ಒನ್ ಪ್ಲಸ್ 8 ಮೊಬೈಲ್ ಫೋನ್ ಬಿಡುಗಡೆ ಬಗ್ಗೆ ಕಂಪೆನಿ ಸ್ಪಷ್ಟನೆ

ಕೊರೊನಾ ವೈರಸ್ ಭೀತಿ ಇರುವುದರಿಂದ ಒನ್ ಪ್ಲಸ್ 8 ಮೊಬೈಲ್ ಫೋನ್ ಬಿಡುಗಡೆ ಸಮಾರಂಭವನ್ನು ಸಾರ್ವಜನಿಕವಾಗಿ ಮಾಡುವುದಿಲ್ಲ, ಕೇವಲ ಆನ್ ಲೈನ್ ನಲ್ಲಿ ಮಾಡಲಾಗುತ್ತದೆ ಎಂಬ ಬಗ್ಗೆ ಬಂದಿರುವ ಮಾಧ್ಯಮ ವರದಿಯನ್ನು ಚೀನಾ ಮೂಲದ ಸ್ಮಾರ್ಟ್ ಫೋನ್ ತಯಾರಿಕಾ ಕಂಪೆನಿ ನಿರಾಕರಿಸಿದೆ.

ಗಿಜ್ಮೋ ಚೀನಾ ಎಂಬ ನ್ಯೂಸ್ ಪೋರ್ಟಲ್ ಕಳೆದ ವಾರ ಸುದ್ದಿಯೊಂದನ್ನು ಮಾಡಿತ್ತು. ಒನ್ ಪ್ಲಸ್ ಸಿಇಒ ಪೀಟೆ ಲೌ ಅವರೇ ಹೇಳಿಕೊಂಡಿದ್ದಾರೆ: ಒನ್ ಪ್ಲಸ್ 8 ಸೀರೀಸ್ ಮೊಬೈಲ್ ಫೋನ್ ಅನ್ನು ಸಾರ್ವಜನಿಕ ಕಾರ್ಯಕ್ರಮದಲ್ಲಿ ಬಿಡುಗಡೆ ಮಾಡುವುದಿಲ್ಲ. ಆನ್ ಲೈನ್ ನಲ್ಲಿ ಮಾತ್ರ ನೇರಪ್ರಸಾರದಲ್ಲಿ ಬಿಡುಗಡೆ ಮಾಡುತ್ತದೆ ಎಂದು ವರದಿ ಮಾಡಿತ್ತು.

ಆದರೆ, ಒನ್ ಪ್ಲಸ್ ಕಂಪೆನಿಯ ವಕ್ತಾರರು ಸುದ್ದಿ ಮಾಧ್ಯಮಗಳ ಜತೆ ನಂತರ ಮಾತನಾಡಿ, ಈ ಹಿಂದೆ ಆದ ವರದಿ ತಪ್ಪು ಎಂದು ಹೇಳಿದ್ದಾರೆ. ಮಾರ್ಚ್ ಕೊನೆ ಅಥವಾ ಏಪ್ರಿಲ್ ನಲ್ಲಿ ಒನ್ ಪ್ಲಸ್ 8, ಒನ್ ಪ್ಲಸ್ 8 ಪ್ರೊ ಹಾಗೂ ಒನ್ ಪ್ಲಸ್ 8 ಲೈಟ್ ಹೆಸರಿನಲ್ಲಿ ಸ್ಮಾರ್ಟ್ ಫೋನ್ ಬಿಡುಗಡೆ ಮಾಡಬಹುದು ಎಂಬ ನಿರೀಕ್ಷೆ ಇದೆ.