For Quick Alerts
ALLOW NOTIFICATIONS  
For Daily Alerts

ಶುಲ್ಕವನ್ನು ಹೆಚ್ಚಿಸಲು ರೆಡಿಯಾಗಿವೆ ಏರ್‌ಟೆಲ್, ವೊಡಾಪೋನ್, ಐಡಿಯಾ

|

ದೇಶದ ಬಹುದೊಡ್ಡ ಟೆಲಿಕಾಂ ಕಂಪನಿಗಳಾದ ವೊಡಾಫೋನ್-ಐಡಿಯಾ, ಹಾಗೂ ಏರ್‌ಟೆಲ್‌ ಕರೆ ಮತ್ತು ಡೇಟಾ ಮೇಲಿನ ಶುಲ್ಕವನ್ನು ಹೆಚ್ಚಿಸಲು ಮುಂದಾಗಿವೆ.

ಈಗಾಗಲೇ ಹೆಚ್ಚುತ್ತಿರುವ ಬಾಕಿಯನ್ನು ಪೂರೈಸಲು ಕರೆ ಮತ್ತು ಡೇಟಾ ಮೇಲಿನ ಶುಲ್ಕವನ್ನು ಹೆಚ್ಚಿಸಲು ಯೋಜನೆ ಮಾಡಲಾಗುತ್ತಿದೆ ಎಂದು ದೇಶದ 2 ಬಹುದೊಡ್ಡ ಟೆಲಿಕಾಂ ಕಂಪನಿಗಳು ಸೋಮವಾರ ಘೋಷಿಸಿವೆ. ಆದರೆ ಎಷ್ಟು ಶುಲ್ಕ ಹೆಚ್ಚಾಗಲಿದೆ ಎಂಬುದನ್ನು ತಿಳಿಸಿಲ್ಲ. ಹೊಸ ದರವು ಡಿಸೆಂಬರ್‌ನಿಂದ ಅನ್ವಯವಾಗಲಿದೆ.

ಶುಲ್ಕವನ್ನು ಹೆಚ್ಚಿಸಲು ರೆಡಿಯಾಗಿವೆ ಏರ್‌ಟೆಲ್, ವೊಡಾಪೋನ್, ಐಡಿಯಾ

 

2019-20ರ ಹಣಕಾಸಿನ ವರ್ಷದ 2ನೇ ತ್ರೈಮಾಸಿಕ ಅವಧಿಯಲ್ಲಿ ಏರ್‌ಟೆಲ್, ವೊಡಾಫೋನ್-ಐಡಿಯಾ ಒಟ್ಟಾರೆ 74,000 ಕೋಟಿ ರುಪಾಯಿ ನಷ್ಟ ಅನುಭವಿಸಿವೆ.

ದಿವಾಳಿಯತ್ತ ವೊಡಾಫೋನ್, ಐಡಿಯಾ: ಭಾರತದಲ್ಲಿ ಸೇವೆ ಬಂದ್?

ಇತ್ತೀಚೆಗೆ ಸುಪ್ರೀಂ ಕೋರ್ಟ್ ತೀರ್ಪಿನ ಪ್ರಕಾರ ಹೊಂದಾಣಿಕೆಯ ಒಟ್ಟು ಆದಾಯ ಕುರಿತಾಗಿ ವೋಡಾಫೋನ್ , ಐಡಿಯಾ ಏರ್‌ಟೆಲ್ ಸಂಸ್ಥೆಗಳು ಒಟ್ಟಾರೆ 92,000 ಕೋಟಿ ರುಪಾಯಿಯಷ್ಟು ಬಾಕಿ ಮೊತ್ತ ಹಾಗೂ ಬಡ್ಡಿ ಸೇರಿದ ಹಣವನ್ನು ಪಾವತಿಸಬೇಕಾಗಿತ್ತು. ಹೀಗಾಗಿ ಈ ಸಂಸ್ಥೆಗಳ ಆದಾಯದಲ್ಲಿ ತೀವ್ರ ಕುಸಿತ ದಾಖಲಾಗಿದ್ದು ನಷ್ಟದ ಹಾದಿ ಹಿಡಿದಿವೆ.

ಹೆಚ್ಚಿದ ಬಾಕಿಯಿಂದಾಗಿ ಈ ಕಂಪನಿಗಳು ಕರೆ ಮತ್ತು ಡೇಟಾ ಶುಲ್ಕ ಹೆಚ್ಚಳಕ್ಕೆ ಮುಂದಾಗಿವೆ. ಏರ್‌ಟೆಲ್-ವೊಡಾಫೋನ್ ಕಂಪನಿಗಳು ದರ ಹೆಚ್ಚಳವನ್ನು ಮಾಡಿದ ಬಳಿಕ ಜಿಯೋ ಕೂಡ ದರ ಹೆಚ್ಚಿಸುವ ಸಾಧ್ಯತೆ ಇದೆ. ಈಗಾಗಲೇ ಅಕ್ಟೋಬರ್‌ನಿಂದ ಜಿಯೋಯಿಂದ ಬೇರೆ ಯಾವುದೇ ನೆಟ್‌ವರ್ಕ್‌ಗೆ ನಿಮಿಷಕ್ಕೆ 6 ಪೈಸೆ ಶುಲ್ಕ ವಿಧಿಸುತ್ತದೆ. ಆರಂಭಿಕ 3 ವರ್ಷಗಳಲ್ಲಿ ಜಿಯೋ ವಾಯ್ಸ್ ಕರೆ ಉಚಿತವಾಗಿತ್ತು.

English summary

Airtel,Vodafone,Idea Plans To Increase Call And Data Charges

India's Biggest Telecom Companies like Airtel, Vodafone-Idea announced their plans to raise tarriffs for the viability of operations amid mounting dues.
Story first published: Tuesday, November 19, 2019, 12:32 [IST]
Company Search
COVID-19