BSNL ವರ್ಕ್ @ ಹೋಮ್ ಪ್ರಮೋಷನಲ್ ಆಫರ್ ಮೇ 19 ತನಕ ವಿಸ್ತರಣೆ
ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (ಬಿಎಸ್ ಎನ್ ಎಲ್) ಈ ಹಿಂದೆ ನೀಡಿದ್ದ ಪ್ರಮೋಷನಲ್ ಬ್ರ್ಯಾಡ್ ಬ್ಯಾಂಡ್ ಆಫರ್ ಅನ್ನು ಮೇ 19ನೇ ತಾರೀಕಿನ ತನಕ ವಿಸ್ತರಣೆ ಮಾಡಿದೆ. ಮೊದಲ ಅವಧಿಯ ಲಾಕ್ ಡೌನ್ ಅವಧಿಯಲ್ಲಿ ಈ ಆಫರ್ ಘೋಷಣೆ ಮಾಡಲಾಗಿತ್ತು. ಏಪ್ರಿಲ್ 19ನೇ ತಾರೀಕಿನ ತನಕ ಮೊದಲಿಗೆ ಈ ಕೊಡುಗೆ ಇತ್ತು.
ಈ "ವರ್ಕ್ ಆಟ್ ಹೋಮ್" ಪ್ರಮೋಷನಲ್ ಬ್ರ್ಯಾಡ್ ಬ್ಯಾಂಡ್ ಆಫರ್ ನಲ್ಲಿ ಒಂದು ದಿನಕ್ಕೆ 5 GB ಡೇಟಾವನ್ನು 10 Mbps ವೇಗದಲ್ಲಿ ನೀಡಲಾಗುತ್ತದೆ. ಆ 5 GB ಡೇಟಾ ಪೂರ್ತಿ ಬಳಕೆಯಾದ ಮೇಲೆ 1 Mbpsಗೆ ವೇಗ ಕುಸಿಯುತ್ತದೆ. ಬಿಎಸ್ ಎನ್ ಎಲ್ ವೆಬ್ ಸೈಟ್ ನಲ್ಲಿ ನೀಡಿರುವ ಮಾಹಿತಿ ಪ್ರಕಾರ, ಈ ಹೊಸ ಕೊಡುಗೆಯು ಈ ವರೆಗೆ ಯಾರು ಹೈ ಸ್ಪೀಡ್ ಇಂಟರ್ ನೆಟ್ ಸ್ಪೀಡ್ ಅನುಭವ ಪಡೆಯದಂಥವರಿಗೆ ಅದು ಸಿಗಲಿ ಎಂಬುದು ಉದ್ದೇಶ.
ಆ ಕಾರಣಕ್ಕೆ ಯಾರು ಈಗಾಗಲೇ ಲ್ಯಾಂಡ್ ಲೈನ್ ಸಂಪರ್ಕ ಹೊಂದಿರುತ್ತಾರೋ ಅಂಥವರಿಗೆ ಈ ಕೊಡುಗೆ ಇದೆ. ಬಿಎಸ್ ಎನ್ ಎಲ್ ನಿಂದ ಉಚಿತ ಟೋಲ್ ಫ್ರೀ ಸಂಖ್ಯೆ ನೀಡಲಾಗಿದ್ದು, ಅದರ ಮೂಲಕ ಆಫರ್ ಆಕ್ಟಿವೇಟ್ ಮಾಡಿಕೊಳ್ಳಬಹುದು. ಇದರ ಜತೆಗೆ ವ್ಯಾಲಿಡಿಟಿ ಮುಗಿದ ಪ್ರೀಪೇಯ್ಡ್ ಗ್ರಾಹಕರಿಗೆ ಅವಧಿಯನ್ನು ಮೇ 5ನೇ ತಾರೀಕಿನವರೆಗೆ ವಿಸ್ತರಣೆ ಮಾಡಲಾಗಿದೆ.