Closing Bell: ಸೆನ್ಸೆಕ್ಸ್ 662 ಪಾಯಿಂಟ್ಸ್ ಏರಿಕೆ, ನಿಫ್ಟಿ 17 ಸಾವಿರ ಗಡಿದಾಟಿದೆ

ಭಾರತದ ಷೇರುಪೇಟೆ ಮಂಗಳವಾರ ಭರ್ಜರಿ ಏರಿಕೆ ದಾಖಲಿಸಿದ್ದು, 2021-22ರ ಹಣಕಾಸು ವರ್ಷದ ಮೊದಲ ತ್ತೈಮಾಸಿಕ ಬಿಡುಗಡೆಗೂ ಮುನ್ನ ಭಾರೀ ಎತ್ತರಕ್ಕೆ ಜಿಗಿದಿದೆ. ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ 662 ಪಾಯಿಂಟ್ಸ್ ಏರಿಕೆಗೊಂಡರೆ, ನಿಫ್ಟಿ 17,000 ಗಡಿ ಸಮೀಪಿಸಿದೆ.

ದಿನದ ವಹಿವಾಟು ಅಂತ್ಯಕ್ಕೆ ಬಿಎಸ್‌ಇ ಸೂಚ್ಯಂಕ ಸೆನ್ಸೆಕ್ಸ್ ಶೇಕಡಾ 1.16ರಷ್ಟು ಅಥವಾ 662.63 ಪಾಯಿಂಟ್ಸ್ ಏರಿಕೆಗೊಂಡು 57,552.39 ಪಾಯಿಂಟ್ಸ್‌ ಮುಟ್ಟಿದೆ. ಎನ್‌ಎಸ್‌ಇ ಸೂಚ್ಯಂಕ ನಿಫ್ಟಿ ಶೇಕಡಾ 1.19ರಷ್ಟು ಅಥವಾ 201.15 ಪಾಯಿಂಟ್ಸ್ ಹೆಚ್ಚಾಗಿ 17,132.20 ಪಾಯಿಂಟ್ಸ್‌ ತಲುಪಿದೆ.

ಇಂದು ವಹಿವಾಟು ಅಂತ್ಯದಲ್ಲಿ 1434 ಷೇರುಗಳು ಏರಿಕೆಗೊಂಡರೆ, 1537 ಷೇರುಗಳು ಕುಸಿದಿವೆ ಮತ್ತು 105 ಷೇರುಗಳ ಮೌಲ್ಯದಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ.

ಈ ತಿಂಗಳಲ್ಲಿ ನಿಫ್ಟಿ ಯಲ್ಲಿ 1000 ಪಾಯಿಂಟ್‌ಗಳು ಅತ್ಯಂತ ವೇಗವಾಗಿ ಏರಿಕೆಯಾಗಿ ಸುಲಭವಾಗಿ 17,000 ಗಡಿ ದಾಟಲು ಸಾಧ್ಯವಾಗಿದೆ. ಜೊತೆಗೆ ಪ್ರಸಕ್ತ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕ ವರದಿ ಬಿಡುಗಡೆ ಹಿನ್ನೆಲೆಯಲ್ಲಿ ಸುಲಭವಾದ ಏರಿಕೆ ಕಂಡುಬಂದಿದೆ.

ಏರಿಕೆಗೊಂಡ ಪ್ರಮುಖ ಷೇರುಗಳು:

ಭಾರ್ತಿ ಏರ್‌ಟೆಲ್‌ನ ಷೇರು ರೂ. 44 ರಷ್ಟು ಹೆಚ್ಚಾಗಿ 664.05 ರೂಪಾಯಿಗೆ ಕೊನೆಗೊಂಡಿತು. ಬಜಾಜ್ ಫೈನಾನ್ಸ್ ಷೇರುಗಳು 359 ರೂಪಾಯಿಗಳಷ್ಟು ಏರಿಕೆಯಾಗಿ 7,524.5 ರೂಪಾಯಿಗೆ ಕೊನೆಗೊಂಡಿತು. ಈಷರ್ ಮೋಟಾರ್ಸ್ ನ ಷೇರುಗಳು 125 ರೂಪಾಯಿಗಳಷ್ಟು ಏರಿಕೆಯಾಗಿ 2,679.25 ಕ್ಕೆ ಕೊನೆಗೊಂಡಿತು. ಹಿಂಡಾಲ್ಕೊ ಷೇರು 20 ರೂಪಾಯಿ ಏರಿಕೆಗೊಂಡು 20.25 ರೂಪಾಯಿಗೆ ಕೊನೆಗೊಂಡಿತು. ಶ್ರೀ ಸಿಮೆಂಟ್ಸ್ ಷೇರು 1,092.15 ಏರಿಕೆಯೊಂದಿಗೆ 28,250 ಪಾಯಿಂಟ್ಸ್‌ಗೆ ಕೊನೆಗೊಂಡಿತು.

ಇಳಿಕೆಗೊಂಡ ಪ್ರಮುಖ ಷೇರುಗಳು:

ಟಾಟಾ ಮೋಟಾರ್ಸ್ ಷೇರುಗಳು ಸುಮಾರು ರೂ. 5 ರಷ್ಟು ಇಳಿಕೆಯಾಗಿ 287.35 ರೂಪಾಯಿಗೆ ಕೊನೆಗೊಂಡಿದ್ದು, ನೆಸ್ಲೆ ಷೇರು 256 ರೂಪಾಯಿ ಇಳಿಕೆಯಾಗಿ 19,508 ರೂಪಾಯಿಗೆ ಕೊನೆಗೊಂಡಿತು. ಇಂಡಸ್‌ಇಂಡ್ ಬ್ಯಾಂಕ್ ಷೇರುಗಳು 13 ರೂಪಾಯಿ ಇಳಿಕೆಯಾಗಿ 993.5 ರೂಪಾಯಿ ಕೊನೆಗೊಂಡಿತು. ರಿಲಯನ್ಸ್ ಷೇರು ಸುಮಾರು 11 ರೂಪಾಯಿ ಇಳಿಕೆಯಾಗಿ 2,259.3 ಕ್ಕೆ ಕೊನೆಗೊಂಡಿತು. ಪವರ್ ಗ್ರಿಡ್ ಕಾರ್ಪೊರೇಶನ್ ಷೇರುಗಳು 15.1 ರೂಪಾಯಿ ಹೆಚ್ಚಾಗಿ 175.1 ರೂಪಾಯಿಗೆ ಕೊನೆಗೊಂಡಿತು.

ಎಲ್ಲಾ ವಲಯದ ಸೂಚ್ಯಂಕಗಳು ಹಸಿರು ಬಣ್ಣದಲ್ಲಿ ಕೊನೆಗೊಂಡವು, ಐಟಿ, ವಿದ್ಯುತ್, ಆರೋಗ್ಯ ರಕ್ಷಣೆ, ಲೋಹ, ತೈಲ ಮತ್ತು ಅನಿಲ ಸೂಚ್ಯಂಕಗಳು ತಲಾ 1 ಪ್ರತಿಶತದಷ್ಟು ಹೆಚ್ಚಿದ್ದರೆ, ಬಿಎಸ್‌ಇ ಮಿಡ್‌ಕ್ಯಾಪ್ ಮತ್ತು ಸ್ಮಾಲ್‌ಕ್ಯಾಪ್ ಸೂಚ್ಯಂಕಗಳು 0.5 ಪ್ರತಿಶತದಷ್ಟು ಹೆಚ್ಚಾಗಿದೆ.

 

ಡಾಲರ್ ಎದುರು ರೂಪಾಯಿ

ಬಲವಾದ ಬಂಡವಾಳ ಮಾರುಕಟ್ಟೆಯ ಒಳಹರಿವಿನ ಹಿನ್ನೆಲೆಯಲ್ಲಿ ಭಾರತದ ರೂಪಾಯಿ ತನ್ನ ಏರಿಕೆಯನ್ನು 0.30 ರಿಂದ ಹೆಚ್ಚಿಸಿ 73.10 ಕ್ಕೆ ಏರಿಸಿದೆ.

ಕಚ್ಚಾ ತೈಲ ಮತ್ತು ಡಾಲರ್ ಸೂಚ್ಯಂಕ ಬೆಲೆಯಲ್ಲಿನ ಮೃದುತ್ವವು ಡಾಲರ್ ಮೇಲಿನ ಒತ್ತಡವನ್ನು ಹೆಚ್ಚಿಸಿ ರೂಪಾಯಿ ಮೌಲ್ಯವನ್ನು ಹೆಚ್ಚಿಸಲು ಸಹಾಯ ಮಾಡಿದೆ. ಭಾರತದಲ್ಲಿ ಬಲವಾದ ವ್ಯಾಕ್ಸಿನೇಷನ್ ಪ್ರಕ್ರಿಯೆ ಮತ್ತು ಆರ್ಥಿಕತೆಯು ಬಲವಾಗಿ ಚೇತರಿಸಿಕೊಳ್ಳುತ್ತಿರುವುದು ರೂಪಾಯಿ ಮೌಲ್ಯ ಹೆಚ್ಚಳಕ್ಕೆ ಕಾರಣವಾಗಿದೆ. ರೂಪಾಯಿ ಮುಂದುವರಿಯುವ ಶ್ರೇಣಿಯನ್ನು 72.75-73.25 ನಡುವೆ ಕಾಣಬಹುದು.

 

ಷೇರು ಖರೀದಿಸುವುದು ಹೇಗೆ?

ನಿಮಗೆ ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡುವ ಬಯಕೆ ಇದ್ದರೆ, ಮೊದಲು ಸ್ಟಾಕ್ ಬ್ರೋಕರ್‌ನೊಂದಿಗೆ ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಯನ್ನು ತೆರೆಯಬೇಕು. ಷೇರುಗಳನ್ನು ನೇರವಾಗಿ ಷೇರು ವಿನಿಮಯ ಕೇಂದ್ರದಿಂದ ಖರೀದಿಸಲು ಸಾಧ್ಯವಿಲ್ಲ. ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಯನ್ನು ತೆರೆಯಲು ಪ್ಯಾನ್, ಆಧಾರ್ ಮತ್ತು ಬ್ಯಾಂಕ್ ಖಾತೆ ಅಗತ್ಯವಿದೆ. ನೀವು ಈ ದಾಖಲೆಗಳನ್ನು ಹೊಂದಿದ್ದರೆ, ನೀವು ಸುಲಭವಾಗಿ ಬ್ರೋಕರ್‌ನೊಂದಿಗೆ ಖಾತೆಯನ್ನು ತೆರೆಯಬಹುದು ಮತ್ತು ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ಪ್ರಾರಂಭಿಸಬಹುದು.