7th Pay Commission: ಪಿಎಫ್‌ ಬಡ್ಡಿದರ ಏರಿಸಿದ ಇಪಿಎಫ್‌ಒ, ಶೀಘ್ರ ಡಿಎ ಏರಿಕೆ ನಿರೀಕ್ಷೆ

ಪಿಎಫ್ ಖಾತೆದಾರರಿಗೆ ಸಿಹಿಸುದ್ದಿಯನ್ನು ಇಪಿಎಫ್‌ಒ ನೀಡಿದೆ. ನಿವೃತ್ತಿ ನಿಧಿ ಸಂಸ್ಥೆಯಾದ ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್‌ಒ) ಶನಿವಾರ 2023-24ರ ಆರ್ಥಿಕ ವರ್ಷಕ್ಕೆ ಉದ್ಯೋಗಿಗಳ ಭವಿಷ್ಯ ನಿಧಿ (ಇಪಿಎಫ್) ಡೆಪಾಸಿಟ್‌ಗಳ ಮೇಲಿನ ಬಡ್ಡಿ ದರವನ್ನು 8.25% ಕ್ಕೆ ಹೆಚ್ಚಿಸಲು ನಿರ್ಧರಿಸಿದೆ.

ಈಗ, ತುಟ್ಟಿಭತ್ಯೆ (ಡಿಎ ಹೆಚ್ಚಳ) ಹೆಚ್ಚಳವನ್ನು ಶೀಘ್ರದಲ್ಲೇ ನಿರೀಕ್ಷಿಸಲಾಗಿದೆ. ವರದಿಗಳ ಪ್ರಕಾರ ಮಾರ್ಚ್ 2024 ರಲ್ಲಿ ಸರ್ಕಾರವು ಪ್ರಮುಖ ನಿರ್ಧಾರವನ್ನು ತೆಗೆದುಕೊಳ್ಳಬಹುದು. ನಂತರ ಕೇಂದ್ರ ನೌಕರರಿಗೆ ನೀಡಲಾಗುವ ಡಿಎ 50 ಪ್ರತಿಶತಕ್ಕೆ ತಲುಪುತ್ತದೆ. 2023-2024ರ ಆರ್ಥಿಕ ವರ್ಷಕ್ಕೆ ಉದ್ಯೋಗಿಗಳ ಭವಿಷ್ಯ ನಿಧಿ (ಇಪಿಎಫ್) ಖಾತೆಗೆ ಹೊಸ ಬಡ್ಡಿ ದರವನ್ನು ಇಪಿಎಫ್‌ಒ ಸೆಂಟ್ರಲ್ ಬೋರ್ಡ್ ಆಫ್ ಟ್ರಸ್ಟಿಗಳು (ಸಿಬಿಟಿ) ಪ್ರಕಟಿಸಿದೆ.

ದೇಶದ ಸುಮಾರು 7 ಕೋಟಿ ಉದ್ಯೋಗಿಗಳಿಗೆ ಇಪಿಎಫ್‌ಒ ಗಿಫ್ಟ್ ನೀಡಿದ್ದು, ಶೇ.8.25ಕ್ಕೆ ಬಡ್ಡಿದರ ಹೆಚ್ಚಿಸಿದೆ. ಪಿಟಿಐ ಪ್ರಕಾರ, ಪಿಎಫ್ ಖಾತೆದಾರರಿಗೆ ಬಡ್ಡಿ ಪಾವತಿಗಳು ಮುಂದೆ 0.10 ಪ್ರತಿಶತದಷ್ಟು ಹೆಚ್ಚಾಗುತ್ತವೆ. ಉದ್ಯೋಗಿಗಳ ಭವಿಷ್ಯ ನಿಧಿ (ಇಪಿಎಫ್) ಕಳೆದ ವರ್ಷದ ಮಾರ್ಚ್ 28 ರಂದು 2022-2023 ರ ಖಾತೆಗಳಿಗೆ ಶೇಕಡ 8.15 ರ ಬಡ್ಡಿ ದರವನ್ನು ಘೋಷಿಸಿದೆ. ಪಿಎಫ್ ಬಡ್ಡಿ ದರ ಹೆಚ್ಚಳದ ಜತೆಗೆ ಡಿಎ ಹೆಚ್ಚಳದ ನಿರೀಕ್ಷೆ ಕೇಂದ್ರ ನೌಕರರಲ್ಲಿ ಮೂಡಿದೆ.

ಜನವರಿ-ಜೂನ್ ಅರ್ಧ ವರ್ಷಕ್ಕೆ ತುಟ್ಟಿಭತ್ಯೆ (ಡಿಎ) ಹೆಚ್ಚಳವನ್ನು ಮಾರ್ಚ್ 2024 ರಲ್ಲಿ ಘೋಷಿಸಲಾಗುವುದು ಎಂದು ನಿರೀಕ್ಷಿಸಲಾಗಿದೆ. ಸರ್ಕಾರವು ಉದ್ಯೋಗಿ ಡಿಎಯನ್ನು ವರ್ಷಕ್ಕೆ ಎರಡು ಬಾರಿ ಹೆಚ್ಚಿಸುತ್ತದೆ. ಸರ್ಕಾರವು ಈ ಬಾರಿ ಚುನಾವಣೆಗೆ ಮುನ್ನ ಕೇಂದ್ರ ನೌಕರರಿಗೆ ಶೇಕಡಾ 4 ರಷ್ಟು ಡಿಎ ಹೆಚ್ಚಳವನ್ನು ಮಾಡಬಹುದು ಮತ್ತು ಮುಂದಿನ ತಿಂಗಳು ಅದನ್ನು ಘೋಷಿಸಬಹುದು.

ವಿವಿಧ ವರದಿಗಳ ಆಧಾರದ ಮೇಲೆ ಈ ನಿರೀಕ್ಷೆ ವ್ಯಕ್ತವಾಗುತ್ತಿದೆ. ಆದರೆ, ಈ ಬಗ್ಗೆ ಸರ್ಕಾರದಿಂದ ಇನ್ನೂ ಯಾವುದೇ ಅಧಿಕೃತ ಪ್ರಕಟಣೆ ಹೊರಬಿದ್ದಿಲ್ಲ. ಆದರೆ ಶೇ.4ರಷ್ಟು ಡಿಎ ಹೆಚ್ಚಳವಾದರೆ ನೌಕರರ ವೇತನದಲ್ಲಿ ಬಂಪರ್ ಹೆಚ್ಚಳವಾಗಲಿದೆ. ಪ್ರಸ್ತುತ ಕೇಂದ್ರ ನೌಕರರ ಡಿಎ ಶೇ.46ರಷ್ಟಿದ್ದು, ಅದನ್ನು ಶೇ.50ಕ್ಕೆ ಹೆಚ್ಚಿಸಬಹುದು.

ಒಂದೆಡೆ, ಕೇಂದ್ರ ನೌಕರರ ತುಟ್ಟಿಭತ್ಯೆಯಲ್ಲಿ 4 ಪ್ರತಿಶತ ಹೆಚ್ಚಳವನ್ನು ನಿರೀಕ್ಷಿಸಲಾಗಿದೆ. ಇಷ್ಟು ಹೆಚ್ಚಳ ಮಾಡಿದರೆ ಜನವರಿ 1, 2024 ರಂದು ಉದ್ಯೋಗಿಗಳಿಗೆ ಪ್ರಯೋಜನವನ್ನು ಪಾವತಿಸಲಾಗುತ್ತದೆ. ಹೆಚ್ಚುವರಿಯಾಗಿ, ತುಟ್ಟಿ ಭತ್ಯೆಯು 50% ತಲುಪಿದ ನಂತರ ಉದ್ಯೋಗಿಗಳ ಮನೆ ಬಾಡಿಗೆ ಭತ್ಯೆಯಲ್ಲಿ ಹೆಚ್ಚಳವಾಗಬಹುದು.