2.6 ಕೇಜಿ ಚಿನ್ನ ನಾಪತ್ತೆ; ಆರು ಕಸ್ಟಮ್ಸ್ ಅಧಿಕಾರಿಗಳ ವಿರುದ್ಧ ಸಿಬಿಐ ಪ್ರಕರಣ

ಬೆಂಗಳೂರು ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ವೇರ್ ಹೌಸ್ ನಲ್ಲಿ ಇದ್ದ 2.6 ಕೇಜಿ ಚಿನ್ನ ನಾಪತ್ತೆಯಾದ ಆರೋಪದಲ್ಲಿ ಸಿಬಿಐನಿಂದ ಆರು ಕಸ್ಟಮ್ಸ್ ಅಧಿಕಾರಿಗಳ ವಿರುದ್ಧ ಪ್ರಕರಣ ದಾಖಲಾಗಿದೆ. ಜೂನ್ 8, 2012ರಿಂದ ಮಾರ್ಚ್ 26, 2014ರ ಮಧ್ಯೆ 13 ಪ್ರಯಾಣಿಕರಿಂದ ಕೆಂಪೇಗೌಡ ಅಂತರರಾಷ್ಟ್ರೀಯ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಚಿನ್ನವನ್ನು ವಶಪಡಿಸಿಕೊಳ್ಳಲಾಗಿತ್ತು.

ಅಕ್ಟೋಬರ್ 12, 2020ರಂದು ಸಿಬಿಐನಿಂದ ಇಬ್ಬರು ಅಸಿಸ್ಟೆಂಟ್ ಕಮಿಷನರ್, ಮೂವರು ಕೇಂದ್ರೀಯ ತೆರಿಗೆ ಸೂಪರಿಂಟೆಂಡೆಂಟ್ ಗಳು ಹಾಗೂ ಇತರ ಅಧಿಕಾರಿಗಳ ವಿರುದ್ಧ ಪ್ರಕರಣ ದಾಖಲಾಗಿದೆ.

ಡೈರೆಕ್ಟೊರೇಟ್ ಆಫ್ ಜನರಲ್ ವಿಜಿಲೆನ್ಸ್ ಆಫ್ ಹೈದರಾಬ್ ವಲಯ ಘಟಕದ ಕಸ್ಟಮ್ಸ್ ಇಲಾಖೆ ಆಂತರಿಕ ತನಿಖೆ ನಡೆಸಲಾಗಿದೆ. ವಶಪಡಿಸಿಕೊಂಡು, ವೇರ್ ಹೌಸ್ ನಲ್ಲಿ ಇಟ್ಟಿದ್ದ ಚಿನ್ನ ನಾಪತ್ತೆ ಆಗಿದ್ದ ಪ್ರಕರಣದಲ್ಲಿ ಅಧಿಕಾರಿಗಳು ಭಾಗಿ ಆಗಿರುವ ಆರೋಪ ಕಂಡುಬಂದಿದೆ ಎಂದು ತಮ್ಮ ವರದಿಯಲ್ಲಿ ಸಿಬಿಐನಿಂದ ಹೇಳಲಾಗಿದೆ.

ವಿಮಾನ ನಿಲ್ದಾಣದಲ್ಲಿ ಇವರು ಕಾರ್ಯ ನಿರ್ವಹಿಸುತ್ತಿದ್ದ ಅವಧಿಯಲ್ಲಿ ಚಿನ್ನ ನಾಪತ್ತೆಯಾಗಿದೆ. ವಶಪಡಿಸಿಕೊಂಡ ಚಿನ್ನದ ಬ್ಯಾಗೇಜ್ ಅನ್ನು ಗೋಡೌನ್ ನಲ್ಲಿ ಇಟ್ಟು, ಅದರ ಉಸ್ತುವಾರಿ ಈ ಆರು ಅಧಿಕಾರಿಗಳಿಗೆ ವಹಿಸಲಾಗಿತ್ತು ಎಂದು ಸಿಬಿಐ ಹೇಳಿದೆ.