3,500 ಕೋಟಿ ರುಪಾಯಿ ಒಡೆಯ 'ಕೋಬಿ ಬ್ರಯಾಂಟ್' ಹೆಲಿಕಾಪ್ಟರ್ ದುರಂತದಲ್ಲಿ ದುರ್ಮರಣ

ಐದು ಬಾರಿ ನ್ಯಾಷ್‌ನಲ್ ಚಾಂಪಿಯನ್

ಐದು ಬಾರಿ ಎನ್‌ಬಿಎ(ನ್ಯಾಷನಲ್ ಬಾಸ್ಕೆಟ್‌ಬಾಲ್ ಅಸೋಸಿಯೇಷನ್) ಚಾಂಪಿಯನ್ ಆಗಿದ್ದ ಅಮೆರಿಕಾದ ಬ್ರಯಾಂಟ್ ತಮ್ಮ 13 ವರ್ಷದ ಪುತ್ರಿ ಮತ್ತು 7 ಸಹ ಪ್ರಯಾಣಿಕರೊಂದಿಗೆ ಹೆಲಿಕಾಪ್ಟರ್‌ನಲ್ಲಿ ಪ್ರಯಾಣಿಸುತ್ತಿದ್ದಾಗ ಈ ದುರ್ಘಟನೆ ಸಂಭವಿಸಿದೆ. ಲಾಸ್ ಏಂಜಲಿಸ್‌ನ ಪಶ್ಚಿಮಕ್ಕಿರುವ ಗುಡ್ಡಗಾಡು ಪ್ರದೇಶದಲ್ಲಿ ಹೆಲಿಕಾಪ್ಟರ್ ಪತನಗೊಂಡು ಎಲ್ಲರೂ ಮೃತಪಟ್ಟಿದ್ದಾರೆ.

3,500 ಕೋಟಿ ರುಪಾಯಿ ಒಡೆಯನಾಗಿದ್ದ ಬ್ರಯಾಂಟ್

ಕೋಬಿ ಬ್ರಯಾಂಟ್ ಬಾಸ್ಕೆಟ್‌ಬಾಲ್ ಜಗತ್ತಿನ ಸಾರ್ವಕಾಲಿಕ ಶ್ರೇಷ್ಟ ಆಟಗಾರನಾಗಿದ್ದು, ಎರಡು ದಶಕಗಳ ಕಾಲ ಎನ್‌ಬಿಎ ಚಾಂಪಿಯನ್ ಆಗಿ ಮೆರೆದಿದ್ದರು. ಬಹುರಾಷ್ಟ್ರೀಯ ಕಂಪನಿಗಳ ಉತ್ಪನ್ನಗಳಾದ ರಾಯಭಾರಿ ಕೂಡ ಆಗಿದ್ದರು. ಬಾಡಿ ಆರ್ಮರ್ ಎಂಬ ಸ್ಪೋರ್ಟ್ಸ್ ಡ್ರಿಂಕ್ಸ್‌ನಲ್ಲಿ 10 ಪರ್ಸೆಂಟ್‌ನಷ್ಟು ಪಾಲನ್ನು ಹೊಂದಿದ್ದರು. ಇವರ ಒಟ್ಟಾರೆ ಸಂಪತ್ತು 3,500 ಕೋಟಿ ರುಪಾಯಿಗೂ ಹೆಚ್ಚಿತ್ತು.

ಜಾಹೀರಾತುಗಳಿಂದಲೇ ಸಂಪಾದಿಸಿದ್ದ 2,000 ಕೋಟಿ

ಇವರ ಒಟ್ಟಾರೆ ಬಾಸ್ಕೆಟ್‌ ಬಾಲ್‌ ಪಯಣದಲ್ಲಿ 328 ಮಿಲಿಯನ್ ಅಮೆರಿಕನ್ ಡಾಲರ್ (ಭಾರತದ ರುಪಾಯಿಗಳಲ್ಲಿ 2,341 ಕೋಟಿ 83 ಲಕ್ಷ) ವೇತನವಾಗಿ ಪಡೆದಿದ್ದಾರೆ. ಜಾಹೀರಾತು ಸೇರಿದಂತೆ ಇತರೆ ಮೂಲಗಳಿಂದ 280 ಮಿಲಿಯನ್ ಡಾಲರ್ (ಭಾರತದ ರುಪಾಯಿಗಳಲ್ಲಿ ಸುಮಾರು 2,000 ಕೋಟಿ) ಆದಾಯ ಸಂಪಾದಿಸಿದ್ದಾರೆ.