್ಯಾಂಕೇತರ ಹಣಕಾಸು ಕಂಪನಿಗಳಿಂದ ವಸೂಲಿ ಮಾಡುವ ಶುಲ್ಕವನ್ನು ನಿಷೇಧಿಸಿದೆ. ಬ್ಯಾಂಕೇತರ ಹಣಕಾಸು ಕಂಪನಿಗಳು (NBFCs) ವೈಯಕ್ತಿಕ ಸಾಲಗಾರರಿಂದ ಪೂರ್ವ-ಪಾವತಿ ದಂಡ ಅಥವಾ ಸ್ವತ್ತು ಮರುಸ್ವಾಧೀನ ಶುಲ್ಕ ವಿಧಿಸುವುದನ್ನು ಆರ್ಬಿಐ ನಿರ್ಬಂಧಿಸಿದೆ.

ವ್ಯವಹಾರ ಉದ್ದೇಶಗಳನ್ನು ಹೊರತುಪಡಿಸಿ ಇನ್ನಿತರೆ ಕಾರ್ಯಗಳಿಗೆ ತೆಗೆದುಕೊಳ್ಳುವ ಸಾಲವನ್ನು ಸಮಯಕ್ಕಿಂತ ಮೊದಲು ಪಾವತಿ ಮಾಡಿದರೆ ಶುಲ್ಕ ವಿಧಿಸಲಾಗುವುದಿಲ್ಲ ಎಂದು ಹೇಳಿದೆ.
ಆರ್ಬಿಐನ ಈ ಹೊಸ ನಿಯಮ ಯಾವಾಗಿನಿಂದ ಜಾರಿಯಾಗಲಿದೆ ಎಂಬುದನ್ನು ಸ್ಪಷ್ಟಪಡಿಸಿಲ್ಲ. ಮೇ 2014 ರಲ್ಲಿ, ಆರ್‌ಬಿಐ ವಾಣಿಜ್ಯ ಬ್ಯಾಂಕುಗಳಿಗೆ ಅಂತಹ ಶುಲ್ಕಗಳು ಅಥವಾ ವೈಯಕ್ತಿಕ ಸಾಲಗಾರರಿಂದ ಅಡಮಾನ ಸಾಲವನ್ನು ವಿಧಿಸುವುದನ್ನು ನಿರ್ಬಂಧಿಸಿತ್ತು ಎಂಬುದು ಗಮನಿಸಬಹುದು. ಆದರೆ ಬ್ಯಾಂಕುಗಳು ವೈಯಕ್ತಿಕ ಸಾಲಗಳಂತಹ ಸುರಕ್ಷಿತವಲ್ಲದ ಸಾಲಗಳ ಮೇಲೆ ದಂಡ ವಿಧಿಸಲು ಮುಕ್ತವಾಗಿವೆ. ಇದರಿಂದ ಗೃಹ ಮತ್ತು ವಾಹನ ಸಾಲಗಾರರಿಗೆ ಕೊಂಚ ನೆಮ್ಮದಿ ಸಿಗಲಿದೆ.
ಅನೇಕ ಬಾರಿ ಗ್ರಾಹಕರು ಒಂದೇ ಸಲ ಸಾಲ ಮರುಪಾವತಿ ಮಾಡಿ ಬಡ್ಡಿ ಉಳಿಸಲು ಮುಂದಾಗುತ್ತಿದ್ದರು. ಆದರೆ ಒಂದೇ ಬಾರಿ ಸಾಲ ಮರುಪಾವತಿ ಮಾಡಿದರೆ ಬ್ಯಾಂಕುಗಳು ಶುಲ್ಕ ವಿಧಿಸುತ್ತಿದ್ದವು.