ಆ್ಯಪಲ್ ಐ ಫೋನ್ ಜೊತೆಗೆ ಸಿಗಲಿದೆ ವೈರ್‌ಲೆಸ್ ಇಯರ್‌ಫೋನ್‌

ಆ್ಯಪಲ್ ಐ-ಫೋನ್‌ ಅಂದ್ರೆ ನನಗೆ ತುಂಬಾ ಇಷ್ಟ, ನಾನು ಆ್ಯಪಲ್ ಐ-ಫೋನ್ ಬಿಟ್ಟು ಬೇರೆ ಬಳಕೆ ಮಾಡೋದೆ ಇಲ್ಲ. ಮುಂಬರುವ ಆ್ಯಪಲ್ ಐ-ಫೋನ್‌ ಸೀರಿಸ್ ಖರೀದಿ ಮಾಡಬೇಕು ಎಂದು ಬಯಸಿದವರಿಗೆ ಇಲ್ಲಿದೆ ಗುಡ್‌ ನ್ಯೂಸ್

ಆ್ಯಪಲ್ ಕಂಪನಿಯು 2020 ಸೆಪ್ಟೆಂಬರ್ ತಿಂಗಳಿನಲ್ಲಿ ಐ-ಫೋನ್ 12 ಪ್ರೊ ಹಾಗೂ 12 ಪ್ರೊ ಮ್ಯಾಕ್ಸ್ ಮೊಬೈಲ್ ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತಿದೆ. 6 ಜಿಬಿ Ram ಒಳಗೊಂಡ ಈ ಮೊಬೈಲ್‌ ಜೊತೆಗೆ ವೈರ್‌ಲೆಸ್ ಇಯರ್‌ಫೋನ್‌ ಕೊಡುವ ಯೋಚನೆ ಮಾಡಿದೆ.

ಆ್ಯಪಲ್ ಐ-ಫೋನ್‌ಗಳಲ್ಲಿ ಸಾಮಾನ್ಯವಾಗಿ ವೈರ್ ಇರುವಂತಹ ಏರ್‌ಪಾಡ್‌ಗಳನ್ನು ನೀಡಲಾಗುತ್ತಿತ್ತು. ಆದರೆ 2020ರಲ್ಲಿ ಬಿಡುಗಡೆಯಾಗಲಿರುವ ಐ-ಫೋನ್‌ಗಳಲ್ಲಿ ವೈರ್‌ಲೆಸ್ ಏರ್‌ಪಾಡ್‌ಗಳನ್ನು ನೀಡಲು ಕಂಪನಿಯು ಯೋಜನೆ ಹಾಕಿಕೊಂಡಿದೆ ಎಂದು 'ದಿ ಮಿಂಟ್‌' ವರದಿ ಮಾಡಿದೆ.

ಅಕ್ಟೋಬರ್‌ ತಿಂಗಳಿನಲ್ಲಿ ಆ್ಯಪಲ್ ಹೊಸ ಮಾದರಿಯ ವೈರ್‌ಲೆಸ್ ಇಯರ್‌ಫೋನ್ ಬಿಡುಗಡೆ ಮಾಡಿತ್ತು. ಭಾರತದಲ್ಲಿ ಇದರ ಬೆಲೆ 24,900 ರುಪಾಯಿ. ಆದ್ರೀಗ ಮುಂದಿನ ವರ್ಷದಲ್ಲಿ ಬಿಡುಗಡೆಯಾಗುವ ಆ್ಯಪಲ್ ಪ್ರೊ 12ನಲ್ಲಿ ಮೊಬೈಲ್ ಜೊತೆಗೆ ಈ ವೈರ್‌ಲೆಸ್ ಇಯರ್‌ಫೋನ್ ಸಿಗಲಿದೆ ಎನ್ನುವುದು ಆ್ಯಪಲ್ ಐ-ಫೋನ್ ಬಳಕೆದಾರರಿಗೆ ನಿಜಕ್ಕೂ ಖುಷಿಯ ಸಂಗತಿಯಾಗಿದೆ.

ಆ್ಯಪಲ್ ಅಷ್ಟೇ ಅಲ್ಲದೆ ಸ್ಯಾಮ್‌ಸಂಗ್, ಎಕ್ಸೋಮಿ ಕಂಪನಿ ಕೂಡ ಮುಂದಿನ ವರ್ಷದಲ್ಲಿ ಹೊಸ ಮೊಬೈಲ್‌ ಸೀರಿಸ್‌ ಜೊತೆಗೆ ವೈರ್‌ಲೆಸ್ ಇಯರ್ ಫೋನ್ ನೀಡುವ ಸಾಧ್ಯತೆ ಹೆಚ್ಚಿದೆ.