Chandrayaan-3: ಚಂದ್ರಯಾನ-3 ಯಶಸ್ವಿ, ಸೆಂಟಮ್ ಎಲೆಕ್ಟ್ರಾನಿಕ್ಸ್ ಷೇರು ಶೇ.9ರಷ್ಟು ಜಿಗಿತ

ಚಂದ್ರಯಾನ-3 ಅನ್ನು ಚಂದ್ರನ ಮೇಲೆ ಯಶಸ್ವಿಯಾಗಿ ಇಳಿಸಿದ ನಂತರ, ಆಗಸ್ಟ್ 24 ರಂದು ಬೆಳಗಿನ ಅವಧಿಯಲ್ಲಿ ಸೆಂಟಮ್ ಎಲೆಕ್ಟ್ರಾನಿಕ್ಸ್ ಷೇರುಗಳು ಸುಮಾರು ಶೇಕಡ 9 ರಷ್ಟು ಏರಿಕೆಯಾಗಿದೆ. ಸೆಂಟಮ್ ಎಲೆಕ್ಟ್ರಾನಿಕ್ಸ್‌ ಚಂದ್ರಯಾನ ಮಿಷನ್‌ನಲ್ಲಿ ಅಗತ್ಯ ವಸ್ತುಗಳ ಪೂರೈಕೆಗೆ ಇಸ್ರೋಗೆ ಪ್ರಮುಖ ಕೈಗಾರಿಕಾ ಪಾಲುದಾರರಾಗಿದ್ದರು. ಮಾಡ್ಯೂಲ್‌ಗಳು ಮತ್ತು ಸಿಸ್ಟಮ್‌ಗಳನ್ನು ಪೂರೈಸಿದ ಸಂಸ್ಥೆ ಇದಾಗಿದೆ.

ಆಗಸ್ಟ್ 24 ರಂದು ಮಧ್ಯಾಹ್ನ 12:30 ರ ವೇಳೆಗೆ, ಸೆಂಟಮ್ ಎಲೆಕ್ಟ್ರಾನಿಕ್ಸ್ ಷೇರುಗಳು ಎನ್‌ಎಸ್‌ಇಯಲ್ಲಿ ಸುಮಾರು ಶೇಕಡ 8.70 ರಷ್ಟು ಏರಿಕೆಯಾಗಿ 1,786 ರೂಪಾಯಿಗೆ ತಲುಪಿದೆ. ಆದರೆ ಆಗಸ್ಟ್ 25 ರಂದು ಈ ಸಮಯಕ್ಕೆ ಶೇಕಡ 1.26 ರಷ್ಟು ಏರಿಕೆಯಾಗಿ, 1,744.65 ರೂಪಾಯಿಗೆ ತಲುಪಿದೆ.

ಸೆಂಟಮ್ ಎಲೆಕ್ಟ್ರಾನಿಕ್ಸ್ ತ್ರೈಮಾಸಿಕ ವರದಿ

ಸೆಂಟಮ್ ಎಲೆಕ್ಟ್ರಾನಿಕ್ಸ್ ತನ್ನ ಹಣಕಾಸು ವರ್ಷ 2023 ರ ಮೊದಲ ತ್ರೈಮಾಸಿಕದಲ್ಲಿ ಫಲಿತಾಂಶಗಳನ್ನು ಆಗಸ್ಟ್ 11 ರಂದು ಬಿಡುಗಡೆ ಮಾಡಿದೆ. ಮುಖ್ಯವಾಗಿ ಎಲೆಕ್ಟ್ರಾನಿಕ್ಸ್ ಉತ್ಪಾದನಾ ಸೇವೆಗಳ (ಇಎಂಎಸ್) ವ್ಯವಹಾರದಲ್ಲಿನ ಹೆಚ್ಚಳದಿಂದಾಗಿ ಕಂಪನಿಯ ಏಕೀಕೃತ ಆದಾಯವು ಶೇಕಡ 17 ರಷ್ಟು ವಾರ್ಷಿಕವಾಗಿ ಏರಿಕೆಯಾಗಿದೆ.

ಹಿಂದಿನ ತ್ರೈಮಾಸಿಕದಲ್ಲಿ ಬಿಲ್ಡ್ ಟು ಸ್ಪೆಕ್ (ಬಿಟಿಎಸ್) ಹೆಚ್ಚಿನ ಆದಾಯದ ಕಾರಣದಿಂದ ಆದಾಯವು ತ್ರೈಮಾಸಿಕದಿಂದ ತ್ರೈಮಾಸಿಕದಲ್ಲಿ ಕಡಿಮೆಯಾಗಿದೆ. ಇನ್ನು ಇಎಂಎಸ್ ವ್ಯವಹಾರದಲ್ಲಿನ ಸುಧಾರಿತ ಆದಾಯದ ಕಾರಣದಿಂದ ಹಣಕಾಸು ವರ್ಷದ 2023 ರ ಮೊದಲ ತ್ರೈಮಾಸಿಕದಲ್ಲಿ ಶೇಕಡ 8ರಷ್ಟಿದ್ದ ಇಬಿಐಟಿಡಿಎ ಹಣಕಾಸು ವರ್ಷ 2024 ರಲ್ಲಿ ಸುಮಾರು ಶೇಕಡ 7ಕ್ಕೆ ಏರಿಕೆಯಾಗಿದೆ.

ಮುಂಬರುವ ತ್ರೈಮಾಸಿಕಗಳಲ್ಲಿ ಫ್ರೆಂಚ್ ಅಂಗಸಂಸ್ಥೆಯ ಇಬಿಐಟಿಡಿಎಯನ್ನು ಸುಧಾರಿಸಲು ಕೇಂದ್ರೀಕೃತ ಪ್ರಯತ್ನಗಳನ್ನು ಮಾಡುತ್ತಿದೆ. ಕಂಪನಿಯು ಬಿಎಸ್‌ಇಗೆ ಸಲ್ಲಿಸಿದ ಫೈಲಿಂಗ್ ಪ್ರಕಾರ ಪ್ರಸ್ತುತ ಮಟ್ಟದಿಂದ ಏಕೀಕೃತ ಇಬಿಐಟಿಡಿಎ ಸುಧಾರಿಸುತ್ತದೆ.

ಸೆಂಟಮ್ ಎಲೆಕ್ಟ್ರಾನಿಕ್ಸ್‌ನ ಷೇರುದಾರರ ಮಾದರಿ

ಪ್ರವರ್ತಕರು ಕಂಪನಿಯಲ್ಲಿ ಅಧಿಕ ಪಾಲನ್ನು ಹೊಂದಿದ್ದು ಶೇಕಡ 58.8ರಷ್ಟು ಪಾಲು ಇದೆ. ಸಾರ್ವಜನಿಕರು ಶೇಕಡ 33.43ರಷ್ಟು ಪಾಲನ್ನು ಹೊಂದಿದ್ದಾರೆ. ಡಿಐಐಗಳು ಮತ್ತು ಎಫ್‌ಐಐ ಕಂಪನಿಯು ಶೇಕಡ 7.66 ರಷ್ಟು, ಶೇಕಡ 0.11 ರಷ್ಟು ಪಾಲನ್ನು ಹೊಂದಿದ್ದಾರೆ.

ಸ್ಟಾಕ್ ಕಾರ್ಯಕ್ಷಮತೆ

ಸೆಂಟಮ್ ಎಲೆಕ್ಟ್ರಾನ್ ಷೇರುಗಳು ಕಳೆದ ಆರು ತಿಂಗಳಲ್ಲಿ ಶೇಕಡ 189.03 ರಷ್ಟು ಆದಾಯವನ್ನು ಗಳಿಸಿದೆ. ಕಳೆದ 12 ತಿಂಗಳುಗಳಲ್ಲಿ ಷೇರು ಸುಮಾರು ಶೇಕಡ 273.51 ರಷ್ಟು ಆದಾಯವನ್ನು ಗಳಿಸಿದೆ. ನಿಫ್ಟಿ 50 ಸೂಚ್ಯಂಕವು ಕಳೆದ ಆರು ತಿಂಗಳಲ್ಲಿ ಶೇಕಡ 11.33 ರಷ್ಟು ಲಾಭವನ್ನು ನೀಡಿದೆ.

ಗಮನಿಸಿ: ಈ ಸ್ಟಾಕ್‌ನಲ್ಲಿ ಹೂಡಿಕೆ ಮಾಡುವಂತೆ ಲೇಖಕರು ಅಥವಾ ಗ್ರೇನಿಯಮ್ ಮಾಹಿತಿ ತಂತ್ರಜ್ಞಾನಗಳು ಸಲಹೆ ನೀಡುವುದಿಲ್ಲ. ಲೇಖಕರು, ಅಥವಾ ಬ್ರೋಕರೇಜ್ ಸಂಸ್ಥೆ ಅಥವಾ ಗ್ರೇನಿಯಮ್‌ನ ಈ ಬರಹದ ಆಧಾರದ ಮೇಲೆ ಯಾವುದೇ ನಿರ್ಧಾರ ತೆಗೆದುಕೊಂಡರೂ ಅದರಿಂದಾಗುವ ನಷ್ಟಕ್ಕೆ ಗುಡ್‌ರಿಟರ್ನ್ಸ್‌ ಆಗಲಿ ಅಥವಾ ಲೇಖಕರಾಗಲಿ ಜವಾಬ್ದಾರರಾಗಿರುವುದಿಲ್ಲ. ಯಾವುದೇ ಹೂಡಿಕೆ ನಿರ್ಧಾರವನ್ನು ತೆಗೆದುಕೊಳ್ಳುವ ಮೊದಲು ತಜ್ಞರೊಂದಿಗೆ ಸಮಾಲೋಚಿಸುವುದು ಅಗತ್ಯ.