ಎಲಾನ್ ಮಸ್ಕ್ ಆಸ್ತಿ 7800 ಕೋಟಿ ಅಮೆರಿಕನ್ ಡಾಲರ್ ಹೆಚ್ಚಳ

ವಿಶ್ವದ ನಾಲ್ಕನೇ ಶ್ರೀಮಂತ ಎಲಾನ್ ಮಸ್ಕ್ ಆಸ್ತಿ ಸೋಮವಾರದಂದು 7800 ಕೋಟಿ ಅಮೆರಿಕನ್ ಡಾಲರ್ ಹೆಚ್ಚಳವಾಗಿದೆ. 5,85,000 ಕೋಟಿ ರುಪಾಯಿ ಜಾಸ್ತಿ ಆಗಿದೆ. ಟೆಸ್ಲಾ ಕಂಪೆನಿಯ ಷೇರುಗಳು 11 ಪರ್ಸೆಂಟ್ ಏರಿಕೆ ಕಂಡಿರುವುದರಿಂದ ಆಸ್ತಿಯಲ್ಲಿ ಇಷ್ಟು ದೊಡ್ಡ ಮೊತ್ತದ ಆಸ್ತಿ ಹೆಚ್ಚಳವಾಗಿದೆ.

ಬ್ಲೂಮ್ ಬರ್ಗ್ ಬಿಲಯನೇರ್ ಸೂಚ್ಯಂಕದಲ್ಲಿ ಬರ್ನಾರ್ಡ್ ಅರ್ನಾಲ್ಟ್ ರನ್ನು ಮೀರಿ, ನಾಲ್ಕನೇ ಸ್ಥಾನಕ್ಕೆ ಮೇಲಕ್ಕೆ ಏರಿದ್ದಾರೆ. ಎಲಾನ್ ಮಸ್ಕ್ ಆಸ್ತಿ 84800 ಕೋಟಿ ಅಮೆರಿಕನ್ ಡಾಲರ್ ಆಗಿದೆ. ಇದೀಗ ಮೂರನೇ ಸ್ಥಾನದಲ್ಲಿ ಇರುವ ಮಾರ್ಕ್ ಝುಕರ್ ಬರ್ಗ್ ಹಾಗೂ ಎಲಾನ್ ಮಸ್ಕ್ ಮಧ್ಯೆ 15 ಬಿಲಿಯನ್ ಅಮೆರಿಕನ್ ಡಾಲರ್ ಅಷ್ಟೇ ವ್ಯತ್ಯಾಸ ಇದೆ.

ಟೆಸ್ಲಾ ಕಂಪೆನಿಯು S&P 500 ಸೂಚ್ಯಂಕದಲ್ಲಿ ಸೇರ್ಪಡೆ ಆಗಲಿದೆ ಎಂಬ ನಿರೀಕ್ಷೆ ಮೇಲೆ ಷೇರಿನ ಬೆಲೆಯಲ್ಲಿ ಏರಿಕೆ ಆಗಿದೆ. ಇದೊಂದೇ ವರ್ಷದಲ್ಲಿ ಎಲಾನ್ ಮಸ್ಕ್ ಆಸ್ತಿ 57.2 ಬಿಲಿಯನ್ ಜಾಸ್ತಿ ಆಗಿದೆ. ಈ ಸೂಚ್ಯಂಕದಲ್ಲಿ ಸ್ಥಾನ ಪಡೆದಿರುವ ವ್ಯಕ್ತಿಗಳಲ್ಲಿ ಎರಡನೇ ಅತಿ ದೊಡ್ಡ ಏರಿಕೆ ಇದು. ಅಮೆಜಾನ್ ಕಂಪೆನಿ ಸ್ಥಾಪಕ ಜೆಫ್ ಬೆಜೋಸ್ ಆಸ್ತಿ 73 ಬಿಲಿಯನ್ ಅಮೆರಿಕನ್ ಡಾಲರ್ ಜಾಸ್ತಿ ಆಗಿದೆ.