ಹೊಸ ಫೀಚರ್‌ಗಳೊಂದಿಗೆ 15ನೇ ವರ್ಷಕ್ಕೆ ಕಾಲಿಟ್ಟ ಗೂಗಲ್ ಮ್ಯಾಪ್ಸ್

15ನೇ ವರ್ಷಕ್ಕೆ ಕಾಲಿಟ್ಟ ಗೂಗಲ್ ಮ್ಯಾಪ್ ಹೊಸ ವಿನ್ಯಾಸದೊಂದಿಗೆ ಹಾಗೂ ಲೋಗೊದೊಂದಿಗೆ ಕಾಲಿಟ್ಟಿದೆ. ಮರುವಿನ್ಯಾಸಗೊಳಿಸದ ಬಳಿಕ ಗೂಗಲ್ ಮ್ಯಾಪ್ ಬಳಕೆದಾರರು ಭೇಟಿ ನೀಡುವ ಸ್ಥಳಗಳ ಬಗ್ಗೆ ಮಾಹಿತಿ ಸಿಗುವುದರ ಜೊತೆಗೆ ಸುತ್ತಮುತ್ತಲಿನ ಭೇಟಿಯ ಪ್ರಸಿದ್ಧ ತಾಣಗಳನ್ನು ತೋರಿಸುತ್ತದೆ.

ನೀವು ಭೇಟಿ ನೀಡುವ ಸ್ಥಳದ ಸುತ್ತಮುತ್ತಲಿನ ಹೋಟೆಲ್, ಲಾಡ್ಜಿಂಗ್, ರೆಸ್ಟೋರೆಂಟ್, ಪ್ರವಾಸಿ ತಾಣಗಳು ಸೇರಿದಂತೆ ಸಂಪೂರ್ಣ ಮಾಹಿತಿ ಸಿಗಲಿದೆ. ಈ ಕುರಿತು ಟ್ವೀಟ್ ಮಾಡಿರುವ ಗೂಗಲ್ ಸಿಇಒ ಸುಂದರ್ ಪಿಚೈ ಅವರ ಪ್ರಿಯವಾದ ಸಸ್ಯಹಾರಿ ಬರಿಟೋ ರೆಸ್ಟೋರೆಂಟ್‌ಗಳನ್ನು ಟ್ವಿಟರ್‌ನಲ್ಲಿ ಹರಿಬಿಟ್ಟಿದ್ದಾರೆ.

'' 15ನೇ ವರ್ಷದ ಹುಟ್ಟುಹಬ್ಬದ ಶುಭಾಶಯಗಳು ಗೂಗಲ್ ಮ್ಯಾಪ್ಸ್! ನಾನು ಎಲ್ಲಿದ್ದರೂ ಉತ್ತಮ ಸಸ್ಯಹಾರಿ ಬರಿಟೋವನ್ನು ಹುಡುಕುವವರೆಗೆ, ನನಗೆ ಸುಲಭವಾಗಿ ಸಹಾಯ ಮಾಡುವ ಕೆಲವು ವಿಧಾನಗಳ ಬಗ್ಗೆ ಇದು ಪ್ರತಿಬಿಂಬಿಸುತ್ತದೆ. ನಮ್ಮ ಬಳಕೆದಾರರ ಬೆಂಬಲಕ್ಕೆ ಧನ್ಯವಾದಗಳು, ನಕ್ಷೆಗಳು ಪ್ರತಿದಿನ ಹೆಚ್ಚು ಸಹಾಯಕವಾಗುತ್ತವೆ. ಎಂದು ಗೂಗಲ್ ಸಿಇಒ ಸುಂದರ್ ಪಿಚೈ ಟ್ವೀಟ್ ಮಾಡಿದ್ದಾರೆ.

ಗೂಗಲ್ ತನ್ನ ಅಪ್ಲಿಕೇಶನ್‌ನಲ್ಲಿ ಮಾಸಿಕ ಒಂದು ಬಿಲಿಯನ್‌ಗಿಂತಲೂ ಹೆಚ್ಚು ಸಕ್ರಿಯ ಬಳಕೆದಾರರನ್ನು ಹೊಂದಿದೆ. ಮತ್ತು 220 ಕ್ಕೂ ಹೆಚ್ಚು ದೇಶಗಳು ಮತ್ತು ಪ್ರಾಂತ್ಯಗಳನ್ನು ಮ್ಯಾಪ್ ಮಾಡಿದೆ ಮತ್ತು 171 ದೇಶಗಳಲ್ಲಿ ನೇರ ಸಂಚಾರ ನವೀಕರಣಗಳನ್ನು ನೀಡುತ್ತದೆ.