7 ವರ್ಷದ ಪೋರನಿಗೆ 7.30 ಕೋಟಿ ರುಪಾಯಿ ಬಹುಮಾನ

ಅಜ್ಮನ್ ನಲ್ಲಿ ವಾಸವಿರುವ ಭಾರತೀಯ, ಏಳು ವರ್ಷ ಕಪಿಲ್ ರಾಜ್ ಕನಗರಾಜ್ ಗೆ ದುಬೈನ ಸುಂಕರಹಿತ ರಾಫಲ್ ಟಿಕೆಟ್ ಬಹುಮಾನ ಬಂದಿದೆ. ಅದು ಎಷ್ಟು ಮೊತ್ತಕ್ಕೆ ಗೊತ್ತಾ 1 ಮಿಲಿಯನ್ ಅಮೆರಿಕನ್ ಡಾಲರ್. ಭಾರತದ ರುಪಾಯಿಗಳಲ್ಲಿ ಇವತ್ತಿನ ಲೆಕ್ಕಕ್ಕೆ (ಮಾರ್ಚ್ 18, 2020) 7.30 ಕೋಟಿಗೂ ಸ್ವಲ್ಪ ಹೆಚ್ಚು.

ಕಪಿಲ್ ರಾಜ್ ಗಾಗಿ ಆತನ ತಂದೆ ಕನಗರಾಜ್ ಅವರು ಫೆಬ್ರವರಿ 21ನೇ ತಾರೀಕು ಲಾಟರಿ ಟಿಕೆಟ್ ಖರೀದಿಸಿದ್ದರು. ಕನಗರಾಜ್ ಅವರು ಮೂಲತಃ ತಮಿಳುನಾಡಿನವರು. ಕಳೆದ ಇಪ್ಪತ್ತೇಳು ವರ್ಷಗಳಿಂದ ಅಜ್ಮನ್ ನಲ್ಲಿ ವಾಸವಿದ್ದಾರೆ. "ನನಗೆ ಹೇಗೆ ಅನಿಸುತ್ತಿದೆ ಎಂಬುದನ್ನು ಮಾತಿನಲ್ಲಿ ಹೇಳುವುದಕ್ಕೆ ಆಗುತ್ತಿಲ್ಲ. ಈ ಆಶೀರ್ವಾದ ಮಾಡಿದ ದೇವರಿಗೆ ನಾನು ಹಾಗೂ ನನ್ನ ಕುಟುಂಬ ಧನ್ಯವಾದ ಹೇಳ್ತೀವಿ.

"ಈಗ ಬಂದಿರುವ ಬಹುಮಾನದ ಮೊತ್ತದಲ್ಲಿ ಸ್ವಲ್ಪ ಭಾಗವನ್ನು ನಮ್ಮ ಫರ್ನೀಚರ್ ಅಂಗಡಿ ವ್ಯವಹಾರಕ್ಕೆ ಬಳಸುತ್ತೇನೆ ಮತ್ತು ನನ್ನ ಮಗನ ಭವಿಷ್ಯಕ್ಕಾಗಿ ಬಳಸುತ್ತೇನೆ. ಬದುಕು ಬದಲಿಸುವ ಗೆಲುವು ನೀಡಿದ ದುಬೈ ಡ್ಯೂಟಿ ಫ್ರೀಗೆ ಧನ್ಯವಾದಗಳನ್ನು ಹೇಳ್ತೇನೆ" ಎಂದು ಕನಗರಾಜ್ ಹೇಳಿದ್ದಾರೆ.