ಆಪಲ್ ಹೋಮ್ ಪಾಡ್ ಭಾರತದಲ್ಲಿ ಬಿಡುಗಡೆ; ಯು.ಎಸ್.ಗಿಂತ ಬೆಲೆ ಕಮ್ಮಿ
ಭಾರತದಲ್ಲಿ ಆಪಲ್ ನ ಸ್ಮಾರ್ಟ್ ಸ್ಪೀಕರ್ ಹೋಮ್ ಪಾಡ್ ಈಗ ದೊರೆಯುತ್ತಿದ್ದು, 19,900 ರುಪಾಯಿಗೆ ಮಾರಾಟ ಮಾಡಲಾಗುತ್ತಿದೆ. ಇದೇ ಹೋಮ್ ಪಾಡ್ ನ ಬೆಲೆ ಯು.ಎಸ್.ನಲ್ಲಿ ಇಪ್ಪತ್ತೊಂದು ಸಾವಿರ ರುಪಾಯಿಯಷ್ಟಿದೆ. ಹೋಮ್ ಪಾಡ್ ಅನ್ನು ಮೊದಲಿಗೆ ಯು.ಎಸ್., ಯು.ಕೆ. ಮತ್ತು ಆಸ್ಟ್ರೇಲಿಯಾದಲ್ಲಿ ಕಳೆದ ವರ್ಷ ಜನವರಿಯಲ್ಲಿ ಬಿಡುಗಡೆ ಮಾಡಲಾಯಿತು.
ಭಾರತದಲ್ಲಿ ಮಾರಾಟ ಆರಂಭಿಸುವ ಮುನ್ನ ಹಲವು ದೇಶಗಳಲ್ಲಿ ಮಾರಾಟ ಮಾಡಲಾಗುತ್ತಿದೆ. ಈ ಸಲಕರಣೆಯು ಭಾರತೀಯ ಇಂಗ್ಲಿಷ್ 'ಸಿರಿ' ಧ್ವನಿಯನ್ನು ಸಪೋರ್ಟ್ ಮಾಡುತ್ತದೆ. ಅದ್ಭುತ ಗುಣಮಟ್ಟದ ಧ್ವನಿಯನ್ನು ಹೊಮ್ಮಿಸುತ್ತದೆ. ಇದರ ಬಳಕೆದಾರರು ಆಪಲ್ ಮ್ಯೂಸಿಕ್ ಬಳಸಬಹುದಾಗಿದ್ದು, ಅದರಲ್ಲಿ ಅರವತ್ತು ಮಿಲಿಯನ್ ಹಾಡುಗಳಿವೆ.
ಔಡಿ ಕಾರಿಗಿಂತ ಆಪಲ್ ಕಂಪೆನಿಯ ಹೊಸ Mac Pro ದುಬಾರಿ
ಹೋಮ್ ಪಾಡ್ ನಲ್ಲಿ ಆಪಲ್ ರೂಪಿಸಿದ ಆಡಿಯೋ ತಂತ್ರಜ್ಞಾನ ಇದ್ದು, ಅತ್ಯಾಧುನಿಕ ಸಾಫ್ಟ್ ವೇರ್ ಮೂಲಕ ಸೂಕ್ಷ್ಮ ಶಬ್ದಗಳನ್ನೂ ಕೇಳಬಹುದು. ಒಂದು ಕೋಣೆಯಲ್ಲಿ ಕೂತು ಕೇಳಬಹುದಾದಷ್ಟು ಸಂಗೀತ ಹೊಮ್ಮುತ್ತದೆ. ಹದಿನೆಂಟು ಸೆಂಟಿಮೀಟರ್ ಎತ್ತರದ್ ಈ ಹೋಮ್ ಪಾಡ್ ಅನ್ನು ಮನೆಯಲ್ಲಿ ಎಲ್ಲಿ ಬೇಕಾದರೂ ಇಡಬಹುದು.
ಈ ಹೋಮ್ ಪಾಡ್ ನ ಮೇಲ್ಭಾಗದಲ್ಲಿ ಮೇಲ್ಮುಖವಾಗಿ ವೂಫರ್ ಅಳವಡಿಸಲಾಗಿದೆ. ಯಾವುದೇ ಸಾಂಪ್ರದಾಯಿಕ ಸ್ಪೀಕರ್ ಗಿಂತ ಉತ್ತಮ ಗುಣಮಟ್ಟದ ಸಂಗೀತ ಹೊಮ್ಮುತ್ತದೆ. ಈ ಹೋಮ್ ಪಾಡ್ ಬಿಳಿ ಮತ್ತು ಸ್ಪೇಸ್ ಗ್ರೇ ಬಣ್ಣದಲ್ಲಿ ಲಭ್ಯವಿದೆ. ಈ ಹೋಮ್ ಪಾಡ್ ಅನ್ನು ಮನೆಯ ವಿವಿಧ ಕೋಣೆಯಲ್ಲಿ ಅಳವಡಿಸಬಹುದು. ಏರ್ ಪ್ಲೇ ಮೂಲಕ ಒಂದು- ಮತ್ತೊಂದನ್ನು ಸಂಪರ್ಕಿಸುತ್ತದೆ. ಆ ಮೂಲಕ ಸಂಗೀತ ಪ್ಲೇ ಮಾಡಬಹುದು.