ಉದ್ಯೋಗಿಗಳ ಸಂಬಳ ಕಡಿತಕ್ಕೆ ಕರೆ ನೀಡಿದ ಭಾರತೀಯ ಉದ್ಯಮಿ ಯಾರು? ರೊಚ್ಚಿಗೆದ್ದ ನೆಟ್ಟಿಗರು ಏನೆಂದರು?

ಮುಂಬೈ, ಜನವರಿ 23: ಉದ್ಯಮಿ ಅಶ್ನೀರ್ ಗ್ರೋವರ್ ಅವರು ಶನಿವಾರ ವಿವಾದದ ಕಿಡಿಯೊಂದನ್ನು ಹೊತ್ತಿಸಿದ್ದಾರೆ. ಅವರು ಶನಿವಾರ ಸಾಮಾಜಿಕ ಮಾಧ್ಯಮದಲ್ಲಿ ಸಾಮೂಹಿಕ ವಜಾಗೊಳಿಸುವಿಕೆಯ ಬಗ್ಗೆ ಮಾತನಾಡಿದ್ದಾರೆ. ಭಾರತೀಯ ಸಂಸ್ಥೆಗಳಿಗೆ ಸಲಹೆ ನೀಡಿರುವ ಗ್ರೋವರ್ ಅವರು, ಕೆಲವೊಂದು ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ.

ಸಾಮೂಹಿಕ ವಜಾಗೊಳಿಸುವಿಕೆಯ ಬದಲು, ಟೆಕ್ ಉದ್ಯೋಗಿಗಳ ಶೇ 25 ರಿಂದ ಶೇ 40 ರಷ್ಟು ಸಂಬಳವನ್ನು ಕಡಿಮೆ ಮಾಡುವ ಮೂಲಕ ವೆಚ್ಚವನ್ನು ಕಡಿತಗೊಳಿಸಬಹುದು ಎಂದು ಅಶ್ನೀರ್ ಗ್ರೋವರ್ ಸಲಹೆ ನೀಡಿದ್ದಾರೆ.

ತಮ್ಮ ಲಿಂಕ್ಡ್‌ಇನ್ ಪೋಸ್ಟ್‌ನಲ್ಲಿ, ಗ್ರೋವರ್ ನಿಜವಾದ ಸಂಬಳ ಹಾಗೂ ಪಾವತಿಸುವ ಸಂಬಳದ ಪರಿಕಲ್ಪನೆಯನ್ನು ವಿವರಿಸಿದ್ದಾರೆ. '2021 ರಲ್ಲಿ, ಈ ಉದ್ಯೋಗಿಗಳ ನಿಜವಾದ ಸಂಬಳವು ಪಾವತಿಸುವ ಸಂಬಳಕ್ಕಿಂತ ಹೆಚ್ಚಾಗಿದೆ ಎಂದು ಅವರು ಹೇಳಿದ್ದಾರೆ. ಆದರೆ 2022 ರಲ್ಲಿ ನೌಕರರು ಉದ್ಯೋಗವನ್ನು ಹುಡುಕಲು ಹೊರಟರು. ಆಗ ಅವರು ಪಡೆಯುತ್ತಿದ್ದ ಸಂಬಳಕ್ಕಿಂತ ಕಡಿಮೆ ಸಂಬಳವನ್ನು ಆಫರ್‌ ಮಾಡಲಾಗಿದೆ' ಎಂದು ವಿವರಿಸಿದ್ದಾರೆ.

'2021 ರಲ್ಲಿ, ನಿಮ್ಮ ಉದ್ಯೋಗಿಗಳ ನಿಜವಾದ ಸಂಬಳ (ಮಾರುಕಟ್ಟೆಯಲ್ಲಿ ಸ್ಪಷ್ಟವಾಗಿದೆ) ನೀವು ಪಾವತಿಸುವ ಸಂಬಳಕ್ಕಿಂತ ಹೆಚ್ಚಾಗಿತ್ತು. 2022 ರಲ್ಲಿ ನೀವು ಅವರನ್ನು ಹೋಗಲು ಬಿಟ್ಟರೆ ಜನರು ಉದ್ಯೋಗಗಳನ್ನು ಕಂಡುಕೊಳ್ಳುವ ನಿಜವಾದ ಸಂಬಳ (ಒಂದು ವೇಳೆ) ನೀವು ಪಾವತಿಸುತ್ತಿರುವ ಸಂಬಳಕ್ಕಿಂತ ಕಡಿಮೆಯಾಗಿದೆ. ಆದ್ದರಿಂದ ನಿಮಗೆ ಜನರು ಮರಳಿ ಬೇಕು ಎಂದು ನಿಮಗೆ ಅನ್ನಿಸಿದರೆ, ಸಾಮೂಹಿಕ ವಜಾ ಮಾಡುವ ಬದಲು ಶೇ 25 ರಿಂದ ಶೇ 45 ವೇತನವನ್ನು ಕಡಿಮೆ ಮಾಡಿ. ಇದು ಉತ್ತಮ ಪರಿಹಾರವನ್ನು ಉಂಟು ಮಾಡಲಿದೆ' ಎಂದು ಅವರು ಬರೆದುಕೊಂಡಿದ್ದಾರೆ.

ಲಿಂಕ್ಡ್‌ಇನ್ ಬಳಕೆದಾರರು ಈ ಪೋಸ್ಟ್‌ಗೆ ಪ್ರತಿಕ್ರಿಯಿಸಿದ್ದಾರೆ. ಈ ಕ್ರಮವು ಸಮರ್ಥನೀಯವಲ್ಲ ಮತ್ತು ಉನ್ನತ ಕಾರ್ಯನಿರ್ವಾಹಕರು/CXO ಗಳು ಪಡೆಯುವ ಸಂಬಳವನ್ನು ಪ್ರಶ್ನಿಸಿದ್ದಾರೆ.

'ನಾನು ಇದನ್ನು ಸಮರ್ಥನೀಯ ಪರಿಹಾರವಾಗಿ ನೋಡುತ್ತಿಲ್ಲ. ವಜಾಗೊಳಿಸಿದ ನಂತರವಷ್ಟೇ, ಜನರು ಕೆಲಸವನ್ನು ಹುಡುಕಲು ಪ್ರಾರಂಭಿಸುತ್ತಾರೆ. ಎಲ್ಲರೂ ಕೆಲಸ ಬಿಟ್ಟು ಹೋಗುವುದಿಲ್ಲ. ಇದರಿಂದ ಕೆಲವು ಉತ್ತಮ ಪ್ರತಿಭೆಗಳು ಕಣ್ಮರೆಯಾಗುತ್ತಾರೆ. ಯಾರು ಉಳಿಯುತ್ತಾರೋ, ಅವರ ಮೇಲೆ ಪ್ರೇರಣೆಯು ಪರಿಣಾಮ ಬೀರುತ್ತದೆ. ಇಡೀ ಕಾರ್ಯಪಡೆಯ ಕಾರ್ಯಕ್ಷಮತೆಯ ಮೇಲೆ ಇದು ಅಪಾಯ ಬೀರಲಿದೆ. ನಿಮ್ಮ ಕಲ್ಪನೆಗೆ ಪೂರಕವಾಗಿ ನಾನು ಯೋಚಿಸಬಹುದಾದ ಏಕೈಕ ವಿಷಯವೆಂದರೆ; ಕಂಪನಿಯು ಮಾಹಿತಿಗಳನ್ನು ಪಾರದರ್ಶಕತೆ ಮತ್ತು ಭರವಸೆಯೊಂದಿಗೆ ಉದ್ಯೋಗಿಗಳ ಜೊತೆಗೆ ಹಂಚಿಕೊಳ್ಳಬೇಕು' ಎಂದರು.

'ಅಶ್ನೀರ್ ಗ್ರೋವರ್ ಅವರು ಟೆಕ್ ವೇತನಗಳನ್ನು ಶೇ 25 ರಿಂದ ಶೇ 25 ರಷ್ಟು ಕಡಿತಗೊಳಿಸಲು ಶಿಫಾರಸು ಮಾಡಿದ್ದಾರೆ. ಉನ್ನತ ಕಾರ್ಯನಿರ್ವಾಹಕರು/CXO ಗಳ ಸಂಬಳದ ಬಗ್ಗೆ ನಿಮ್ಮ ಆಲೋಚನೆ ಏನು?,' ಎಂದು ಇನ್ನೊಬ್ಬರು ಹೇಳಿದ್ದಾರೆ.

ಅಂತಹ ಸಂದರ್ಭಗಳು ಉದ್ಭವಿಸದಂತೆ ಕಂಪನಿಗಳು ಉತ್ತಮ ನೇಮಕಾತಿಯನ್ನು ಮಾಡಬೇಕು ಎಂದು ಇತರರು ಹೇಳಿದ್ದಾರೆ.

'ಸಂಬಳವನ್ನು ಕಡಿತಗೊಳಿಸುವುದು ಒಂದು ಆಯ್ಕೆಯಲ್ಲ. ನಾನು ಉತ್ತಮ ಬ್ರ್ಯಾಂಡ್ ಮತ್ತು ಉತ್ತಮ ಸಂಬಳಕ್ಕಾಗಿ ನನ್ನ ಹಿಂದಿನ ಕೆಲಸವನ್ನು ತೊರೆಯುತ್ತೇನೆ. ನನ್ನ ಹೊಸ ಉದ್ಯೋಗದಾತರು ನನ್ನ ಸಂಬಳವನ್ನು ಶೇ 25 ರಿಂದ ಶೇ 40 ರಷ್ಟು ಕಡಿತಗೊಳಿಸಿದರೆ, ವೃತ್ತಿಜೀವನದಲ್ಲಿ ಬೆಳೆಯುವ ಬದಲು, ನಾನು ನಿಜವಾಗಿಯೂ ಕೆಳಗೆ ಬರುತ್ತೇನೆ' ಎಂದೂ ಹೇಳಿದ್ದಾರೆ