ಬಜೆಟ್‌ ಎಫೆಕ್ಟ್‌: ಷೇರು ಮಾರುಕಟ್ಟೆ ಸೂಚ್ಯಂಕದಲ್ಲಿ ಇಳಿಕೆ

2020-21ನೇ ಸಾಲಿನ ಕೇಂದ್ರ ಬಜೆಟ್ ಶನಿವಾರ ಮಂಡನೆಯಾಗುತ್ತಿದ್ದು, ಷೇರು ಮಾರುಕಟ್ಟೆ ಸಂವೇದಿ ಸೂಚ್ಯಂಕ ಬಜೆಟ್‌ಗೂ ಮುನ್ನ ಇಳಿಕೆ ಕಂಡು ಬಂದಿದೆ. ಸೆನ್‌ಸೆಕ್ಸ್‌ 40,576 ನಿಂದ 140 ಅಂಶ ಕುಸಿತ ಕಂಡು ಏರಿಕೆಯತ್ತ ಸಾಗಿದೆ. ನಿಫ್ಟಿ 126.50 ಅಂಶಗಳಷ್ಟು ಕುಸಿತ ಕಂಡಿದೆ.

ಮುಂಬೈ ಷೇರು ಮಾರುಕಟ್ಟೆ (ಬಿಎಸ್ಐ) ಸೋಮವಾರ ಆರಂಭದಲ್ಲಿ ಇಳಿಕೆ ಸಾಧಿಸಿ ನಂತರ ಚೇತರಿಕೆಯತ್ತ ಮುನ್ನುಗ್ಗಿದೆ. 140 ಅಂಶಗಳ ಕುಸಿತ ಕಂಡಿದ್ದ ಸೆನ್ಸೆಕ್ಸ್ ಮತ್ತೆ ಚೇತರಿಕೆ ಸಾಧಿಸಿ 83 ಅಂಶ ಏರಿಕೆಯಾಗಿ 40,811 ಅಂಶಗಳನ್ನ ಮುಟ್ಟಿದೆ.

ರಾಷ್ಟ್ರೀಯ ಷೇರುಪೇಟೆ(ಎನ್‌ಎಸ್ಇ) ಸೂಚ್ಯಂಕ ನಿಫ್ಟಿ ಆರಂಭದಿಂದಲೇ ಕುಸಿತ ದಾಖಲಿಸಿದ್ದು, 55 ಅಂಶಗಳಷ್ಟು ಇಳಿಕೆ ಕಂಡು 11,979.55 ಅಂಶಗಳಿಗೆ ತಲುಪಿದೆ.

ಬಜೆಟ್ ಮೇಲೆ ಹೂಡಿಕೆದಾರರ ನಿರೀಕ್ಷೆಗಳು ದುಪ್ಪಟ್ಟಾಗಿದ್ದು, ಷೇರು ವಹಿವಾಟಿಗೆ ಹೆಚ್ಚು ಆಸಕ್ತಿ ತೋರಿದ್ದಾರೆ. ಶನಿವಾರ ಬಜೆಟ್‌ ಮಂಡನೆಯಾಗುತ್ತಿರುವುದರಿಂದ ಈ ಬಾರಿ ವಿಶೇಷ ವಹಿವಾಟಿಗೆ ಅವಕಾಶ ನೀಡಲಾಗಿದೆ. ಆದರೆ ಶುಕ್ರವಾರ ಖರೀದಿಸಿದ ಷೇರುಗಳನ್ನು ಶನಿವಾರ ಮಾರಾಟ ಮಾಡಲು ಅವಕಾಶ ಇರುವುದಿಲ್ಲ.