GoAir ವಿಮಾನಯಾನ ಸಂಸ್ಥೆಯಿಂದ ವಿದ್ಯಾರ್ಥಿಗಳಿಗಾಗಿ ರಿಯಾಯಿತಿ ದರದ ಟಿಕೆಟ್

GoAir ವಿಮಾನಯಾನ ಸಂಸ್ಥೆಯಿಂದ ವಿದ್ಯಾರ್ಥಿಗಳಿಗಾಗಿ ರಿಯಾಯಿತಿ ದರವನ್ನು ಘೋಷಣೆ ಮಾಡಲಾಗಿದೆ. ಈ ಆಫರ್ ನಲ್ಲಿ ಮೂಲ ದರದ ಮೇಲೆ 5% ರಿಯಾಯಿತಿ ಹಾಗೂ 25 ಕೇಜಿ ಹೆಚ್ಚುವರಿ ಬ್ಯಾಗೇಜ್ ತೆಗೆದುಕೊಂಡು ಹೋಗುವುದಕ್ಕೆ ಅನುಮತಿ ನೀಡಲಾಗುತ್ತದೆ. ಈ ಅಫರ್ ಮುಖ್ಯಾಂಶಗಳೇನು ಎಂಬ ವಿವರ ಹೀಗಿದೆ.

* ಗೋಏರ್ ವೆಬ್ ಸೈಟ್ ನಲ್ಲಿ ಆನ್ ಲೈನ್ ಬುಕ್ಕಿಂಗ್ ಗೆ ಈ ವಿದ್ಯಾರ್ಥಿ ದರ ದೊರೆಯುತ್ತದೆ. ವೆಬ್ ಸೈಟ್ ನಲ್ಲಿ ಸ್ಟೂಡೆಂಟ್ ಫೇರ್ ಎಂಬುದನ್ನು ಆರಿಸಿಕೊಳ್ಳಬೇಕು.

* 12 ವರ್ಷ ಮೇಲ್ಪಟ್ಟ ವಿದ್ಯಾರ್ಥಿಗಳು, ನೋಂದಾಯಿತ ಶಾಲೆಗಳು/ವಿಶ್ವವಿದ್ಯಾಲಯಕ್ಕೆ ಸೇರಿದವರಾಗಿದ್ದು, ಐ.ಡಿ. ಕಾರ್ಡ್ (ಗುರುತಿನ ಚೀಟಿ) ಹೊಂದಿರಬೇಕು.

* ಗೋಏರ್ 'ಸ್ಮಾರ್ಟ್ ಸ್ಟೂಡೆಂಟ್ ಫೇರ್' ಯೋಜನೆ ವಿದ್ಯಾರ್ಥಿಗಳಿಗೆ ಮಾತ್ರ ಅನ್ವಯ ಆಗುತ್ತದೆ. ಅವರ ಕುಟುಂಬ ಸದಸ್ಯರಿಗೆ ಅಲ್ಲ.

* ಗೋಏರ್ ನ ಎಲ್ಲ ದೇಶೀಯ ವಿಮಾನ ಯಾನಕ್ಕೆ ವಿದ್ಯಾರ್ಥಿ ರಿಯಾಯಿತಿ ಅನ್ವಯ ಆಗುತ್ತದೆ.

* ವಿದ್ಯಾರ್ಥಿ ರಿಯಾಯಿತಿಯು ಒನ್ ವೇ ಮತ್ತು ರೌಂಡ್ ಟ್ರಿಪ್ ಬುಕ್ಕಿಂಗ್ ಗೆ ಅನ್ವಯಿಸುತ್ತದೆ.

* ವಿದ್ಯಾರ್ಥಿ ರಿಯಾಯಿತಿ ಯೋಜನೆ ಅಡಿಯಲ್ಲಿ ಬುಕ್ ಮಾಡಿದ ಟಿಕೆಟ್ ಬದಲಿಸಬಹುದು ಅಥವಾ ರದ್ದು ಮಾಡಬಹುದು. ರದ್ದು ಮತ್ತು ಬದಲಾವಣೆಯ ಶುಲ್ಕಗಳು ಅನ್ವಯಿಸುತ್ತವೆ.

* ಈ ಯೋಜನೆ ಅಡಿಯಲ್ಲಿ ಬುಕ್ ಆದ ಟಿಕೆಟ್ ಬೇರೆಯವರಿಗೆ ವರ್ಗಾವಣೆ ಆಗಲ್ಲ ಮತ್ತು ಹೆಸರು ಬದಲಾವಣೆಗೆ ಅವಕಾಶ ಇಲ್ಲ.

* ಈ ಯೋಜನೆ ಅಡಿಯಲ್ಲಿ ಸೀಮಿತ ಟಿಕೆಟ್ ಲಭ್ಯ ಇದ್ದು, ಸೀಟುಗಳು ಲಭ್ಯತೆಯ ಆಧಾರದಲ್ಲಿ ದೊರೆಯುತ್ತವೆ.

* ಈ ಯೋಜನೆಯು ಬೇರೆ ಆಫರ್/ರಿಯಾಯಿತಿಗಳು/ಪ್ರಮೋಷನ್ ಗಳ ಜತೆ ಸೇರಿಕೊಳ್ಳುವುದಿಲ್ಲ.

* ರದ್ದು ಮಾಡುವ ಶುಲ್ಕಗಳನ್ನು ಕಳೆದು, ಬುಕ್ಕಿಂಗ್ ಮೊತ್ತವನ್ನು ಹಿಂತಿರುಗಿಸಲಾಗುತ್ತದೆ.

* ಹೆಚ್ಚುವರಿ ಬ್ಯಾಗೇಜ್ 25 kg (ಸ್ಟ್ಯಾಂಡರ್ಡ್ 15+10) ಅವಕಾಶ ಇದೆ. ವಿದ್ಯಾರ್ಥಿಗಳ ಐಡಿ ಕಾರ್ಡ್ ಮತ್ತು ಸರ್ಕಾರದಿಂದ ಮಾನ್ಯತೆ ಪಡೆದ ಫೋಟೋ ಐಡಿ ಇರಬೇಕು.