ಹೊಸ TV Install ಮಾಡುವಾಗ ಹಾನಿ ಕಂಪೆನಿ ಪ್ರತಿಕ್ರಿಯಿಸಿದ್ದೇನು ಗೊತ್ತೆ?

ಬೆಂಗಳೂರು, ಜನವರಿ 07: ವ್ಯಕ್ತಿಯೊಬ್ಬರು ಹೊಸದಾಗಿ ಖರೀದಿಸಿದ್ದ 40,000 ರೂಪಾಯಿ ಮೌಲ್ಯದ ಟಿವಿಯನ್ನು ಅಳವಡಿಸಲು ಬಂದಿದ್ದ ಕಂಪೆನಿ ಎಕ್ಸಿಕ್ಯೂಟಿವ್‌ ಹಾನಿ ಮಾಡಿದ್ದರು. ಈ ಸಂಬಂಧ ದೂರು ಸಲ್ಲಿಸಿದ್ದರಿಂದ ಕಂಪೆನಿ ಪ್ರತಿಕ್ರಿಯೆ ನೀಡಿದೆ.

ಹರ್ಬನ್ ಕಂಪನಿಯ ಎಕ್ಸಿಕ್ಯೂಟಿವ್ 40,000 ರೂ. ಮೌಲ್ಯದ ಹೊಸ ಟೆಲಿವಿಷನ್ ಅಳವಡಿಸುವಾಗ ಹಾನಿ ಮಾಡಿದ್ದಾರೆ ಎಂದು ಆಕಾಶ್ ಜೈನಿ ಎಂಬ ವ್ಯಕ್ತಿ ಆರೋಪಿಸಿದ್ದಾರೆ. ಈ ನಿಟ್ಟಿನಲ್ಲಿ ಜೈನಿ ಅವರ ಸ್ನೇಹಿತ ದಿವ್ಯಾಂಶು ಡೆಂಬಿ ಅವರು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಎಕ್ಸ್‌ನಲ್ಲಿ ಸಮಸ್ಯೆಯನ್ನು ವಿವರಿಸಿದ್ದಾರೆ.

ಅವರು "ಹಾಯ್ ಹರ್ಬನ್‌ ಕಂಪೆನಿ ನನ್ನ ಸ್ನೇಹಿತ ಆಕಾಶ್‌ ಜೈನಿ ಇತ್ತೀಚೆಗೆ ನಿಮ್ಮ ಸೇವೆಗಳನ್ನು ಪಡೆದುಕೊಂಡಿದ್ದರು. ನಿಮ್ಮ ಎಕ್ಸಿಕ್ಯೂಟಿವ್‌ ವ್ಯಕ್ತಿ ತನ್ನ 40 ಸಾವಿರ ರೂ ಟಿವಿಯನ್ನು ಸರಿಪಡಿಸಲಾಗದಂತೆ ಹಾನಿ ಮಾಡಿಟ್ಟಿದ್ದಾನೆ. ಈಗ ನೀವು 10,000 ಮಾತ್ರ ಮರುಪಾವತಿ ಮಾಡಬಹುದು ಎಂದು ಹೇಳುತ್ತಿದ್ದೀರಿ. ಇದು ಮೂರ್ಖ ಹಾಸ್ಯ, ನೀವು ಸಂಪೂರ್ಣ ವೆಚ್ಚವನ್ನು ಭರಿಸುವುದು ಉತ್ತಮ" ಎಂದು ಡೆಂಬಿ ಬರೆದಿದ್ದಾರೆ.

ಡಿಸೆಂಬರ್ 30 ರಂದು ಕಂಪನಿಯು 20,000 ರೂ ಪಾವತಿಸಲು ಒಪ್ಪಿಕೊಂಡಿದೆ. ಇದು ಕಂಪನಿಯು ತಮ್ಮ ಸೇವೆಗಳ ಸಮಯದಲ್ಲಿ ಸಂಭವಿಸಿದ ಯಾವುದೇ ಹಾನಿಗೆ ಕೇವಲ 10,000 ರೂ ಪಾವತಿಸಲು ಬದ್ಧವಾಗಿಲ್ಲ ಎಂದು ತೋರಿಸುತ್ತದೆ. ನಂತರ ಕಂಪನಿಯು ತನ್ನ ಮಾತಿಗೆ ಮತ್ತು ಹಾನಿಗೆ ಡೆಲಿವರಿ ಎಕ್ಸಿಕ್ಯೂಟಿವ್ ಹೊಣೆಯಲ್ಲ ಎಂದು ಹೇಳಿತು ಎಂದು ಅವರು ಹೇಳಿದರು.

"ನಾನು ಕರೆ ರೆಕಾರ್ಡಿಂಗ್‌ಗಳನ್ನು ಹೊಂದಿದ್ದೇನೆ, ಅಲ್ಲಿ ಅವರು ಈಗ 3 ದಿನಗಳ ನಂತರ ವಾಪಸ್‌ ಮಾಡುತ್ತೇವೆ. ನಾವು ಸೇವಾ ವೃತ್ತಿಪರರು ಸುಳ್ಳು ಹೇಳುವುದಿಲ್ಲ ಎಂದು ಹೇಳಿದ್ದಾರೆ. ಆದರೂ ಅವರು ಮಾತಿಗೆ ತಪ್ಪಿಸಿಕೊಳ್ಳುತ್ತಿದ್ದಾರೆ. ಹಾನಿ ಮಾಡಿದ ನಂತರ ಅವರು ಟಿವಿಯನ್ನು ನಿರ್ವಹಿಸುತ್ತಿರುವ ಚಿತ್ರವನ್ನು ನಾನು ಹೊಂದಿದ್ದೇನೆ" ಎಂದು ಹೇಳಿದರು.

ಅರ್ಬನ್ ಕಂಪನಿ ಪ್ರತಿಕ್ರಿಯೆ:

ಈ ಸಂಬಂಧ ಹರ್ಬನ್‌ ಕಂಪೆನಿ, "ಅರ್ಬನ್ ಕಂಪನಿಯಲ್ಲಿ ಸೇವೆಗಳನ್ನು ನೀಡುವಾಗ ನಾವು ಗ್ರಾಹಕರ ಸಂತೋಷಕ್ಕೆ ಮಹತ್ವ ನೀಡುತ್ತೇವೆ. ಪ್ರತಿದಿನ ನಾವು ಉನ್ನತ, ಗುಣಮಟ್ಟದ ಸಂತಸದಿಂದ ಸೇವಾ ಅನುಭವಗಳನ್ನು ತಲುಪಿಸುವ ಕಡೆಗೆ ಸೇವೆಯನ್ನು ನೀಡುತ್ತೇವೆ.

ನಮ್ಮ ತನಿಖೆಯ ಪ್ರಕಾರ, ಟಿವಿ ಎಕ್ಸಿಕ್ಯೂಟಿವ್‌ ಅಳವಡಿಕೆಗೂ ಮುನ್ನ ಘಟನೆ ನಡೆದಿದೆ. ನಮ್ಮ ಸೇವಾ ಪಾಲುದಾರರ ತಪ್ಪಿಲ್ಲ ಎಂದು ನಾವು ಭಾವಿಸಿದ್ದೇವೆ. ಆದಾಗ್ಯೂ, ನಾವು ಗ್ರಾಹಕರೊಂದಿಗೆ ಸಂಪರ್ಕದಲ್ಲಿದ್ದೇವೆ. ಸೌಹಾರ್ದತೆಯ ಸೂಚಕವಾಗಿ ಟಿವಿಯನ್ನು ಉಚಿತವಾಗಿ ರಿಪೇರಿ ಮಾಡಿಕೊಡುತ್ತಿದ್ದೇವೆ" ಎಂದು ಕಂಪನಿಯ ಹೇಳಿಕೆ ತಿಳಿಸಿದೆ.

ಇದಕ್ಕೆ ಹಲವಾರು ನೆಟಿಜನ್‌ಗಳು ಪ್ರತಿಕ್ರಿಯಿಸಿದ್ದಾರೆ. ಅವರಲ್ಲಿ ಕೆಲವರು ಎಲೆಕ್ಟ್ರಾನಿಕ್‌ ಸೇವಾ ಪೂರೈಕೆದಾರರೊಂದಿಗೆ ಇದೇ ರೀತಿಯ ಅನುಭವವಾಗಿದೆ ಎಂದು ಹೇಳಿದ್ದಾರೆ.