ಬಿಗ್ ಬಜಾರ್ ನಿಂದ ಜನವರಿ ಇಪ್ಪತ್ತಾರನೇ ತಾರೀಕಿನ ತನಕ ಸಸ್ತಾ ಸೇಲ್

ಗಣರಾಜ್ಯೋತ್ಸವ ಸಂದರ್ಭಕ್ಕೆ ಪ್ರತಿ ವರ್ಷ ಬಿಗ್ ಬಜಾರ್ ನಿಂದ ವಿಶೇಷ ಮಾರಾಟ ಘೋಷಣೆ ಮಾಡಲಾಗುತ್ತದೆ. ಈ ವರ್ಷವೂ ಮತ್ತೊಮ್ಮೆ ವಿಶೇಷ ಮಾರಾಟ ಬಂದಿದೆ. ಫ್ಯೂಚರ್ ಗ್ರೂಪ್ ನ ಬ್ರ್ಯಾಂಡ್ ಆದ ಬಿಗ್ ಬಜಾರ್ ನಿಂದ 'ಸಬ್ ಸೇ ಸಸ್ತೆ ಪಾಂಚ್ ದಿನ್ ಸೇಲ್' ನಡೆಯಲಿದೆ. ಈ ಐದು ದಿನಗಳ ಅವಧಿಯಲ್ಲಿ ಬಳಕೆದಾರರಿಗೆ ಎಲ್ಲ ಉತ್ಪನ್ನಗಳ ಮೇಲೂ ಭಾರೀ ರಿಯಾಯಿತಿ ಸಿಗಲಿದೆ.

ಜನವರಿ ಇಪ್ಪತ್ತೆರಡನೇ ತಾರೀಕಿನ ಮಧ್ಯರಾತ್ರಿಯಿಂದ ಈ ಮಾರಾಟ ಆರಂಭವಾಗಲಿದೆ. ಅರವತ್ತೈದು ಸಾವಿರ ಡೀಲ್ ಗಳಲ್ಲಿ ವಿಶೇಷ ಕೊಡುಗೆ ನೀಡಲಿದೆ. ಅಡುಗೆ ಮನೆ, ಗೃಹಬಳಕೆ ವಸ್ತುಗಳು ಮತ್ತು ಬಟ್ಟೆಗಳು ಮತ್ತಿತರ ಉತ್ಪನ್ನಗಳ ಮೇಲೆ ರಿಯಾಯಿತಿ ದೊರೆಯಲಿದ್ದು, ಈಗಾಗಲೇ ಬಿಗ್ ಬಜಾರ್ ನ ವೆಬ್ ಸೈಟ್ ನಲ್ಲಿ ಪಟ್ಟಿ ಮಾಡಲಾಗಿದೆ.

ಬಿಗ್ ಬಜಾರ್ 'ಸಬ್ ಸೇ ಸಸ್ತೆ ಪಾಂಚ್ ದಿನ್ ಸೇಲ್' ಐದು ಮುಖ್ಯ ಸಂಗತಿಗಳು
* ಬಿಗ್ ಬಜಾರ್ 'ಸಬ್ ಸೇ ಸಸ್ತೆ ಪಾಂಚ್ ದಿನ್ ಸೇಲ್' ಜನವರಿ ಇಪ್ಪತ್ತಾರನೇ ತಾರೀಕಿನ ತನಕ ಐದು ದಿನಗಳವರೆಗೆ ನಡೆಯಲಿದೆ.

* ಮನೆಗೆ ಅಗತ್ಯ ಇರುವ ವಸ್ತುಗಳು, ಫ್ಯಾಷನ್, ಎಲೆಕ್ಟ್ರಾನಿಕ್ಸ್, ಗೊಂಬೆಗಳು, ಸ್ಟೇಷನರಿ ಮತ್ತಷ್ಟು ವಸ್ತುಗಳ ಮೇಲೆ ಆಫರ್ ಇದೆ.

* ಬಿಗ್ ಬಜಾರ್ ನಿಂದ 43 ಇಂಚಿನ ಕೊರ್ಯೊ ಟೀವಿಯನ್ನು 14,999 ರುಪಾಯಿಗೆ ಮಾರಲಾಗುತ್ತಿದೆ. ಇನ್ನು ಕೊರ್ಯೊ 3 ಸ್ಟಾರ್ ಸ್ಪ್ಲಿಟ್ ಏಸಿಯನ್ನು 22,999 ರುಪಾಯಿಗೆ ಮಾರಲಾಗುತ್ತಿದೆ.

* ಅಮೆಜಾನ್ ಮೂಲಕ ಆನ್ ಲೈನ್ ನಲ್ಲಿ ಕೂಡ ಬಿಗ್ ಬಜಾರ್ ಸಬ್ ಸೇ ಸಸ್ತಾ ಪಾಂಚ್ ದಿನ್ ಸೇಲ್ ನಲ್ಲಿ ಖರೀದಿ ಮಾಡಬಹುದು.

* ಹತ್ತಿರದ ಯಾವುದೇ ಬಿಗ್ ಬಜಾರ್ ಸ್ಟೋರ್ ಗೆ ಭೇಟಿ ನೀಡಿ, ಜನವರಿ 26ನೇ ತನಕ ಈ ಕೊಡುಗೆ ಪಡೆಯಬಹುದು.

ಬಿಗ್ ಬಜಾರ್ ನ ಗಣರಾಜ್ಯೋತ್ಸವ ದಿನ ಮಾರಾಟ ಆರಂಭವಾಗಿದ್ದು 2006ರಲ್ಲಿ. ಗ್ರಾಹಕರು ಖರೀದಿ ಮಾಡುವುದಕ್ಕೆ ಅತ್ಯುತ್ತಮ ಸಮಯ ಎನಿಸಿದೆ. ಕಿಶೋರ್ ಬಿಯಾನಿ ನೇತೃತ್ವದ ಫ್ಯೂಚರ್ ರೀಟೇಲ್ ಈ ತಿಂಗಳ ಆರಂಭದಲ್ಲಿ ಅಮೆಜಾನ್ ಇಂಡಿಯಾ ಜತೆಗೆ ದೀರ್ಘಾವಧಿ ಒಪ್ಪಂದಕ್ಕೆ ಸಹಿ ಹಾಕಿದೆ.