ಬೆಂಗಳೂರು ವಿಶೇಷ ರೈಲಿನ ಅವಧಿ ವಿಸ್ತರಣೆ, ಯಾವೆಲ್ಲಾ ರೈಲುಗಳು ತಿಳಿಯಿರಿ

ಬೆಂಗಳೂರು, ಜುಲೈ 3: ಭಾರತೀಯ ರೈಲ್ವೆ ಇಲಾಖೆಯು ಬೆಂಗಳೂರು ವಿಭಾಗದ ಈ ಕೆಳಗಿನ ವಿಶೇಷ ರೈಲು ಸೇವೆಗಳ ಅವಧಿಯನ್ನು ವಿಸ್ತರಿಸಿದೆ ಎಂದು ತಿಳಿಸಿದೆ.

ರೈಲು ಸಂಖ್ಯೆ 02863 ಹೌರಾ-ಯಶವಂತಪುರ ಸೂಪರ್‌ಫಾಸ್ಟ್ ವೀಕ್ಲಿ ಎಕ್ಸ್‌ಪ್ರೆಸ್ ವಿಶೇಷ ಜುಲೈ 25 ರವರೆಗೆ ಇನ್ನೂ ನಾಲ್ಕು ಟ್ರಿಪ್‌ಗಳನ್ನು ಓಡಿಸುತ್ತದೆ. ರೈಲು ಸಂಖ್ಯೆ 02864 ಯಶವಂತಪುರ-ಹೌರಾ ಸೂಪರ್‌ಫಾಸ್ಟ್ ವೀಕ್ಲಿ ಎಕ್ಸ್‌ಪ್ರೆಸ್ ವಿಶೇಷ ಜುಲೈ 27 ರವರೆಗೆ ನಾಲ್ಕು ಟ್ರಿಪ್‌ಗಳನ್ನು ಓಡಿಸುತ್ತದೆ.

ರೈಲು ಸಂಖ್ಯೆ 05952 ನ್ಯೂ ಟಿನ್ಸುಕಿಯಾ-SMVT ಬೆಂಗಳೂರು ವೀಕ್ಲಿ ಎಕ್ಸ್‌ಪ್ರೆಸ್ ವಿಶೇಷ ಅಕ್ಟೋಬರ್ 31 ರವರೆಗೆ 18 ಟ್ರಿಪ್‌ಗಳನ್ನು ಮಾಡಲಿದೆ. ರೈಲು ಸಂಖ್ಯೆ 05951 SMVT ಬೆಂಗಳೂರು-ನ್ಯೂ ಟಿನ್ಸುಕಿಯಾ ವೀಕ್ಲಿ ಎಕ್ಸ್‌ಪ್ರೆಸ್ ವಿಶೇಷ ನವೆಂಬರ್ 4 ರವರೆಗೆ 18 ಟ್ರಿಪ್‌ಗಳನ್ನು ಮಾಡಲಿದೆ. ಎರಡು ಹೆಚ್ಚುವರಿ ಸಾಮಾನ್ಯ ಎರಡನೇ ದರ್ಜೆಯ ಕೋಚ್‌ಗಳನ್ನು 05952/05951 ರೈಲು ಸಂಖ್ಯೆಗಳಿಗೆ ಜೋಡಿಸಲಾಗಿದೆ.

1,000 ಕೋಟಿ ರೈಲ್ವೆ ನಿಲ್ದಾಣ ಅಭಿವೃದ್ಧಿ:

1,000 ಕೋಟಿಗೂ ಹೆಚ್ಚು ವೆಚ್ಚದಲ್ಲಿ ಬೃಹತ್ ಅಭಿವೃದ್ಧಿ ಕಾಮಗಾರಿ ಸಿದ್ಧವಾಗಿರುವ ಕೆಎಸ್‌ಆರ್ ಬೆಂಗಳೂರು ಸಿಟಿ ರೈಲು ನಿಲ್ದಾಣಕ್ಕೆ ವಿವರವಾದ ಮಾಸ್ಟರ್ ಪ್ಲಾನ್ ಅನ್ನು ಅಂತಿಮಗೊಳಿಸಲಾಗುತ್ತಿದೆ. ಇದರಲ್ಲಿ ಮೆಜೆಸ್ಟಿಕ್‌ ಕೆಂಪೇಗೌಡ ಮೆಟ್ರೋ ನಿಲ್ದಾಣದೊಂದಿಗೆ ನಿಲ್ದಾಣದೊಂದಿಗೆ ಸಂಪರ್ಕ ಕಲ್ಪಿಸುವ ರೈಲ್ವೆ ನಿಲ್ದಾಣದ ಮುಖ್ಯ ಪ್ರವೇಶದ ಮುಂಭಾಗದಲ್ಲಿ ಉದ್ದೇಶಿತ ಸ್ಕೈವಾಕ್ ಕೂಡ ಸೇರಿದೆ.

ರೈಲು ಭೂಮಿ ಅಭಿವೃದ್ಧಿ ಪ್ರಾಧಿಕಾರ (ಆರ್‌ಎಲ್‌ಡಿಎ)ಗೆ ಯೋಜನೆಯನ್ನು ಕಾರ್ಯಗತಗೊಳಿಸುವ ಕಾರ್ಯವನ್ನು ವಹಿಸಲಾಗಿದೆ. ನಿಲ್ದಾಣವು ಪ್ರತಿದಿನ ಸರಾಸರಿ 1.75 ಲಕ್ಷ ಪ್ರಯಾಣಿಕರ ಸಂಚಾರಕ್ಕೆ ಸಾಕ್ಷಿಯಾಗುತ್ತದೆ.

ಬೆಂಗಳೂರು ವಿಭಾಗೀಯ ರೈಲ್ವೆ ವ್ಯವಸ್ಥಾಪಕ ಯೋಗೇಶ್ ಮೋಹನ್ ಅವರು, "ಯೋಜನೆಯು ನಿಲ್ದಾಣವನ್ನು ಸಂಪೂರ್ಣವಾಗಿ ಪರಿವರ್ತಿಸುತ್ತದೆ. ಇದನ್ನು ಹಂತ ಹಂತವಾಗಿ ಜಾರಿಗೊಳಿಸಲಾಗುವುದು. ಸಾರ್ವಜನಿಕರಿಗೆ ಅನಾನುಕೂಲವಾಗದಂತೆ ನೋಡಿಕೊಳ್ಳಲು ಒಂದು ಭಾಗವನ್ನು ಕೆಡವಿ ಮತ್ತು ಮರುನಿರ್ಮಾಣ ಮಾಡಲಾಗುವುದು. ಎರಡನೇ ಪ್ರವೇಶ (ಪ್ಲಾಟ್‌ಫಾರ್ಮ್ ಸಂಖ್ಯೆ 5) ಅನ್ನು ಸಂಪೂರ್ಣವಾಗಿ ನವೀಕರಿಸಲು ನಿರ್ಧರಿಸಲಾಗಿದೆ, ಅಲ್ಲಿ ಮಲ್ಟಿ-ಲೆವೆಲ್ ಕಾರ್ ಪಾರ್ಕಿಂಗ್ ಸೌಲಭ್ಯವೂ ಬರಲಿದೆ ಎಂದು ಅವರು ಹೇಳಿದರು.

ರೈಲ್ವೆ ಹಳಿಗಳ ಮೇಲಿರುವ ನಿಲ್ದಾಣದ ಎರಡು ತುದಿಗಳನ್ನು ಸಂಪರ್ಕಿಸುವ ವಿಶಾಲವಾದ ಏರ್ ಕಾನ್ಕೋರ್ಸ್ ಹೊಸ ಅಂಶವಾಗಿದೆ. ಕಾನ್ಕೋರ್ಸ್ ರೈಲ್ವೆ ನಿಲ್ದಾಣದ ಎಲ್ಲಾ ಪ್ಲಾಟ್‌ಫಾರ್ಮ್‌ಗಳನ್ನು ಒಂದೇ ಸ್ಟ್ರೆಚ್‌ನಲ್ಲಿ ಸಂಪರ್ಕಿಸುತ್ತದೆ. 100 ಮೀಟರ್‌ಗೂ ಅಧಿಕ ಅಗಲದಲ್ಲಿ ಕಾನ್‌ಕಾರ್ಸ್‌ ಸಾಗಲಿದ್ದು, ಎಲ್ಲ ಸೌಕರ್ಯಗಳನ್ನು ಹೊಂದಿರಲಿದೆ ಎಂದು ಹಿರಿಯ ರೈಲ್ವೆ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.