ಶ್ರೀರಾಂ ಟ್ರಾನ್ಸ್ ಪೋರ್ಟ್ ಫೈನಾನ್ಸ್ ಕಂಪೆನಿಗೆ 5 ಕೋಟಿ ರುಪಾಯಿ ದಂಡ

ಶ್ರೀರಾಂ ಟ್ರಾನ್ಸ್ ಪೋರ್ಟ್ ಫೈನಾನ್ಸ್ ಕಂಪೆನಿಗೆ (STFC) ಹಳೆ ಪ್ರಕರಣವೊಂದರ ವಾರಂಟ್ ಜಾರಿಗೆ ಸಂಬಂಧಿಸಿದಂತೆ ಜಾರಿ ನಿರ್ದೇಶನಾಲಯದ (ಇ.ಡಿ.) ಆದೇಶದ ಅನ್ವಯ 5 ಕೋಟಿ ರುಪಾಯಿ ದಂಡ ವಿಧಿಸಲಾಗಿದೆ ಎಂದು ಮಾರ್ಚ್ 10ನೇ ತಾರೀಕು ಕಂಪೆನಿ ತಿಳಿಸಿದೆ. ಜಾರಿ ನಿರ್ದೇಶನಾಲಯದಿಂದ ಶೋಕಾಸ್ ನೋಟಿಸ್ ನೀಡಲಾಗಿದೆ.

ಈ ಹಿಂದೆ ಶ್ರೀರಾಂ ಹೋಲ್ಡಿಂಗ್ಸ್ (ಮದ್ರಾಸ್) ಪ್ರೈವೇಟ್ ಲಿಮಿಟೆಡ್ ಗೆ ಸಂಬಂಧಿಸಿದಂತೆ ವಾರಂಟ್ ನೀಡಲಾಗಿದ್ದು, 2012ರಲ್ಲಿ ಈ ಕಂಪೆನಿ ಶ್ರೀರಾಂ ಟ್ರಾನ್ಸ್ ಪೋರ್ಟ್ ಫೈನಾನ್ಸ್ ಕಂಪೆನಿ ಜತೆ ಶ್ರೀರಾಂ ಹೋಲ್ಡಿಂಗ್ಸ್ ವಿಲೀನವಾಗಿದೆ. 2006ರಲ್ಲಿ ಭಾರತದಿಂದ ಹೊರಭಾಗದಲ್ಲಿ ನಿವಾಸಿಯಾಗಿರುವವರಿಗೆ ಈ ನೋಟಿಸ್ ಸಂಬಂಧಿಸಿದೆ.

ಕಂಪೆನಿಯು ಪ್ರಕರಣಕ್ಕೆ ಸಂಬಂಧಿಸಿದ ಮಾಹಿತಿ, ವಿಚಾರಗಳನ್ನು ಒದಗಿಸುತ್ತಿದೆ. ಫೆಮಾ ಕಾಯ್ದೆಯ ಉಲ್ಲಂಘನೆ ಮಾಡಿಲ್ಲ ಎಂಬುದನ್ನು ಸಾಬೀತು ಮಾಡಲು ಎಲ್ಲ ಪ್ರಯತ್ನ ನಡೆಸಿದೆ. ಇನ್ನು ಇ.ಡಿ.ಯಿಂದ ಮೂವರಿಗೆ ತಲಾ 50 ಲಕ್ಷ ರುಪಾಯಿ ದಂಡ ಹಾಕಲಾಗಿದೆ ಎಂದು ಆಗಿನ ಶ್ರೀರಾಂ ಹೋಲ್ಡಿಂಗ್ಸ್ ನಿರ್ದೇಶಕರು ತಿಳಿಸಿದ್ದಾರೆ.