ಮತ್ತಷ್ಟು ಇಳಿಕೆಯಾಗಲಿದೆ ಚಿನ್ನದ ಬೆಲೆ: ಇಂದು 500 ರೂ. ಇಳಿಕೆ ಸಾಧ್ಯತೆ
ಭಾರತೀಯ ಮಾರುಕಟ್ಟೆಯಲ್ಲಿ ಕಳೆದ ಶನಿವಾರ ಚಿನ್ನದ ಬೆಲೆ 10 ಗ್ರಾಂಗೆ 1000 ರೂಪಾಯಿ ಇಳಿಕೆಗೊಂಡ ಬಳಿಕ, ಹಳದಿ ಲೋಹದ ಬೆಲೆ ಸೋಮವರ ಸುಮಾರು 500 ರೂಪಾಯಿಗಳಷ್ಟು ಇಳಿಕೆಯಾಗುವ ಮುನ್ಸೂಚನೆ ನೀಡಿದೆ.
22 ಕ್ಯಾರೆಟ್ ಚಿನ್ನ ಕಳೆದ ವಾರಾಂತ್ಯದಲ್ಲಿ ದೇಶದ ಪ್ರಮುಖ ನಗರಗಳಲ್ಲಿ 10 ಗ್ರಾಂಗೆ 800 ರಿಂದ 1000 ರೂಪಾಯಿಗಳಷ್ಟ ಇಳಿಕೆಗೊಂಡಿತ್ತು. ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಹಳದಿ ಲೋಹದ ಬೆಲೆ ಇಳಿಕೆಗೊಂಡಿರುವ ಹಿನ್ನಲೆಯಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಮತ್ತಷ್ಟು ಇಳಿಕೆಯಾಗುವ ಸಾಧ್ಯತೆ ಹೆಚ್ಚಾಗಿದೆ.
ಏಷ್ಯಾ ಮಾರುಕಟ್ಟೆ ಮತ್ತಷ್ಟು ಕುಸಿತ ಸಾಧ್ಯತೆ
ಸೋಮವಾರ ಬೆಳಿಗ್ಗೆ ಏಷ್ಯನ್ ವ್ಯಾಪಾರದಲ್ಲಿ ಅಂತರಾಷ್ಟ್ರೀಯ ಬೆಲೆಯಲ್ಲಿ ಕುಸಿತವು ಭಾರತೀಯ ನಗರಗಳಲ್ಲಿ ಮತ್ತಷ್ಟು ಚಿನ್ನದ ಬೆಲೆ ಕುಸಿತಕ್ಕೆ ಕಾರಣವಾಗಬಹುದು. ಏಷ್ಯಾದಲ್ಲಿ ಚಿನ್ನವು ಶೇಕಡಾ 1.3ರಷ್ಟು ಇಳಿಕೆಯಾಗಿದೆ. ಭಾರತದಲ್ಲಿ, ಚಿನ್ನದ ಬೆಲೆಗಳು ಅಂತರಾಷ್ಟ್ರೀಯ ಬೆಲೆಯನ್ನು ಅನುಸರಿಸುತ್ತವೆ, ಮತ್ತು ಶೇಕಡಾ 1.3 ನಷ್ಟು ಇಳಿಕೆ ಆಗಿದ್ದು, ಅಂದರೆ ಸುಮಾರು 500 ರಿಂದ 600 ರೂಪಾಯಿಗಳಷ್ಟು ಚಿನ್ನದ ಇಳಿಕೆಯನ್ನು ನೋಡಬಹುದು.
ದೇಶದ ಪ್ರಮುಖ ನಗರಗಳಲ್ಲಿ ಆಗಸ್ಟ್ 08ರ ಚಿನ್ನ, ಬೆಳ್ಳಿ ದರ ಎಷ್ಟಿದೆ?
ಡಾಲರ್ ಎದುರು ರೂಪಾಯಿ ಲಾಭಗೊಂಡರೆ ಪರಿಣಾಮ
ಅಮೆರಿಕಾ ಡಾಲರ್ ಎದುರು ರೂಪಾಯಿ ಲಾಭ ಗಳಿಸಿದರೆ ಚಿನ್ನದ ಬೆಲೆ ಇಳಿಕೆಯ ಮೇಲೂ ಪರಿಣಾಮ ಬೀರಬಹುದು. ಡಾಲರ್ ಎದುರು ರೂಪಾಯಿ ಕುಸಿದಲ್ಲಿ, ಕುಸಿತವನ್ನು ಅದು ನಿರ್ಬಂಧಿಸಬಹುದು. ಈ ಸಮಯದಲ್ಲಿ ಚೆನ್ನೈ ನಗರದಲ್ಲಿ 22 ಕ್ಯಾರೆಟ್ ಚಿನ್ನವು ಪ್ರತಿ 10 ಗ್ರಾಂಗೆ 45,700 ರೂ., ಬೆಂಗಳೂರು 10 ಗ್ರಾಂಗೆ 43,750 ರೂ., ಹೈದರಾಬಾದ್ ಚಿನ್ನ 43,850 ರೂ. ಮತ್ತು ಕೇರಳ 22 ಕ್ಯಾರೆಟ್ ಚಿನ್ನ 10 ಗ್ರಾಂಗೆ 43,850 ರೂ. ನಷ್ಟಿದೆ.
ನೂತನ ಹಾಲ್ಮಾರ್ಕ್ ನಿಯಮ: ಚಿನ್ನ ಖರೀದಿದಾರರು, ವ್ಯಾಪಾರಿಗಳ ಮೇಲೆ ಏನು ಪ್ರಭಾವ ಬೀರುತ್ತದೆ?
ಅಂತರಾಷ್ಟ್ರೀಯ ಮಟ್ಟದಲ್ಲಿ ಚಿನ್ನದ ಬೆಲೆ ಇಳಿಕೆಯಾಗಿದೆ
ಜಾಗತಿಕ ಮಾರುಕಟ್ಟೆಯಲ್ಲಿ ಚಿನ್ನವು ವಾರಾಂತ್ಯದಲ್ಲಿ ಔನ್ಸ್ಗೆ 1763 ಡಾಲರ್ಗೆ ಮುಕ್ತಾಯಗೊಂಡ ನಂತರ ಸೋಮವಾರ ಬೆಳಿಗ್ಗೆ ಏಷ್ಯನ್ ವ್ಯಾಪಾರದಲ್ಲಿ ಔನ್ಸ್ಗೆ 1738.20 ಡಾಲರ್ಗೆ ಇಳಿದಿದೆ.
ವಾಸ್ತವವಾಗಿ, ಚಿನ್ನದ ಔಟ್ಪುಟ್ ಔನ್ಸ್ಗೆ 1738.20 ಡಾಲರ್ಗೆ ಚೇತರಿಸಿಕೊಳ್ಳುವ ಮೊದಲು 1,677 ಡಾಲರ್ಗೆ ಇಳಿದಿದೆ. ಬೆಳ್ಳಿ ಅಕ್ಟೋಬರ್ ಭವಿಷ್ಯವು ಶೇಕಡಾ 3.1ರಷ್ಟು ಕಳೆದು 23.78 ಡಾಲರ್ಗೆ ತಲುಪಿದೆ. ಪ್ಲಾಟಿನಂ ಸಹ ಇಳಿಕೆಗೊಂಡಿದ್ದು, ಅಕ್ಟೋಬರ್ ಭವಿಷ್ಯವು ಶೇಕಡಾ 1.24ನಷ್ಟಿದ್ದು 960 ಡಾಲರ್ ತಲುಪಿದೆ.
ಅಮೆರಿಕಾದಲ್ಲಿ ನಿರುದ್ಯೋಗ ದರ ಕುಸಿತ, ಚಿನ್ನದ ಬೆಲೆ ಇಳಿಕೆ
ಕೋವಿಡ್ -19 ರ ಡೆಲ್ಟಾ ರೂಪಾಂತರದ ಭಯದ ಹೊರತಾಗಿಯೂ ಮತ್ತು ಕಂಪನಿಗಳು ಬಿಗಿಯಾದ ಕಾರ್ಮಿಕ ಪೂರೈಕೆಯೊಂದಿಗೆ ಹೆಣಗಾಡುತ್ತಿರುವಾಗಲೂ ಅಮೆರಿಕಾದಲ್ಲಿ ಉದ್ಯೋಗ ನೇಮಕಾತಿಯು ಸುಮಾರು ಒಂದು ವರ್ಷದಲ್ಲಿ ಮೊದಲ ಬಾರಿಗೆ ಹೆಚ್ಚಿನ ಏರಿಕೆ ದಾಖಲಿಸಿದ್ದು, ಜುಲೈ ತಿಂಗಳಲ್ಲಿ ಅತ್ಯಂತ ವೇಗದಲ್ಲಿ ಏರಿತು ಎಂದು ಕಾರ್ಮಿಕ ಇಲಾಖೆ ಇತ್ತೀಚೆಗೆ ವರದಿ ಮಾಡಿದೆ.
ಇಲಾಖೆಯ ಕಾರ್ಮಿಕ ಅಂಕಿಅಂಶಗಳ ಪ್ರಕಾರ ನಿರುದ್ಯೋಗ ದರವು ಶೇಕಡಾ 5.4ರಷ್ಟು ಇಳಿದಿದ್ದು, ತಿಂಗಳಿಗೆ 9,43,000ರಷ್ಟು ಹೆಚ್ಚಾಗಿದೆ. ಈ ವೇತನ ಹೆಚ್ಚಳ ಪ್ರಮಾಣವು ಕಳೆದ ಆಗಸ್ಟ್ 2020 ರಿಂದ ಅತ್ಯಂತ ಉತ್ತಮವಾಗಿದೆ.
ಈ ಮೂಲಕ ನಿರುದ್ಯೋಗ ದರವು ತೀವ್ರವಾಗಿ ಕುಸಿದಿದೆ ಮತ್ತು ವೇತನ ಏರಿಕೆಯಾಗಿದೆ ಎಂದು ಯುಎಸ್ ಉದ್ಯೋಗದ ಡೇಟಾ ಬಹಿರಂಗಪಡಿಸಿದ ನಂತರ ಚಿನ್ನದ ಬೆಲೆಗಳ ಕುಸಿತವು ಕಳೆದ ವಾರ ಕೊನೆಯಲ್ಲಿ ಆರಂಭವಾಯಿತು.
ಇಂದಿನಿಂದ ಸವರನ್ ಗೋಲ್ಡ್ ಬಾಂಡ್ 5ನೇ ಚಂದಾದಾರಿಕೆ
ಸವರನ್ ಗೋಲ್ಡ್ ಬಾಂಡ್ ಯೋಜನೆ (2021) ಐದನೇ ಚಂದಾದಾರಿಕೆಯು ಇಂದಿನಿಂದ ಅಂದರೆ ಆಗಸ್ಟ್ 09, ಸೋಮವಾರದಿಂದ ತೆರೆಯಲಿದೆ. ಐದನೇ ಕಂತಿನ ವಿಂಡೋ ಆಗಸ್ಟ್ 9 ರಿಂದ ಆಗಸ್ಟ್ 13 ರ ನಡುವೆ ಹೂಡಿಕೆದಾರರಿಗೆ ತೆರೆದಿರುತ್ತದೆ. ಐದು ದಿನಗಳ ಅವಧಿಗೆ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ನಿಂದ 2021-22 ಗೋಲ್ಡ್ ಬಾಂಡ್ ಯೋಜನೆಗಾಗಿ ನಿಗದಿಪಡಿಸಿದ ವೇಳಾಪಟ್ಟಿಯಲ್ಲಿ ಚಿನ್ನದ ಬಾಂಡ್ಗಳನ್ನು ಖರೀದಿಸಬಹುದು.
ಆರ್ಬಿಐ ಪ್ರಕಾರ, ಒಂದು ಗ್ರಾಂ ಚಿನ್ನದ ಮೌಲ್ಯಕ್ಕೆ ಸಮನಾದ ಪ್ರತಿ ಯೂನಿಟ್ಗೆ 4,790 ರ ವಿತರಣಾ ಬೆಲೆಯಿದ್ದು, 2021-22 ಚಿನ್ನದ ಬಾಂಡ್ ಯೋಜನೆಯ ಐದನೇ ಕಂತಿಗೆ ಅನ್ವಯಿಸುತ್ತದೆ. ಐದನೇ ಕಂತಿನ ವಿತರಣೆಯ ದಿನಾಂಕವನ್ನು ಆಗಸ್ಟ್ 17, 2021 ಎಂದು ನಿಗದಿಪಡಿಸಲಾಗಿದೆ.