ಭಾರತಕ್ಕೆ 5 ಕೋಟಿ ರುಪಾಯಿ ದೇಣಿಗೆ ನೀಡಿದ ಗೂಗಲ್ ಸಿಇಒ ಸುಂದರ್ ಪಿಚೈ

ಭಾರತ ಮೂಲದ ಆಲ್ಫಾಬೆಟ್ ಮತ್ತು ಗೂಗಲ್ ಸಿಇಒ ಸುಂದರ್ ಪಿಚೈ ಅವರು ಭಾರತಕ್ಕೆ 5 ಕೋಟಿ ದೇಣಿಗೆ ನೀಡಿದ್ದಾರೆ, ಆನ್‌ಲೈನ್ ಲಾಭರಹಿತ ವೇದಿಕೆ 'ಗೀವ್ ಇಂಡಿಯಾ' ಮೂಲಕ 5 ಕೋಟಿ ರುಪಾಯಿ ದೇಣಿಗೆ ನೀಡಿದ್ದಾರೆ.

"ದುರ್ಬಲ ದೈನಂದಿನ ಕೂಲಿ ಕಾರ್ಮಿಕ ಕುಟುಂಬಗಳಿಗೆ ತೀರಾ ಅಗತ್ಯವಾದ ನಗದು ಸಹಾಯವನ್ನು ಒದಗಿಸಲು @ಗೂಗಲ್‌ಆರ್ಗ್‌ನ 5 ಕೋಟಿ ಅನುದಾನವನ್ನು ಹೊಂದಿಸಿದ್ದಕ್ಕಾಗಿ ಧನ್ಯವಾದಗಳು @ಸುಂದರ್‌ಪಿಚೈ" ಎಂದು ಗಿವ್ ಇಂಡಿಯಾ ಟ್ವೀಟ್ ಮಾಡಿದೆ. ಗಿವ್ ಇಂಡಿಯಾ ದೇಶಾದ್ಯಂತ ದುರ್ಬಲ ಕುಟುಂಬಗಳನ್ನು ಬೆಂಬಲಿಸಲು ಇದುವರೆಗೆ 12 ಕೋಟಿ ರುಪಾಯಿಗಳನ್ನು ಸಂಗ್ರಹಿಸಿದೆ.

ಜಾಗತಿಕ ಕೋವಿಡ್ -19 ಸಾಂಕ್ರಾಮಿಕ ರೋಗದ ಮುಂಚೂಣಿಯಲ್ಲಿರುವ ಸಣ್ಣ ಮತ್ತು ಮಧ್ಯಮ ವ್ಯವಹಾರಗಳು (SMB ಗಳು), ಆರೋಗ್ಯ ಸಂಸ್ಥೆಗಳು, ಸರ್ಕಾರಗಳು ಮತ್ತು ಆರೋಗ್ಯ ಕಾರ್ಯಕರ್ತರನ್ನು ಬೆಂಬಲಿಸಲು ಕಂಪನಿಯು 800 ದಶಲಕ್ಷ ಡಾಲರ್‌ಗಿಂತ ಹೆಚ್ಚಿನ ಹಣವನ್ನು ನೀಡುವುದಾಗಿ ಪಿಚೈ ಕಳೆದ ತಿಂಗಳು ಘೋಷಿಸಿದ್ದರು.

ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ) ಗೆ ಸಹಾಯ ಮಾಡಲು 250 ಮಿಲಿಯನ್ ಡಾಲರ್ ಜಾಹೀರಾತು ಅನುದಾನವನ್ನು ನೀಡುವುದಾಗಿ ತಿಳಿಸಿದ್ದಾರೆ. ಮತ್ತು ಜಾಗತಿಕವಾಗಿ 100 ಕ್ಕೂ ಹೆಚ್ಚು ಸರ್ಕಾರಗಳಿಗೆ ಕೊರೊನಾವೈರಸ್ ಹರಡುವುದನ್ನು ಹೇಗೆ ತಡೆಯುವುದು ಮತ್ತು ಸ್ಥಳೀಯ ಸಮುದಾಯಗಳಿಗೆ ಹರಡುವುದನ್ನು ತಪ್ಪಿಸುವುದು ಹೇಗೆ ಎಂಬ ಮಾಹಿತಿಯನ್ನು ಒದಗಿಸಲಿದೆ.

ಸಣ್ಣ ಉದ್ಯಮಗಳಿಗೆ ಬಂಡವಾಳ ಒದಗಿಸಲು ಜಗತ್ತಿನಾದ್ಯಂತ ಸುಮಾರು 200 ಮಿಲಿಯನ್ ಡಾಲರ್ ಹೂಡಿಕೆ ನಿಧಿಯನ್ನು ನೀಡಲು ಬದ್ಧವಾಗಿದೆ ಹಾಗೂ ಎನ್‌ಜಿಒಗಳಿಗೆ ಹಣಕಾಸು ಸಂಸ್ಥೆಗಳಿಗೆ ಸಹಾಯ ಮಾಡುವುದಾಗಿ ಗೂಗಲ್ ಹೇಳಿದೆ.