ಸೆನ್ಸೆಕ್ಸ್, ನಿಫ್ಟಿ ಏರಿಕೆ: ಬಜಾಜ್ ಫಿನಾನ್ಸ್ ಸ್ಟಾಕ್ ಹೆಚ್ಚಳ
ಬುಧವಾರ ಆರಂಭಿಕ ವಹಿವಾಟಿನಲ್ಲಿ ಚೇತರಿಕೆ ಕಂಡ ಷೇರು ಮಾರುಕಟ್ಟೆ ವಹಿವಾಟಿನ ಅಂತ್ಯದವರೆಗೂ ಏರಿಕೆಯನ್ನು ಮುಂದುವರಿಸಿದೆ. ಮುಖ್ಯವಾಗಿ ಫಿನಾನ್ಶಿಯಲ್, ಕನ್ಸ್ಯೂಮರ್, ಆಟೋ ಮೊಬೈಲ್ ಸ್ಟಾಕ್ಗಳು ಏರಿಕೆಯಾಗಿರುವುದು ಷೇರು ಪೇಟೆ ಜಿಗಿತಕ್ಕೆ ಬಲತುಂಬಿದೆ. ಹಾಗೆಯೇ ಜಾಗತಿಕ ಕಚ್ಚಾ ತೈಲ ಬೆಲೆ ಇಳಿಕೆಯು ಕೂಡಾ ಹೂಡಿಕೆದಾರರ ಮೇಲೆ ಪ್ರಭಾವವನ್ನು ಉಂಟು ಮಾಡಿದೆ.
30 ಷೇರುಗಳ ಬಿಎಸ್ಇ ಸೂಚ್ಯಂಕ 617 ಅಂಕ ಅಥವಾ ಶೇಕಡ 1.16ರಷ್ಟು ಹೆಚ್ಚಳವಾಗಿ 53,751ಕ್ಕೆ ತಲುಪಿದೆ. ಈ ನಡುವೆ ಎನ್ಎಸ್ಇ ನಿಫ್ಟಿ 179 ಅಂಕ ಅಥವಾ ಶೇಕಡ 1.13ರಷ್ಟು ಹೆಚ್ಚಳವಾಗಿ 15,990ಕ್ಕೆ ವಹಿವಾಟು ಅಂತ್ಯ ಮಾಡಿದೆ.
ಷೇರು ಪೇಟೆ ಚೇತರಿಕೆ: ಏಷ್ಯನ್ ಪೇಂಟ್ಸ್ ಟಾಪ್ ಸ್ಟಾಕ್
ಬುಧವಾರ ವಹಿವಾಟಿನ ಆರಂಭದಲ್ಲಿ 30 ಷೇರುಗಳ ಬಿಎಸ್ಇ ಸೆನ್ಸೆಕ್ಸ್ 267 ಅಂಕ ಅಥವಾ ಶೇಕಡ 0.49ರಷ್ಟು ಏರಿಕೆಯಾಗಿದ್ದು, 53,397ಕ್ಕೆ ತಲುಪಿದೆ. ಇನ್ನು ಎನ್ಎಸ್ಇ ನಿಫ್ಟಿ 58 ಅಂಕ ಅಥವಾ ಶೇಕಡ 0.36ರಷ್ಟು ಜಿಗಿದು 15,868ಕ್ಕೆ ವಹಿವಾಟು ಆರಂಭ ಮಾಡಿದೆ. ವಹಿವಾಟಿನ ಅಂತ್ಯದಲ್ಲೂ ಷೇರು ಪೇಟೆ ಪಾಸಿಟಿವ್ ಆಗಿದೆ.
ನಿಫ್ಟಿ ಫಿನಾನ್ಶಿಯಲ್ ಸರ್ವೀಸಸ್, ನಿಫ್ಟಿ ಎಫ್ಎಂಸಿಜಿ
ನಿಫ್ಟಿ ಮಿಡ್ಕ್ಯಾಪ್ 100 ಶೇಕಡಾ 1.90 ಮತ್ತು ಸ್ಮಾಲ್ ಕ್ಯಾಪ್ ಶೇಕಡಾ 0.49 ರಷ್ಟು ಏರಿದೆ. 15 ಸೆಕ್ಟರ್ ಗೇಜ್ಗಳಲ್ಲಿ 14 ಲಾಭವನ್ನು ಕಂಡಿದೆ. ಇನ್ನು ಉಪ ಸೂಚ್ಯಂಕಗಳಾದ ನಿಫ್ಟಿ ಫಿನಾನ್ಶಿಯಲ್ ಸರ್ವೀಸಸ್, ನಿಫ್ಟಿ ಎಫ್ಎಂಸಿಜಿ ಮತ್ತು ನಿಫ್ಟಿ ಕನ್ಸ್ಯೂಮರ್ ಡ್ಯೂರೆಬಲ್ಸ್ ಕ್ರಮವಾಗಿ ಶೇ.3.12, ಶೇ.2.64 ಮತ್ತು ಶೇ.2.35ರಷ್ಟು ಏರಿಕೆಯಾಗಿದೆ. ಇನ್ನು ನಿಫ್ಟಿ ಆಯಿಲ್ & ಗ್ಯಾಸ್ ಶೇಕಡ 0.17ರಷ್ಟು ಕುಸಿದಿದೆ.
ಷೇರು ಮಾರುಕಟ್ಟೆ ಮತ್ತೆ ಕುಸಿತ: ಎಚ್ಡಿಎಫ್ಸಿ ಲೈಫ್ಗೆ ನಷ್ಟ
ಬಜಾಜ್ ಫಿನಾನ್ಸ್ ಟಾಪ್ ಸ್ಟಾಕ್
ಇನ್ನು ಬಜಾಜ್ ಫಿನಾನ್ಸ್ ಟಾಪ್ ನಿಫ್ಟಿ ಗೇನರ್ ಆಗಿದೆ. ಬಜಾಜ್ ಫಿನಾನ್ಸ್ ಸ್ಟಾಕ್ಗಳು ಶೇಕಡ 4.75ರಷ್ಟು ಹೆಚ್ಚಳವಾಗಿ, ರೂಪಾಯಿ 5,930ಕ್ಕೆ ತಲುಪಿದೆ. ಈ ಸಂದರ್ಭದಲ್ಲೇ ಬಜಾಜ್ ಫಿನ್ಸರ್ವ್, ಬ್ರಿಟಾನಿಯಾ, ಹಿಂದೂಸ್ತಾನ್ ಯೂನಿಲಿವರ್, ಈಚರ್ ಮೋಟಾರ್ಸ್ ಕೂಡಾ ಲಾಭ ಗಳಿಸಿದೆ. ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ನಲ್ಲಿ 1,840 ಷೇರುಗಳು ಏರಿಕೆ ಕಂಡಿದ್ದರೆ, 1,463 ಷೇರುಗಳು ಕುಸಿದಿದೆ.
ಯಾವ ಷೇರು ಲಾಭ, ಯಾವುದಕ್ಕೆ ನಷ್ಟ?
30 ಷೇರುಗಳ ಬಿಎಸ್ಇ ಸೂಚ್ಯಂಕದಲ್ಲಿ ಬಜಾಜ್ ಫಿನ್ಸರ್ವ್, ಬಜಾಜ್ ಫಿನಾನ್ಸ್, ಎಚ್ಯುಎಲ್, ಮಾರುತಿ, ಏಷ್ಯನ್ ಪೇಂಟ್ಸ್, ಟೈಟಾನ್, ಕೋಟಕ್ ಮಹೀಂದ್ರಾ ಬ್ಯಾಂಕ್, ನೆಸ್ಟ್ಲೆ ಇಂಡಿಯಾ, ಎಂ&ಎಂ, ಇಂಡಸ್ಇಂಡ್ ಬ್ಯಾಂಕ್, ಅಲ್ಟ್ರಾಟೆಕ್ ಸಿಮೆಂಟ್, ಎಸ್ಬಿಐ ಸುಮಾರು ಶೇಕಡ 4.54ರಷ್ಟು ಏರಿಕೆ ಕಂಡಿದೆ. ಆದರೆ ಪವರ್ಗ್ರಿಡ್, ಎನ್ಟಿಪಿಸಿ, ರಿಲಯನ್ಸ್ ಇಂಡಸ್ಟ್ರೀಸ್, ಎಲ್&ಟಿ, ಟಾಟಾ ಸ್ಟೀಲ್ಸ್ ಸ್ಟಾಕ್ಗಳು ನಷ್ಟವನ್ನು ಕಂಡಿದೆ.
ಎಲ್ಐಸಿ ಷೇರು ನಿರಂತರ ಏರಿಕೆ
ಕಳೆದ ಮೂರು ಸೆಷನ್ಗಳಲ್ಲಿ ವಹಿವಾಟಿನ ಆರಂಭ ಮತ್ತು ಅಂತ್ಯದಲ್ಲಿ ಎಲ್ಐಸಿ ಷೇರುಗಳು ಏರಿಕೆಯನ್ನು ಕಂಡಿದೆ. ಭಾರತದ ಅತೀ ದೊಡ್ಡ ವಿಮಾ ಸಂಸ್ಥೆಯಾದ ಎಲ್ಐಸಿ ಷೇರುಗಳು ಬುಧವಾರ ವಹಿವಾಟಿನ ಅಂತ್ಯದಲ್ಲಿ ಶೇಕಡ 0.04ರಷ್ಟು ಹೆಚ್ಚಳವಾಗಿ, ರೂಪಾಯಿ 703.05ಕ್ಕೆ ಸ್ಥಿರವಾಗಿದೆ. ಬುಧವಾರ ವಹಿವಾಟಿನ ಆರಂಭದಲ್ಲಿ ಎಲ್ಐಸಿ ಷೇರು ಏರಿಕೆಯಾಗಿತ್ತು.