BSNLನಿಂದ ತಿಂಗಳಿಗೆ 499 ರುಪಾಯಿಗೆ 100 ಜಿ.ಬಿ. ಡೇಟಾ

ಸರ್ಕಾರಿ ಸ್ವಾಮ್ಯದ ಬಿಎಸ್ ಎನ್ ಎಲ್ ನಿಂದ ಹೊಸದಾಗಿ ಬ್ರ್ಯಾಡ್ ಬ್ಯಾಂಡ್ ಪ್ಲ್ಯಾನ್ ಆರಂಭಿಸಲಾಗಿದೆ. ಒಂದು ತಿಂಗಳಿಗೆ 499 ರುಪಾಯಿಗೆ 100 ಜಿ.ಬಿ. ಡೇಟಾ ದೊರೆಯುತ್ತದೆ. ಇದು CUL ಬ್ರ್ಯಾಡ್ ಬ್ಯಾಂಡ್ ತಿಂಗಳ ಪ್ಲ್ಯಾನ್ ಆಗಿದೆ. ಅಂಡಮಾನ್ ನಿಕೋಬಾರ್, ರಾಜಸ್ಥಾನ, ಪಶ್ಚಿಮ ಬಂಗಾಲ ಹಾಗೂ ಕೇರಳ ಹೊರತುಪಡಿಸಿ ಉಳಿದ ಎಲ್ಲ ಕಡೆ ದೊರೆಯುತ್ತದೆ.

100 GB ಇಂಟರ್ ನೆಟ್ ಡೇಟಾದ ಜತೆಗೆ ಅನಿಯಮಿತವಾದ ಕರೆ ಸೌಲಭ್ಯ ಕೂಡ ದೇಶಾದ್ಯಂತ ದೊರೆಯುತ್ತದೆ. ಇನ್ನು ಅಂತರರಾಷ್ಟ್ರೀಯ ಕರೆಗಳಿಗೆ ಒಂದು ಯೂನಿಟ್ ಗೆ 1.2 ರುಪಾಯಿ ದರ ವಿಧಿಸಲಾಗುತ್ತದೆ. ಇಂಟರ್ ನೆಟ್ ಗರಿಷ್ಠ ವೇಗ 20 mbps ಇರುತ್ತದೆ. 100 GB ಡೇಟಾ ಬಳಕೆ ಆದ ಮೇಲೆ ತಿಂಗಳ ಪ್ಲ್ಯಾನ್ ನ ಉಳಿದ ಅವಧಿಯಲ್ಲಿ ವೇಗವು 2 mbpsಗೆ ಇಳಿಯುತ್ತದೆ.

ಗ್ರಾಹಕರು ಒಂದು ವರ್ಷದ ಅವಧಿಗೆ ಖರೀದಿ ಮಾಡಿದರೆ ಒಂದು ತಿಂಗಳ ಸೇವೆ ಉಚಿತವಾಗಿ ದೊರೆಯುತ್ತದೆ. ಇನ್ನು ಇಪ್ಪತ್ನಾಲ್ಕು ತಿಂಗಳ ಅವಧಿಗೆ ಪಡೆದರೆ ಮೂರು ತಿಂಗಳು ಹಾಗೂ ಮೂರು ವರ್ಷದ ಅವಧಿಗೆ ಒಟ್ಟಿಗೆ ಹಣ ಪಾವತಿಸಿದರೆ ನಾಲ್ಕು ತಿಂಗಳು ಉಚಿತ ಸೇವೆ ದೊರೆಯುತ್ತದೆ.