ಎಫ್‌ಡಿ ಮತ್ತು ಆರ್‌ಡಿ ಠೇವಣಿ: ಯಾವುದು ಉತ್ತಮ?

ನವದೆಹಲಿ, ಮೇ 8: ಹಣವನ್ನು ಉಳಿಸುವುದು ಆರ್ಥಿಕ ಯೋಗಕ್ಷೇಮದ ಅತ್ಯಗತ್ಯ ಅಂಶವಾಗಿದೆ ಮಾತ್ರವಲ್ಲದೇ ಸುರಕ್ಷಿತ ಮತ್ತು ಸ್ಥಿರ ಭವಿಷ್ಯಕ್ಕಾಗಿ ಮೂಲಾಧಾರವಾಗಿದೆ.

ಮುಂದೆ ಮನೆ ಖರೀದಿಸುವ ಕನಸಿದ್ದರೇ ಅಥವಾ ನಿಮ್ಮ ಮಗುವಿನ ಶಿಕ್ಷಣದಂತಹ ಇತರ ಅನಿವಾರ್ಯ ಹಣಕಾಸಿನ ಜವಾಬ್ದಾರಿ ಈ ಎಲ್ಲಾ ಹಣಕಾಸಿನ ಗುರಿಗಳಿಗೆ ದೊಡ್ಡ ಮೊತ್ತದ ಹಣದ ಅಗತ್ಯವಿರುತ್ತದೆ ಮತ್ತು ಹಣವನ್ನು ಹೇಗೆ ಉಳಿಸುವುದು ಎಂದು ತಿಳಿದಿಲ್ಲದಿದ್ದರೆ ಅದು ಮುಂದು ನಿಮ್ಮ ಆರ್ಥಿಕತೆ ಮೇಲೆ ಪರಿಣಾಮ ಬೀರಬಹುದು. ಹೀಗಾಗಿ ಹಣ ಉಳಿಕೆಯೂ ಅನಿರೀಕ್ಷಿತ ಸಂದರ್ಭಗಳಲ್ಲಿ ಸುರಕ್ಷತೆ ನೀಡುವುದು ಮಾತ್ರವಲ್ಲದೇ, ದೀರ್ಘಾವಧಿಯ ಹಣಕಾಸಿನ ಗುರಿಗಳನ್ನು ಸಾಧಿಸಲು ನಿಮಗೆ ಅನುವು ಮಾಡಿಕೊಡುತ್ತದೆ.

ಭಾರತದಲ್ಲಿ ಅತ್ಯಂತ ಜನಪ್ರಿಯವಾಗಿರುವ ಫಿಕ್ಸೆಡ್ ಡೆಪಾಸಿಟ್‌ಗಳು (ಎಫ್‌ಡಿಗಳು) ಮತ್ತು ಮರುಕಳಿಸುವ ಠೇವಣಿಗಳು (Recurring Deposit) (ಆರ್‌ಡಿ) ನಂತಹ ಯೋಜನೆಗಳು ಉಳಿತಾಯ ಮಾಡಲು ಅನುಕೂಲಕರವಾದ ಹೂಡಿಕೆ ಆಯ್ಕೆಗಳಾಗಿವೆ. ನೀವು ಈ ಎರಡರಲ್ಲಿ ಹೂಡಿಕೆ ಮಾಡಲು ಯೋಜಿಸುತ್ತಿದ್ದರೆ, FD ಮತ್ತು RD ನಡುವಿನ (ಮರುಕಳಿಸುವ ಠೇವಣಿ ಮತ್ತು ನಿಶ್ಚಿತ ಠೇವಣಿ) ವ್ಯತ್ಯಾಸಗಳ ಬಗ್ಗೆ ನೀವು ತಿಳಿದಿರಬೇಕು.

ಸ್ಥಿರ ಠೇವಣಿ (FD):

ಒಟ್ಟು ಮೊತ್ತದ ಹೂಡಿಕೆ(Lump sum investment): ಎಫ್‌ಡಿಗಳಿಗೆ ಒಂದೇ ಬಾರಿಯ ಒಟ್ಟು ಮೊತ್ತದ ಠೇವಣಿ ಅಗತ್ಯವಿರುತ್ತದೆ.
ಸ್ಥಿರ ಬಡ್ಡಿ ದರ: ಹೂಡಿಕೆಯ ಸಮಯದಲ್ಲಿ ಬಡ್ಡಿದರವನ್ನು ನಿಗದಿಪಡಿಸಲಾಗುತ್ತದೆ ಮತ್ತು ಇದು ಅವಧಿಯುದ್ದಕ್ಕೂ ಸ್ಥಿರವಾಗಿರುತ್ತದೆ.
ಪ್ಲೆಕ್ಸಿಯೆಬಲ್ ಅವಧಿ: ನೀವು FD ಯ ಅವಧಿಯನ್ನು ಆಯ್ಕೆ ಮಾಡಬಹುದು, ಇದು ಸಾಮಾನ್ಯವಾಗಿ ಕೆಲವು ತಿಂಗಳುಗಳಿಂದ ಹಲವಾರು ವರ್ಷಗಳವರೆಗೆ ಇರುತ್ತದೆ.

ಬಡ್ಡಿ ಪಾವತಿ ಆಯ್ಕೆಗಳು: ನಿಮ್ಮ ಆದ್ಯತೆಗೆ ಅನುಗುಣವಾಗಿ ಬಡ್ಡಿಯನ್ನು ಸಂಯೋಜಿಸಬಹುದು ಮತ್ತು ಮರುಹೂಡಿಕೆ ಮಾಡಬಹುದು
Low liquidity:: ಅವಧಿಗೆ ಮೊದಲು FD ಅಕಾಲಿಕ ಹಿಂಪಡೆಯುವಿಕೆ ಪೆನಾಲ್ಟಿಗಳು ಮತ್ತು ಬಡ್ಡಿಯ ನಷ್ಟಕ್ಕೆ ಕಾರಣವಾಗಬಹುದು.

ಮರುಕಳಿಸುವ ಠೇವಣಿ (RD):

ನಿಯಮಿತ ಉಳಿತಾಯ: ಸಾಮಾನ್ಯವಾಗಿ ನಿಯಮಿತ ಮಾಸಿಕ ಹಣವನ್ನು ಉಳಿಸಲು RD ನಿಮಗೆ ಅನುಕೂಲ ಕಲ್ಪಿಸುತ್ತದೆ.
ಫ್ಲೆಕ್ಸಿಬಲ್ ಡೆಪೋಸಿಟ್ ಅಮೌಂಟ್ಸ್: ನೀವು ಪ್ರತಿ ತಿಂಗಳು ಠೇವಣಿ ಮಾಡಬೇಕಾದ ಮೊತ್ತವನ್ನು ನೀವೇ ಆಯ್ಕೆ ಮಾಡಬಹುದು.
ಸ್ಥಿರ ಬಡ್ಡಿ ದರ: ಎಫ್‌ಡಿಗಳಂತೆಯೇ, ಆರ್‌ಡಿಗಳು ಸಂಪೂರ್ಣ ಅವಧಿಗೆ ಸ್ಥಿರ ಬಡ್ಡಿ ದರವನ್ನು ನೀಡುತ್ತವೆ.

ಸ್ಥಿರ ಅವಧಿ:

RD ಗಳು ಸ್ಥಿರವಾದ ಅವಧಿಯನ್ನು ಹೊಂದಿರುತ್ತವೆ ಮತ್ತು ಮೆಚ್ಯೂರಿಟಿ ಮೊತ್ತವನ್ನು ಮೊದಲೇ ನಿರ್ಧರಿಸಲಾಗುತ್ತದೆ.
ಹೈಯರ್ ಲಿಕ್ವಿಡಿಟಿ: ಎಫ್‌ಡಿಗಳಿಗೆ ಹೋಲಿಸಿದರೆ ಆರ್‌ಡಿಗಳು ಉತ್ತಮ ಲಿಕ್ವಿಡಿಟಿಯನ್ನು ನೀಡುತ್ತವೆ, ಏಕೆಂದರೆ ನೀವು ಸಂಗ್ರಹಿಸಿಟ್ಟ ಮೊತ್ತವನ್ನು ಹಿಂಪಡೆಯಬಹುದು ಅಥವಾ ತುರ್ತು ಸಂದರ್ಭಗಳಲ್ಲಿ ಅದರ ಮೇಲೆ ಸಾಲವನ್ನು ತೆಗೆದುಕೊಳ್ಳಬಹುದು.

ಎಫ್‌ಡಿಯಲ್ಲಿ ಹೂಡಿಕೆ ಮಾಡಲು ದೊಡ್ಡ ಮೊತ್ತವನ್ನು ಹೊಂದಿರಬೇಕಾಗುತ್ತದೆ. ಆದರೆ ಮಾಸಿಕ ಆದಾಯದಿಂದ ಹೂಡಿಕೆಯ ಮೊತ್ತದ ಸಣ್ಣ ಭಾಗವನ್ನು ಭರಿಸಬಲ್ಲ ಜನರಿಗೆ, ಆರ್‌ಡಿ ಅನುಕೂಲ ಹೂಡಿಕೆ ಆಯ್ಕೆಯಾಗಿ ಕಂಡುಬರುತ್ತದೆ. ಆರ್‌ಡಿ ಮತ್ತು ಎಫ್‌ಡಿ ಎರಡೂ ಕಡಿಮೆ ತೆರಿಗೆ ಸ್ಲ್ಯಾಬ್ ನಲ್ಲಿರುವ ರಿಸ್ಕ್ ಗಳನ್ನು ತೆಗೆದುಕೊಳ್ಳದ ಹೂಡಿಕೆದಾರರಿಗೆ ಹೆಚ್ಚು ಸೂಕ್ತವಾಗಿವೆ. ಎಫ್‌ಡಿಗಳು ಮತ್ತು ಆರ್‌ಡಿಗಳಂತ ಉಳಿತಾಯ ಯೋಜನೆಗಳು ಹಣಕಾಸಿನ ಉದ್ದೇಶಗಳನ್ನು ಸಾಧಿಸಲು ಮಾರ್ಗಗಳನ್ನು ನೀಡುತ್ತವೆ.

ನಿಮ್ಮ ಉಳಿತಾಯ ಕಾರ್ಯತಂತ್ರದಲ್ಲಿ ಎಫ್‌ಡಿಗಳು ಮತ್ತು ಆರ್‌ಡಿಗಳನ್ನು ಸೇರಿಸುವ ಮೂಲಕ, ನಿಮ್ಮ ಆರ್ಥಿಕ ಸ್ಥಿತಿಯನ್ನು ಬಲಪಡಿಸಲು ಮತ್ತು ಉಜ್ವಲ ಭವಿಷ್ಯವನ್ನು ನಿರ್ಮಿಸಲು ಮತ್ತು ಶಿಸ್ತಿನ ಉಳಿತಾಯ ಅಭ್ಯಾಸಗಳನ್ನು ಬೆಳೆಸಿಕೊಳ್ಳಬಹುದಾಗಿದೆ.